bizkaikobatzarnagusienaraudia

BIZKAIKO BATZAR NAGUSIEN ARAUDIA

(126 zenbakidun BEO, 1995.eko uztailaren 3koa)

AURREKO IDAZPURUA

BATZAR NAGUSIETAKO HIZKUNTZA OFIZIALAK

1. atala.-

Euskerea eta gaztelania dira Bizkaiko Batzar Nagusietako hizkuntza ofizialak, biak aukeran erabili leitekezala. Batzar Na-gusien argitalpen ofizialak hizkuntza biotan egingo dira.

I. IDAZPURUA

BATZAR NAGUSIAK OSATZEA

I. ATALBURUA

ERAKETARAKO BATZARRA

2. atala.-

1. Hautatutako Batzarkideek jagoken Hauteskunde-Batzarrak egindako izendapen-egiaztagiria Batzar Nagusietako Idazka-ritza Nagusian aurkeztuz egiaztatuko dabe batzarkidetasuna. Aldi berean, zehaztasun-orriak bete eta izenpetu beharko ditue, jaiotza-eguna, ohizko egoitza, adierazpenetarako aukeratzen dabena, lanbidea eta daukiezan herri-karguak agertze-ko.

2. Idazkaritza Nagusian erasota geratuko da nork zein ordutan aurkeztu dauan egiaztagiria eta aurkeztutako hurrenkerea-ren arabera osatuko da Batzarkideen zerrendea.

3. atala.-

1. Batzarkideen hirurenak batzarkidetasuna egiaztatuta, hurrengo zazpi eguneko epe barruan egingo da Eraketarako Batza-rrerako Dei-Dekretua, Batzar Iraunkorreko Lehendakariaren aginduz.

2. Deiak adierazotako egunean batzartuko dira Batzarkideak, Batzar Iraunkorreko Lehendakaria mahaiburu dala.

3. Batzar Iraunkorreko Idazkariren batek deituko deutse Batzarkide agiridunei, agiria aurkezten lehenengo izan danetik hasi eta azkenengora arte.

4. Aitatutako "deia" egin dakienean, Batzarkideek bertan dirala banan-banan adierazo eta, Lehendakariaren eskariz, jago-ken lekuan jesarriko dira, eskatzen jakezan eginbeharrak beteko dabezan adierazgarri, baita Araudi honen bidez autortzen jakezan eskubideen erakusgarri be.

4. atala.-

1. Eraketarako Batzarreko Lehendakariak Batzarra hasi dala aldarrikatuko dau eta, bere aginduz, Batzar Iraunkorreko Idaz-karietako batek irakurri egingo ditu Batzar Nagusiak batzeko deia, bertan dagozan Batzarkideen zerrendea, Batzarrari bu-ruzko Araudiaren atalak eta egiaztaturiko Batzarkideei egin lekikiezan eta erabagiteko egon leitekezan goradeiak.

2. Jarraian, Batzarkiderik zaharrenak Adineko Mahaiaren Lehendakaritza hartu eta adinez bere ondorengoak diran biei dei egingo deutse behin-betikotasunezko Mahaia hautatu arte Adineko Mahaiaren Lehendakariorde izan daitezan, eta bi gaz-teenei, epe berean Idazkari izan daitezan.

II. ATALBURUA

BATZAR NAGUSIAK BEHIN-BETIKOTASUNEZ OSATZEA

5. atala.-

1. Adineko Mahaia eratu ondoren, Batzar Nagusietako Mahaia izendatuko da isilpeko botu-emonketaz. Lehendakariak, Lehendakariorde bik eta Idazkari bik osatuko dabe.

2. Lehendakaria aukeratzeko Batzarkide bakotxak izen bakar bat idatziko dau txartelean. Batzar Nagusietako Batzarkideen botuen gehiengo osoa lortzen dauana izango da hautatua.

Hautagaietariko batek be ez badau gehiengo osorik lortzen, boturik gehien atara daben bien arteko botu-emonketa egingo da, boturik gehien atara dagiana hautatuko dala Lehendakari.

Bardinketarik izan ezkero botu-emonketea barriro egingo da, baina beste behin baino ez; horretan be bardinduta jarraitu ezkero, Bizkaiko Jatorrizko Lurraldeko Batzar Nagusietarako hauteskundeetan boturik gehien ataratako alderdi politikoaren hautagaia izango da Lehendakari.

3. Lehendakariorde biak batera hautatuko dira. Batzarkide bakotxak izen bakar bat idatziko dau txartelean eta boturik ge-hien atara dagien biak hurrenez hurren izango dira hautatuak.

4. Idazkariak hautatzeko Lehendakariordeen kasuan erabilitako bide berbera erabiliko da.

5. Lehendakariordetza eta Idazkaritzetarako hautaketetan egon leitekezan bardinketak Lehendakaria hautatzeko jarritako bide berberaz ebatziko dira.

6. Adineko Mahaiaren jarduna eta egitekoak Batzar Nagusietako Mahaiaren hautaketaren emoitzak aldarrikatuaz batera amaituko dira.

6. atala.-

Aitatutako botu-emonketak amaitu ostean, Batzar Nagusiak behin-betikotasunez eratuta dagozala aldarrikatuko dau hauta-turiko Lehendakariak, jardunean dagoan Aldun Nagusiari ofizialtasunez jakinerazoko deutso eta, zazpi eguneko epe ba-rruan egin beharreko hurrengo batzarrerako deia eginda, batzarra amaitutzat joko dau.

7. atala.-

Eraketarako Batzarreko deiari erantzun barik dagozanek agintaldian zehar erantzun leikioe, aurretiaz Mahaiari horretarako idatzizko eskaria aurkeztuaz. Eskaria aurkeztu eta hurrengo lehenengo Osoko Batzarrean egingo jaken deiari erantzuteko eta jagoken jarlekura joateko aukerea emongo jake.

8. atala.-

Behin-betikotasunezko Mahairako botu-emonketak hauteskundeen balioaren eta hautaturiko Batzarkideen aldarrikapenaren aurka egindako goradeiak erabagitearen zain egon barik egingo dira, baita dana dalako epaien ondorenez egin beharreko hauteskunde barrien zain egon barik be, Batzarkideen ehuneko hamarraren edo gehiagoren agintea zatizko hauteskundeon menpe dagoanean izan ezik; orduan, behin-betikotasunez Batzarkide hautatutakotzat aldarrikaturikoak aurkeztu arte atzera-tu beharko da hautaketea.

9. atala.-

6. atalean jarritakoaren arabera deitutako batzarrean, Alkartezintasunetarako Batzordea izendatuko dabe Batzar Nagusiek, Araudi honen IV. Idazpuruko III. Atalburuan esandakoaren arabera.

10. atala.-

1. Batzarkide bakotxaren batzarkidetasunari buruzko erizpena emongo dau Alkartezintasunetarako Batzordeak eratu eta zazpi eguneko epe barruan. Erizpena Osoko Batzarrean aurkeztuko da, aztertu eta, hala eritxi ezkero, onartu egin daiten.

2. Erizpenari buruzko eztabaidan aldeko zein aurkako txanda bana egon leiteke, Batzordekideren batek erizpenaren alde egindakoaz ganera.

3. Alkartezintasuna dala-ta eztabaidagai izan daiten Batzarkideak aitamenakaitik parte hartu leike eztabaidan, baina ez, ostera, berari joakon bozketan.

4. Alkartezintasunezko adierazpenen bat izan ezkero, adierazpen hori sortuerazo daben arrazoiei uko egiteko bost eguneko epea izango dau dana dalako Batzarkideak, hori konponduta batzarkidetasuna lortu leikeala. Aitaturiko ukapena sineskarri-ro aurkeztu beharko jako Batzar Nagusietako Mahaiari, hortik Alkartezintasunetarako Batzordera bideratuko dala.

5. Batzarkidetasunari buruzko erizpenak kontuan izan beharko ditu Hauteskunde-Legeak agindutakoa eta indarrean dago-zan beste arau guztiak.

11. atala.-

Batzar berean, hauteskundeen balioaz eta hautaturiko Batzarkideak aldarrikatzeaz erabagitako goradeien barri emongo deutse Lehendakariak Batzar Nagusiei, izandako epaien ondorenez batzarkidetasuna jaso dagienei Araudiaren 3. atalean azaltzen dan "deia" egingo jakela.

Era berean, Aldun Nagusia izendatzeko Batzar Nagusirako deia egingo dau Lehendakaritzak, VIII. Idazpuruaren I. Atalbu-ruan jarritako bideen arabera.

II. IDAZPURUA

BATZARKIDEAK

12. atala.-

1. Hautatutzat aldarrikaturiko Batzarkideak ondorengo eskakizunak bete ezkero jabetuko dira batzarkidetasun osoaz:

1) Batzar Nagusietako Idazkaritza Nagusian jagokon Hauteskunde-Administrazioak emondako egiaztagiria aurkeztuta.

2) Alkartezintasun-azterketaren ondorenetarako zehaztasun-orria betetea, bigarren atalean eskatzen diranak agertuaz.

3) Deiari erantzunda.

2. Batzarkideek Batzar Nagusietako osoko batzarretara eta jagokezan Batzordeetakoetara joateko eskubidea eta joan be-harra daukie, baita araudiz derrigorrezko daukiezan egitekoak burutu beharra be.

13. atala.-

1. Batzarkideek, jagokezan egitekoak ahalik eta ondoen bete ahal izateko, Foru Aldundiaren esku egon daitezan zehazta-sun, argipide eta agiriak eskatu leikiez. Eskabideok idatziz egin beharko dira, eskegilearen Batzarkide-Taldea ekintza horren jakitun dala adierazoaz eskabidean.

2. Eskabidea Batzar Nagusietako Lehendakariari egingo jako, Foru Aldundiari bialdu degion; Aldundiak gehien jota hogeita hamar eguneko epe barruan erantzun beharko dau, edo, epe berean, erantzutea eragotzi dagien legeetan oinarrituriko arrazoiak idatziz adierazo.

3. Era berean, Batzarkideek, Bizkaiko Jatorrizko Lurraldean zeozelango eragina izan leikien gaiak dirala eritxita, gaioi bu-ruzko agiriak eskatu leikiez Autonomia-Elkarteko Jaurtze-Sailei zein bestelako herri-agintariei, eskaria Batzar Nagusietako Lehendakariaren bitartez egingo jakela.

14. atala.-

1. Batzarkideek, jagoken Batzordearen bidez eta Araudiak agintzen dauanaren arabera, Aldun Nagusia eta Foru Aldunak Batzar Nagusietara edo Batzordeetara joatea eskatu leikie. Eskari hori Batzar Nagusietako Lehendakariari aurkeztuko jako, eta Lehendariak Foru Aldundiari bialduko deutso.

2. Foru Aldundikideren batek Batzar Nagusietan argipideak emon gura baditu, gai horretaz arduratzen dan Batzordean baino ezin emon izango ditu.

3. Batzarkide-Taldeek, Taldeburuaren bitartez, Foru Aldundikideak batzorderatzea eskatu leikie dana dalako arazoari jago-kon Batzordean argipideak emoteko, horretarako Batzordearen erabagirik behar izango ez dala.

4. Eskabidea Batzar Nagusietako Lehendakariari zuzenduko jako. Behin Mahaiak sailkatu eta bere bideak egin daizan onartu ondoren, eskabide hori Foru Aldundiari bialduko jako Lehendakaritzaren bitartez, bialdu eta zazpi egun igaro ondo-ren Gai-Zerrendan sartzeko moduan egongo dala.

5. Eskabide-idazkian argitzeko eskatzen dan gaia zehatz-mehatz adierazoteaz ganera eskabide horren arrazoiak be emon-go dira.

6. Eskabide-idazkiak Mahaiak onartu egingo ditu bideraketarako, atzera bota leitekezan eskabide bakarrak eskegilearen sudu edo interes hutsa agertzen dabenak baino ez dirala izango. Holako eskabideren bat atzera bota ezkero, Mahaiak arrazoitutako erabagiz egingo da.

7. Aurkeztutako batzorderatze-eskea presazkoa bada, presazkotasun hori arrazoituta badago eskabide-idatzian eta hata-kotzat sailkatzen dauanean Mahaiak, gehienez be 10 laneguneko epea egongo da bideraketarako onartu danetik eta Bat-zordean gai hori aztertu daiten arte.

15. atala.-

1. 12. atalean aitaturiko eskakizunak bete eta batzarkidetasun osoaz jabetutako Batzarkideek ordutik aurrera diru-saria jasoteko eskubidea izango dabe. Diru-sari horretan, beren-beregi zehaztuta zein zehaztu barik, batzarkide-zereginetako beharrezko gastuetarako diru-ordaina sartuko da. Batzarreratze-sariak eta joan-etorrietarakoak be jaso leikiez, Batzar Na-gusietako Diruegitamuan horrela erabagita balego.

2. Batzar Nagusietako Mahaiak urtero jarriko ditu diruegitamuetan Batzarkideei jagokezan diru-eskuraketen zenbatekoa eta izakerea.

3. Batzordean aztertzeko zuzenketa-eskeak edo saloak aurkeztu eta aurkeztutakoaren aldezpena egiteko batzordera joan daitezan Batzarkideek, berez Batzorde horretako Batzordekide izan ez arren, Batzordean izateagaitik jagokezan sariak jasoteko eskubidea izango dabe, diruegitamuetan ezarritakoaren arabera. Aitaturiko parte hartze hori batzar-agirian agertu-ko da, eta sari-ordainketaren etorria zuritzeko balioko dau.

4. Atal honetan azaldutako diru-eskuraketak itxi ezinezkoak eta kendu ezinezkoak dira, Araudi honetan zigorrei buruz jarri-takoakaitik izan ezik.

5. a) Batzar Nagusiek Gizarte-Babespeneko ordainketak egingo deutsiez gura dabezan Batzarkideei, Batzar Nagusien Diruegitamuetako diruagaz, Batzarkideon lanbide nagusia Erakunde honetakoa bada, beste inongo gizarte-babespenik ez daukienean edo daukiena behar dan bestekoa ez danean.

b) Gizarte-Babespeneko ordainketa zuzenean egin behar leuken enpresariari edo arduradunari ordainduta joko da bete-takotzat aurreko lerroaldikoa.

6. a) Aurreko 5.a) azpiatalean jarritako betebeharraren egingarritasuna Batzar Nagusietako Mahaiak aztertu beharko dau, horretarako eskabidea jaso ondoren.

Batzar Nagusietakoa jarduera nagusitzat hartzeko eskabideetan zehaztu egin beharko dira Batzarkidearen bete-beharrak, hau da, Mahaikide dan ala ez, bere Batzarkide-Taldean daukazan ardurak, zein Batzordetan dagoan sartu-ta etab. Erabagi orduko, Mahaiak egiaztatu eta neurtu egingo ditu zehaztasun guztiok.

b) Atal honetako 5.a) azpiatalak aitatutako Batzarkideek eurek erabagiko dabe Gizarte-Babesean bazkidetu eta/edo erroldaratzeko erabiliko dan jaurpidea, baita jagoken ordainketa-taula zein izango dan be, azken horrek goi mailako tituludunentzat ezarritakotik gora ezin leikeala egin.

c) Ordaindu beharra onartzeak eskabidea egin zan egunetik aurrera ordaintzea ekarriko dau. Horretarako atal honetako 5.a) azpiatalean eskatutakoak beteta egon beharko dau, eta Gizarte-Babespenerako Sail-Eragileentzako ordainketak eginda egon.

16. atala.-

Batzarkide dan artean esandakoakaitik, egindakoakaitik zein emondako botuakaitik ezin leiteke inor zigortu, ezta batzarki-detasuna galdu eta gero be.

17. atala.-

Batzarkideari ondorengo kasuetan kendu lekikeoz, aldi baterako, daukazan eskubide eta betebeharrak:

1. Sendetsitako zigortze-epairen batek hori adierazo dagianean.

2. Araudi honen V. Idazpuruko VII. Atalburuan jarritako kasuetan agertzen diran zigorpideak ezarri dakiozanean.

18. atala.-

Ondorengo arrazoiokaitik galduko dau Batzarkideak batzarkidetasuna:

1. Epailaritza-erabagiren batek hautatu izana zein Batzarkide aldarrikatu izana legez baliobakotzeagaitik.

2. Heriotzagaitik edo ezinean gelditzeagaitik, atzeneko hori sendetsitako epailaritza-erabagiz hatakotzat jo ondoren.

3. Batzar Nagusietako hauteskunde-deia egiterakoan agintaldia amaitzeagaitik. Edozelan be, Batzar Iraunkorreko Bat-zarkideak jardunean izango dira Batzar Nagusi barriak eratu arte.

4. Batzarkideak berak karguari uko egiteagaitik, erabagi hori Batzar Nagusietako Mahaiari adierazota.

III. IDAZPURUA

BATZARKIDE-TALDEAK

19. atala.-

Batzarkide-Talde bakotxak gitxienez hiru Batzarkide izan beharko ditu.

Batzarkide-Talderen bat eratzeko aurreko lerroaldian eskatzen dan gitxienezko Batzarkideak euki ez eta beste talderen bati atxikitu edo talderen bategaz bat egitea erabagi ez dagien erakunde-politiko, talde, batasun-talde edo alderdietako Batzarkideek Talde Berezia osatu leikie; talde horrek enparaduko taldeen eran hartuko dau parte Batzar Nagusien jardu-nean.

Talde Bereziak, deitura horregaz batera, taldekideek ebatzi dagiena erabili leike, taldekide guztiak talde, batasun-talde edo alderdi politiko berean aurkeztu diranean hauteskundeetara. Hauteskundeetan erakunde, talde, batasun-talde edo alderdi politiko bereko hautagai lez aurkeztutakoak ezin leitekez Batzarkide-Talde bat baino gehiagotan batu, ezta banatu be.

Batzarkide-Taldeek Taldeburu bana eta Taldeburuorde bana edo gehiago izendatuko dabez. Taldeburuordeok Taldebu-ruaren egiaztatutako ezintasuna jazo daitenean baino ezin izango dabez Taldeburuaren egitekoak bete, eta ezintasun hori idatziz adierazo beharko jako Batzar Nagusietako Lehendakariari batzarra hasi orduko. Taldearen izena eta Taldeburu, Taldeburuorde eta taldekide guztien izen-zerrenda jakinerazo beharko jako Mahaiari Batzar Nagusien Eraketarako Batzarra egiten dan egunetik hurrengo bost eguneko epe barruan.

20. atala.-

1. Batzarkideak edozein Batzarkide-Taldetan sartu leitekez, taldekide lez zein erantsitako lez. Horretarako eskaria Batzar Nagusietako Lehendakariari bialdutako idazkiz egin beharko da. Idazki horrek Batzarkideak aukeratutako taldeko Taldebu-ruaren oneritxia agertu beharko dau.

2. Taldekideren batek edo batzuk Talde Berezia ez dan besteren batetik alde egitearen ondorenez talde horrek aurreko atalaren lehen lerroaldian jarritako betekizunak beteko ez baleuz, Batzarkide-Talde lez jarraituko leuke legealdi osoan hasierako Batzarkide-kopuruaren gehiengoa daukan bitartean.

3. Aurreko 1. azpiatalean ezarritakoagaitik barik beste zeozergaitik talderen batetik alde egiten dauan Batzarkidea Talde Berezian sartuta geratuko da, berez eta beste barik, batzarraldiak dirauan bitartean. Taldeburuak horren barri emongo deutso Batzar Nagusietako Mahaiari.

4. Talde Bereziak ahobatez onartutako barruko araudia izango dau, taldekide guztien adierazpen-eskubidea bermatzeko. Arauok eta arauon aldaketak jakinerazo egingo jakoz Mahaiari. Ahobatez onartzea lortu ezik Mahaiak erabagiko dau.

21. atala.-

1. Batzar Nagusiek beharrezko leku eta eskuartekoak bideratuko deutsiez araudibidez eratutako Batzarkide-Taldeei eta taldeen batzarkide-zenbatekoa kontuan harturik zehaztuko dan diru-laguntza izendatuko deutsie Erakundearen Diruegita-muaren pentzura. Horrezaz ganera, jakineko osagarria be izendatuko deutsie, Batzarkide-Talde guztientzako bardina izan-go dana.

2. Batzarkide-Talderen batek, jagokozan egitekoetan behin eta barriro huts egin ezkero, atal honen lehenengo zatian jarrita-ko diru-laguntza jasoteko eskubidea aldibaterako edo betirako galtzea erabagi leike Batzar Nagusietako Lehendakariak, Mahaiagaz bat etorrita eta Taldeburu-Batzarrak dinoana entzunda.

IV. IDAZPURUA

BATZAR NAGUSIETAKO ANTOLAKETEA

I. ATALBURUA

MAHAIA

22. atala.-

1. Mahaia, Batzar Nagusietako sail-artezkaria, Lehendakariaren agintaritza eta artezkaritzapean dago, eta parte hartzen dauan eginkizunetan Batzar Nagusion bateango ordezkari da.

2. Lehendakariak, Lehendakariorde bik eta Idazkari bik osatzen dabe Mahaia. Mahaiak Batzar Nagusietako Legelaritza-Zerbitzuko Legelari Nagusiaren aholkularitza izango dau.

3. Mahaikideen hautaketa Araudi honen I. Idazpuruan jarritakoaren arabera egingo da.

4. Mahaikoak Lehendakariak horretarako deia egin ondoren batzartuko dira, bai batzarraldian baita batzarraldi bitartean be.

23. atala.-

1. Ondorengo egitekook jagokoz Mahaiari:

1) Batzar Nagusietako lan-antolaketeak, jaurpideak eta agintepideak eskatu degiozan erabagi eta neurri guztiak hart-zea.

2) Batzar Nagusietako gastuez erabagitea eta Batzar Nagusiakaz zerikusirik ez daukien erakunde, sail eta herritarrakaz akuraketa-hitzarmenak izenpetzea, holakoetan egin leikezan eskuemoteetarako eragozpen barik.

3) Batzarretako idazki eta agiriak sailkatzea Araudiaren arabera, baita idazki edo agiriok bideratzeko onargarri diran ala ez diran adierazotea be.

4) Batzarretako idazki eta agiri guztien bideraketeaz erabagitea, Araudi honetan jarritakoaren arabera.

5) Batzar Nagusien jardunerako erizpide nagusiak jartea, Osoko Batzarren eta Batzordeen ekintzapide-egitaraua zehaz-tea eta Batzarretako jardute-sail guztien lanak erakidetzea, hori guzti hori Taldeburu-Batzarrari entzun ondoren.

6) Batzar Nagusien Diruegitamugaia atontzea, onartutako diruegitamuaren ardura izatea eta, urtearen amaieran, Dirue-gitamua zenbateraino bete dan azaltzeko txostena aurkeztea Araudi eta Jaurpiderako Batzordeari.

7) Araudi honetan azaldutako enparaduko zereginez arduratzea, baita jardute-sail bereziren bati egotzita egon ez daiten beste edozerez be.

2. Batzarkide edo talderen bat ez balego ados aurreko azpiataleko hirugarren eta laugarren zatietan azaldutako egitekoei jarraituz Mahaiak harturiko erabagiagaz, erabagitakoa barriro aztertzea eskatu leike, erabagia argitaratu eta egun biko epe barruan. Mahaiak arrazoitutako erabagiz ebatziko dau behin-betikotasunez, Taldeburu-Batzarrari entzun ondoren.

24. atala.-

1. Batzar Nagusietako Lehendakariak Batzar Nagusien ordezkotza dauka: lanak ondo egiteaz arduratzen da, eztabaidak zuzendu eta arauzkotasunez egin daitezala zaindu eta ordainketak egin daitezala agintzen dau, holakoetarako beste inori be eskuemon leikiola.

2. Lehendakariari jagoko Araudia betetea eta beterazotea, Araudiaren esangurea zehaztea eta, zalantzaren edo hutsen bat gertatutakoan, osatze-lana egitea. Osatze-lan horretan diharduala, erabagi orokorren bat emoteko asmoa izan dagianean Mahaiaren eta Taldeburu-Batzarraren oneritxia izan beharko dau.

25. atala.-

Lehendakariordeek, hurrenez hurren, Lehendakariaren ordezkotza egiten dabe, Lehendakaria egon ezean edo ezinean egon ezkero haren egitekoak beteaz. Ganera, Lehendakariak edo Mahaiak agindutako edozein zereginez arduratzen dira.

26. atala.-

Ondorengo egitekook jagokez Mahaiko Idazkariei:

1. Lehendakariaren oneritxiagaz, osoko batzarretako batzar-agiriak balioduntzat emotea.

2. Lehendakaritzaren erabagiak betetea, eta Batzarkide, Batzorde edo Batzar Nagusi bakotxari jagokozan adierazpen, zehaztapide eta aztergaiak bialtzea.

3. Bozketetako emoitzak zenbatzea.

4. Emon beharreko egiaztagiriak sendestea, jakitun dagoala eta bat datorrela erasota itxita.

5. Batzarretan Lehendakariaren laguntzaile izatea, eztabaidetan arauzkotasuna eta bozketen erazkotasuna ziurtatzeko.

6. Batzar Nagusietako lanak behar dan moduan egin daitezan laguntzea, Lehendakariaren aginduen arabera.

7. Horrez ganera, Lehendakariak edo Mahaiak emondako beste edozein zereginez arduratzea.

27. atala.-

Lehendakariak, Lehendakariordeek edo Idazkariek eztabaidetan parte hartu gura izan ezkero Mahaitik alde egin eta euren jesarlekura joango dira, eta dana dalako gai horren eztabaidea eta botu-emonketea amaitu arte ez dira Mahaira itzuliko.

II. ATALBURUA

TALDEBURU-BATZARRA

28. atala.-

1. Batzarkide-Taldeen Taldeburuek osatzen dabe Taldeburu-Batzarra, beti Batzar Nagusietako Lehendakariaren mahaibu-rutzapean batzartuko dana. Batzarrerako deia Lehendakariak egingo dau, bere kabuz zein Batzarkide-Talde biren edo Batzar Nagusietako eskubide osoko Batzarkideen bostenaren eskariz. Araubidez eratuta dagozan Batzarkide-Taldeen erdia baino bat gehiago bertara joan edo bertaratuak Batzarkideen gehiengo osoaren ordezkotza euki dagienean joko da Batzarra balio osoz batzartutakotzat.

2. Taldeburu-Batzarraren bozketetan Taldeburuek taldekide bakotxeko botu bat izango dabe, eta erabagiak horren arabera hartuko dira beti.

3. Foru Aldundiari batzar horretarako deiaren barri emongo jako, ondo baderitxo ordezkari bat bialdu dagian.

4. Batzarrotan Batzar Nagusietako Idazkariren batek eta Legelaritza-Zerbitzuko Legelari Nagusiak edo bere ordezko izendatu dagian legelariak egon beharko dabe. Enparauko Mahaikideak be joan leitekez.

Taldeburuak edo euren ordezkoak beste taldekideren bategaz batera joan leitekez, baina azkenengook ez dauke botu-eskubiderik.

29. atala.-

Araudi honek autortu degiozan beste egitekoak diranak dirala be, ondorengoetarako entzun beharko jako aurretiaz Taldebu-ru-Batzarrari:

1. Batzar Nagusietako lana antolatu eta erreztu leikien erizpideak jarteko.

2. Batzordeetan Batzarkide-Talde bakotxetik zenbat Batzordekide egongo dan zehazteko.

3. Osokoetarako Batzar-Gelan jarlekuen banaketea egiteko, baita Gernikako Batzar-Etxean eta Batzar Nagusien admi-nistrazio-egoitzetan Batzarkide-Talde guztientzako gelak banatzeko be.

4. Batzarraldi bakotxerako Batzordeen eta Osoko Batzarraren ekintza-egutegia jarteko.

III. ATALBURUA

BATZORDEAK

1. SAILA

ARAU OROKORRAK

30. atala.-

Batzar Nagusietako Batzordeak agizkoak zein bereziak izan leitekez.

31. atala.-

1 Batzarkide-Taldeek izendatu dagiezan Batzarkideek osatzen ditue Batzordeak. Batzar Nagusietako Mahaiak erabagiko dau, Taldeburu-Batzarrari entzunda, Batzorde bakotxeko zenbat Batzordekide izango diran, Batzar Nagusietan talde ba-kotxak daukan Batzarkideen kopuruaren arabera.

1) Sortu daitezan agizko Batzorde guztietan gitxienez Batzordekide bat izateko eskubidea izango dau Batzarkide-Talde bakotxak.

2) Agizko Batzordeek botu-gehiengoz hartuko ditue erabagiak, botu-bardinketak izan daitezanerako Batzar Nagusietako Talde bakotxak zenbat Batzarkide daukan hartuko dala kontuan botuak zenbatzerakoan.

2. Mahaiak emondako arauen araberakoa izango da Batzorde berezien osaketa, antolaketa eta jarduna.

32. atala.-

1. Araudi eta Jaurpiderako Batzordearen kasuan izan ezik, enparadukoetan batzordekideen artetik hautaturikoa izango da Mahaia, Batzordeburu batek, Batzordeburuorde batek eta Idazkari batek osaturikoa. Mahaikideok hautatzeko bozketan Batzordekide bakotxak izen bakar bat idatziko dau horretarako txartelean.

Botu-zenbaketa egiterakoan boturik gehien atara dagiana izango da Batzordeburu, hurrengoa Batzordeburuorde eta eu-ron ostekoa Idazkari.

Botu-bardinketarik izan ezkero, Batzar Nagusietarako hauteskundeetan boturik gehien atara dauan taldeko Batzarkidea hautatuko da.

2. Batzorderen bateko Batzordeburua eta Batzordeburuordea egon ezik, bertaratutako Batzarkiderik zaharrenak egingo ditu hareen egitekoak. Batzorderen baten Idazkaria agertzen ez danean, bertaratutako Batzarkiderik gazteenak beteko ditu haren zereginak.

3. Batzar Nagusiek lege eta teknika-arloetako aholkularitza bideratuko deutsie Batzorde bakotxari.

33. atala.-

1. Batzarkide-Taldeek, batzorde-batzar bakotxa hasi orduko Lehendakariari idatziz jakinerazo ondoren, Batzordekideren bat edo batzuen ordez Batzarkide-Talde bereko besteren bat edo batzuk izendatu leikiez.

2. Batzar Nagusietako Lehendakariordeak eta Idazkariak batzordekide be izan leitekez, jagoken Batzarkide-Taldeak horre-tarako izendatzen baditu.

3. Batzarkideak jagokezan Batzordeetara ez ezik beste batzuetara be joan leitekez, eta eurok aurkeztutako zuzenketa-eske edo saloak izan ezkero Batzordean berba egiteko eskubidea autortzen jake, baina botu-eskubide barik.

34. atala.-

1. Batzordeetarako deia Batzordeburuak egingo dau, Batzar Nagusietako Lehendakariagaz batera. Batzordeburuak bere kabuz egin leike deia, edo Batzarkide-Talde bik nahiz Batzordekideen bostenak eskatuta.

2. Batzar Nagusietako Lehendakariak edozein Batzordetarako deia egin leike, baita edozein Batzordetako Mahaiburu izate-ko daukan aukerea erabili be, botua Batzordekide danean baino ez dauala izango.

35. atala.-

1. Batzordeek jagoken arloko Araugaiak, Foruzko Arau-Saloak edo danetariko arazoak aztertuko ditue. Batzar Nagusietako Mahaiak ebatziko dau, bakotxean, zein dan horretarako aginpidedun Batzordea.

2. Arazo, Araugai edo Foruzko Arau-Saloren bat Batzorde bakar baten berarizko ardurapekoa ez danean, edo berezia danean, Mahaiak Batzorde bateratua osatu leike edo arazo hori aginpide nagusia euki dagian Batzordearen ardurapean itxi leike, edo, bestela, Batzorde bakotxari arazotik joakon zatia itxi leikio aztertzeko.

36. atala.-

Eskubide osodun Batzordekideen hirurena bertaratuta dagoanean hartuko da Batzordea balio guztiz eratutakotzat.

37. atala.-

Batzordeak, jagokezanetarako, sailka eratu leitekez edo arazo bereziak aztertzeko lantaldeka banatu.

38. atala.-

1. Batzordeek, Batzar Nagusietako Lehendakariaren bitartez, beharrezko izan dagiezan zehaztasun eta argipideak bildu leikiez edo, halan behar izan ezkero, Foru Aldundiari eta Autonomia-Elkarteko Jaurtze-Sailei nahiz beste herri-ordezkariei eskatu, lana ahalik eta ondoen bete ahal izateko.

2. Era berean, eta bide beretik, Foru Aldunei edo Sailetako langileei batzorderatzea eskatu leikie, aztergaia dala-ta eritxia eskatu dakienari buruzko argipideak emoteko Batzordean.

3. Foru Aldunek eurek be Batzordera joatea eskatu leikie euren kabuz, interesgarritzat jo dagien edozein arazo bertan azaltzeko.

4. Batzordeek Batzar Nagusietako nahiz Batzar Nagusietatik kanpoko beste batzuei be deitu leikie, aurreko atalean aitatu-tako asmo beragaz eta bide beretik.

39. atala.-.

Batzordeek arazo bakotxari buruzko erizpenak, argipideak eta saloak emon eta, behar danean, Osoko Batzarrari aurkeztu-ko deutsiez Batzar Nagusietako Lehendakariaren bitartez. Erizpen, argipide eta salook Batzordeburuak eta Batzordeko Idazkariak izenpetuko ditue araupide-ondorenetarako. Azterketarako izendatutako Lantaldeak idatziriko txostena edo arra-zoien adierazpena erantsi leikio Erizpenari, Batzordeak holan erabagiten badau.

Mahaiak arazoa aztertzeko itxi degionetik hasita gehienez be hilabete biko epea dauka Batzordeak erizpena aurkezteko, Batzar Nagusietako Mahaiak ikusitako aparteko egoeraren baten edo izan ezik.

2. SAILA

AGIZKO BATZORDEAK

40. atala.-

1 Alkartezintasunetarako Batzordeak Osoko Batzarrari aurkeztuko deutso Hautatutako Batzarkideen eta, halan balitz, Bat-zarkideon ordezkoen alkargarritasunari edo alkartezintasunari buruzko erizpena. Erizpenak Araudi honetan jarritako bideak egingo ditu.

2. Beste Batzarkideren baten ordezko izan ezkero, nortasun-zehaztasunetarako orria Batzar Nagusietan aurkeztu dagiane-tik hasita zazpi eguneko epe barruan emongo da aitaturiko erizpena, eta, edozelan be, Batzarkide horri deia egin orduko.

41. atala.-

1. Batzar Nagusietako Lehendakariak, Mahaikoek eta 31. atalean jarritakoaren arabera izendaturiko Batzarkideek osatuko dabe Araudi eta Jaurpiderako Batzordea, batzordeburua Lehendakaria izango dala.

2. Batzar Nagusien jaurtzeari eta barne-jaurpideari buruzko arazoez erabagiko dau, Araudi honek Batzar Nagusietako Ma-haiari damotsazan eskubideak eragotzi barik.

3. Batzar Nagusien Diruegitamua onartzea jagoko, baita Batzar Nagusien Diruegitamuaren egiterapena zaintzea eta urteki-taldiaren azkenean kontu-garbiketea egitea be.

4. Bere ardurapean dagoz Batzar Nagusietako Araudiari buruz egin leitekezan aldaketa-saloak be.

42. atala.-

1. Araudi eta Jaurpiderako Batzordea bera eratuko da Batzar Iraunkor lez, atal honetan agertzen diranetarako.

2. Batzarraldi bitartean arazoez erabagitea luzatu ezinezkoa danean, Batzar Iraunkorrari jagokoz bestela Osoko Batzarraren ardurapekoak litzatekezan egiteko eta erabagiak.

3. Batzar Iraunkorrak bideraketa-arazoez baino ezin leike erabagi agintaldi-bitartean.

4. Aztertutako arazo eta hartutako erabagien barri emongo dau Batzar Iraunkorrak hurrengo lehenengo Osoko Batzarrean.

43. atala.-

1. Era berean, Araudi eta Jaurpiderako Batzordea gauza izango da Batzar Nagusiek jaso dagiezan norbanako edo taldeen eskabideak bideratzeko, eta eskabideok aztertu ondoren Batzordeak hurrengo erabagiotariko bat hartu leike:

1) Arazoaz arduratzen dan Batzordera bialtzea.

2) Batzar Nagusietako Lehendakariaren bitartez jagokon jardute-sailari bialtzea.

3) Beste barik agiritegian sartzea.

2. Edozelan be, Batzordeak eskabidea hartu dauala adierazoko dau eta harturiko erabagia jakinerazoko deutso eskatzailea-ri.

3. Batzarraldi bakotxaren amaieran Batzordeak argipide-txostena bialduko deutso Osoko Batzarrari. Txosten horretan hurrengook adierazoko dira: harturiko eskabideen kopurua, Batzordeak eskabideoi buruz hartutako erabagiak, eskabideok jaso dituen agintarien erabagiak eta Batzordeak ezagutu dagizanak. Argipide-txosten hori batzarraldi bakotxeko azkenengo Osoko Batzarraren Gai-Zerrendan sartuko da.

44. atala.-

Agintaldi bakotxaren hasieran eratuko dira agizko Batzordeak, eta Batzar Nagusietako Mahaiak, Taldeburu-Batzarrari ent-zun ondoren, zenbat izango diran eta bakotxaren lan-arloa zehaztuko dau.

3. SAILA

BATZORDE BEREZIAK

45. atala.-

Batzordea sortzeko erabagian bertan aitatutako jakineko egitekoetarako sortutakoak dira Batzorde Berezi. Agindu jakien lana amaitzerakoan ezabatzen dira eta, beranduen be, Batzar Nagusien agintaldia amaitzeko orduan.

46. atala.-

Jatorrizko Lurraldean arazoren batek eragin bereziren bat euki ezkero, arazo horri buruzko Ikerketa edo Argipide-Batzordea eratzea erabagi leike Batzar Nagusietako Osoko Batzarrak. Holakorik erabagiteko Mahaiaren, hiru Batzarkide-Talderen, Batzarkideen bostenaren edo Foru Aldundiaren saloa beharko da.

Batzorde horrek Batzar Nagusietako Mahaiak erabagitako jarduera-arauei jarraituko deutse.

IV. ATALBURUA

OSOKO BATZARRA

47. atala.-

1. Batzar Nagusietako Osoko Batzarrerako deia Lehendakariak Mahaiagaz bat etorrita egingo dau, bere kabuz zein, gitxie-nez, Batzarkide-Talde bik edo eskubide osodun Batzarkideen bostenak eskatuta.

Osoko Batzarrerako deia behingoan jakinerazoko jako Taldeburu-Batzarrari.

2. Osoko Batzarra gitxienez Batzarkideen hirurena bertaratu danean joko da balio osoz eratutakotzat.

3. Gernikako Batzar-Etxean Aldun Nagusiak eta Foru Aldunek aparteko jarlekuak izango dabez.

48. atala.-

Osoko Batzarra bat bera eta bakartzat hartuko da eguneko Gai-Zerrendea agortu arte, hori erabagi bakotxa hartzeko eskat-zen dan "quorum" edo gitxienezko Batzarkide-kopuruari buruz Araudi honetan jarritakoa eragotzi barik.

V. ATALBURUA

GAUZAZKO ETA GIZAKIZKO ESKUARTEKOAK

49. atala.-

Batzar Nagusiek jagokezan egitekoak betetako beharrezko dabezan gauzazko eta gizakizko eskuartekoak eukiko ditue, batez be agirien arloko eta aholkularitzako teknika-zerbitzuak.

V. IDAZPURUA

JARDUNERAKO ERABAGI OROKORRAK

I. ATALBURUA

BATZARRAK

50. atala.-

1. Batzar Nagusiak irailetik ekainera bitarteko agizko batzarraldian batzartuko dira urtero, hilabete biok barruan dirala.

2. Hortik kanpora, Batzar Nagusiek batzar bereziak egin leikiez Foru Aldundiaren, Batzar Iraunkorraren edo Batzarkideen bostenaren edo Batzarkide-Talde biren eskariz. Eskatutako batzar berezirako aurkezten dan Gai-Zerrendea argi eta garbi zehaztu beharko da eskabidean, eta gaiok aztertu ostean batzarra amaitu egingo da.

3. Agizko batzarraldietan Batzar Bereziak edo gai bakar bati buruzkoak be egin leitekez, Foru Aldundiaren, Batzarkide-Talde biren edo Batzar Nagusietako bostenaren saloz, batzarrotarako aurreko azpiatalean Gai-Zerrendeari buruz azalduta-ko aginduek balio dabela.

51. atala.-

1. Astelehenetik barikura bitarteko egun guztietan egin leitekez batzarrak, egun biok barruan dirala.

2. Dana dala, egunotatik kanpo be egin leitekez, Mahaiak Taldeburu-Batzarrari entzun ostean hartutako erabagiz.

52. atala.-

1. Batzar Nagusietako Osoko Batzarrak agirikoak izango dira, Batzar Nagusietako Mahaiak, Foru Aldundiak, Batzarkide-Talde bik edo Batzarkideen bostenak eskatu eta Batzarkideen gehiengo osoz ateak itxita egitea erabagi daitenetan izan ezik.

2. Kasu berezietan, eta aurreko azpiatalean jarritako betekizun berberakaz, Osoko Batzarrak isilpekoak izatea erabagi leiteke.

3. Batzordeen bilerak ateak itxita egingo dira.

53. atala.-

1. Osoko Batzarren eta Batzordeen bileretako batzar-agiriak egingo dira. Batzar-agiriotan hurrengoak jasoko dira: aztertuta-ko gaien zerrenda laburra, parte hartu dabenena, jazotako gora-beherak eta, edozelan be, hartutako erabagiak.

2. Batzar Nagusietako Mahaiak, Batzarkideei horren barri emonaz, 15 egunerako itxiko ditu Batzarkideen esku behar dan moduan betetako Osoko Batzarretako agiriak. Epe horretan inork zuzenketarik eskatu ezik onartu egingo dira batzar-agiriok berez eta beste barik.

3. Batzordeen batzar-agiriak Legelariak idatziko ditu, Idazkariak, Lehendakariaren oneritxiagaz, balioduntzat emon, eta Batzordekideei banatuko jakez, hurrengo batzarraren hasieran aurkeztu daitezan.

II. ATALBURUA

GAI-ZERRENDEA

54. atala.-

1. Osoko Batzarrerako Gai-Zerrendea Lehendakariak jarriko dau Taldeburu-Batzarragaz batera. Arazo horri buruzko botuen balioa Batzarkide-Talde bakotxak daukan Taldekide-kopuruaren heinekoa izango da.

2. Batzorde bakotxeko Gai-Zerrendea Batzordeburuak eta Batzar Nagusietako Lehendakariak alkarregaz jarriko dabe, Batzar Nagusietako Mahaiak ezarritako egitaraua bete daiten.

3. Osoko Batzarreko Gai-Zerrendea Osoko Batzarraren beraren erabagiz aldatu leiteke, Lehendakariaren saloz edo Batzar-kide-Talde biren eskariz, baita Batzarkide guztien edo Taldeburu-Batzarreko Batzarkideen seirenak eskatuta be.

4. Batzordeetako Gai-Zerrendak be era berean aldatu leitekez, baina aldaketa-lan hori egiten hasteko eskabidea Batzar Nagusietako Lehendakariarena, Batzordeko Mahaiarena, Batzarkide-Talde birena edo Batzordekideen bostenaren salozkoa izan leiteke.

5. Osoko Batzarrerako Gai-Zerrendan beste gairen bat sartu gura izan ezkero, gaiak bide guztiak eginda euki beharko ditu sartzeko moduan egoteko. Dana dala, preminazkoa dala-ta Taldeburu-Batzarrak erabagia ahobatez hartuta, gai hori arauz-ko baldintzak bete barik be sartzea erabagi leiteke.

6. Batzordeetako Gai-Zerrendan beste gairen bat sartu gura izan ezkero, gai horrek bide guztiak eginda euki beharko ditu sartzeko moduan egoteko. Dana dala, preminazkoa dala-ta Batzordeak berak erabagia ahobatez hartuta, gai hori arauzko baldintzak bete barik be sartzea erabagi leiteke.

III. ATALBURUA

EZTABAIDAK

55. atala.-

Taldeburu-Batzarrak ahobatez preminazkotzat jotako gaiak izan ezik, gai bat bera be ezin leiteke aztertu, ez Batzordean ezta Osoko Batzarrean be, gai horri buruzko argipide-txostena, erizpena edo agiri-txorta gitxienez berrogeita zortzi ordu aurretik banatu ez bada.

56. atala.-

Eztabaidak Lehendakariak zuzendu eta eratzen ditu.

57. atala.-

Batzarkide batek be ezin leike berbarik egin Lehendakariari eskatu behar jakon baimena izan barik.

Lehendakaritzari horren barri emon ondoren, Batzarkideek eta Batzarkide-Taldeek batak besteari berba egiten itxi lei-kioe, txanda berbera batera erabili leikie eta alkarren ordez be jarri leitekez.

58. atala.-

Inork ezin leikio inori berba egitea galerazo, Lehendakariak berak hurrengootarako izan ezik: hizlariari txanda amaitu egin jakola jakinerazoteko, gaiari lotu dakiola edo erea gorde dagiala esateko, berba egiten jarraitzea galerazoteko edo Batzar Nagusiei, Batzarkideei edo jendeari erea gorde dagiela eskatzeko.

59. atala.-

Foru Aldundikideek eskatu dagien guztietan egin leikie berba, Lehendakariari eztabaidak eratzeko jagokozan ahalmenen eragozpen barik. Dana dalako zuzenketa-eske, salo edo ekimenaren egilea izan daiten Batzarkide edo Batzarkide-Taldeak jagokon hitzegiteko txanda amaitu eta Aldun Nagusiak edo Foru Aldunek berba egiteko jagoken txanda erabiliko balebe, Batzarkide edo Batzarkide-Talde horrek erantzuteko edo zuzentzeko eskubidea txanda bakarrean erabili leike, edozelan be, Aldun Nagusiak edo Foru Aldunek eztabaidea amaitzeko eskubidea daukiela.

60. atala.-

1. Eztabaidan zehar Batzarkidea bera dala-ta edo izan dauan jokabidea dala-ta beste inork okerreko eritxirik-edo botako baleu Lehendakaritzaren eritxiz, aitaturikoari gehien-gehienez bost minutuko txandan berba egiteko aukera emongo litzakio, eztabaidatzen dan arazoaren sakontasunetan sartu barik, egindako aitamenei doi-doi erantzun degien. Lehendakariak behingoan kenduko leuskio berbea baldintzok beteko ez baleuz.

2. Aitamenei buruzko erantzunak batzar berean edo hurrengoan baino ezin leitekez egin.

3. Aitamenak Batzarkideren batzuen ohoreari edo duintasunari eraso degionean Lehendakariak talde horren ordezkariren bati emon leikio berbetarako txandea, atal honen 1. eta 2. azpiataletan jarritako baldintza eta denpora-muga berberakaz.

4. Aitatutako edozeinek beste Batzarkideren bati eskuemon leikio bere izenean edo bere alde egin dagian.

61. atala.-

1. Edozein eztabaidatan, hizlariren baten arrazoipideen aurka besteren bat edo batzuk azalduko balira, erantzuteko edo zuzenketak egiteko gehien-gehienez bost minutuko txanda baterako eskubidea izango leuke lehenengoak.

2. Dana dalako eztabaidatarako Araudi honetan jarritakoa ez da Lehendakariak eztabaidak eta botu-emonketak eratzeko daukazan aginpideen kalterako izango. Eraketa horretarako, Lehendakariak, gaiaren garrantziaren arabera eta Taldeburu-Batzarrari entzun ostean, Batzarkide-Taldeen zein Batzarkideen berbaldiak zenbat izango diran eta zenbat iraungo daben erabagiteko ahalmena dauka. Gairen bati buruz Talde bakotxari jagokozan berbaldiak batzeko ahalmena be badauka, Tal-dearen eta gaiaren ingurukoak neurtu ondoren.

62. atala.-

1. Eztabaidan zehar eragina izan leikealako garrantzizkotzat eritxitako zeozer dala-ta izan leiteken "aurretiazko arazoaz" erabagiteko, eztabaidaren edozein unetan eskatu leikie Batzarkideek berbea izatea. Arazo horretaz aldeko txanda bateko eta aurkako beste bateko eztabaida egitea baino ez legoke, eta horren ostean gaia ebatzi dagian botu-emonketa, Lehenda-kariak halan baderitxo.

2. Gairen bat eztabaidatzen hasi orduko, edozein Batzarkidek eztabaida hori atzeratzea eskatu leike beharrezkoak litzate-kezan gauzazko edo erazko baldintzak bete daitezan arte edo eztabaidarako eragozpide izan daitezanak kendu arte, "atze-ratze-arazoa" Lehendakariaren eritxipean gelditzen dala.

3. Eztabaidea hasita dagoala, edozein Batzarkidek "erazko arazoa" dala-ta berbea izatea eskatu leike eta lehentasunez lortu, eztabaidetan zentzunezko eta denporazko hurrenkereari begirunea izan eta aztergaiak eztabaidatzeari buruz Taldebu-ru-Batzarrak erabagitakoari jarraitu dakiola eskatzeko. Era berean, eztabaidan zeharko gora-beherak halan eskatu dagie-nean, aztergaiak zentzunezko hurrenkeraz eztabaidatu daitezala be eskatu leikie. Bakotxean, jagokon jardute-saileko Le-hendakariak ebatziko dau.

4. Eztabaidea dagoan moduan dagoala, Batzarkideek Araudia betetea eskatu leikie. Horretarako, betetea eskatzen daben araudi-atala aitatu beharko dabe. "Araudi-arazoa" dala-ta ezin leiteke ezelango eztabaidarik egon, eta Lehendakariak, emon jakon arrazoibidea entzunda, hartu dagian erabagiari men egin beharko jako.

5. Edozein Batzarkidek eskatu leike, eztabaida-aldian edo botu-emonketa egin orduko, aztertu daiten gaiari buruz zehazta-sunak emoteko argigarri eritxitako arauak edo agiriak irakurtea. Lehendakariaren eritxiz igerri-igerrian taiu bako edo alpe-rreko irakurketa-eskeak badira, atzera bota leikez, baita aztergaiari buruzko erabagia atzeratu gura dabenak be.

63. atala.-

1. Berarizko agindurik ez balego, edozein eztabaidatan aldeko txanda bat eta aurkako beste bat dagozala ulertu beharko da. Edozein arazori edo gairi buruzko eztabaidetako berbeta-txanden iraupena ezin leiteke hamar minututik gorakoa izan, Araudi honetan horren aurkako agindurik-edo izan ezik.

2. Osoari buruzkotzat joten diranetarikoa balitz eztabaidea, txandak hogeita hamar minutura artekoak izango litzatekez, eta, horren ostean, beste Batzarkide-Taldeek bost minututik gorakoak izango ez diran txandetan azaldu leikie euren jarrerea.

64. atala.-

Arauzko aldia igaro eta gero, Lehendakariak, amaitzeko birritan esan ondoren, berba egiten jarraitzea galerazo egingo deutso hizlariari.

65. atala.-

Lehendakariak gaiari lotu dakiola birritan esan eta barriro be gaitik aldendu daiten hizlariari berba egiten jarraitzea galerazo leikio, inola be ezin izango dauala jarraitu.

66. atala.-

Ezin leiteke parte hartze edo hitzaldirik eten edo geldierazo hurrengo saioan jarraitzeko.

67. atala.-

Arazoa behar dan bestean eztabaidaturik dagoala ebatzi dagianean Lehendakariak amaitutzat jo leike eztabaidea, Mahaiari entzun ondoren. Taldeburuaren eskariz be egin leike, amaitze-eskabide horretaz aurkako hizlari batek eta aldeko beste batek egin leikiela berba, bakotxak gehienez be bost minutuko txandan.

IV. ATALBURUA

BOTU-EMONKETAK

68. atala.-

Batzar Nagusiek ondorengo bideotariko batez hartuko ditue erabagiak:

1. Lehendakaritzaren saloaren baiespenez.

2. Agizko botu-emonketaz.

3. Agizko edo isilpeko elektronika-bidezko botu-emonketaz.

4. Izenezko botu-emonketaz.

5. Txartel-bidezko botu-emonketaz.

6. Bola-bidezko botu-emonketaz.

69. atala.-

1. Gehiengo berezia eskatu daitenetan izan ezik, erabagiak bertaratutako Batzarkideen gehiengo soilez hartuko dira, dana dalako jardute-saila osatzen daben Batzarkideen erdiak baino gehiagok bertan egon beharko dauala horretarako.

2. Aurreko lerroaldian jarritakoa halan izanda be, Batzarkideren batek "gitxienezko batzarkide-kopurua" egiaztatzea eskatu eta aurreko lerroaldian eskaturiko hori ez egotea jazo ezkero, botu-emonketea ordubete atzeratuko da. Epe hori igaro ondo-ren botu-emonketea baliozkoa izango da, dana dalako jardute-saila osatzen dabenen hirurenak baino gehiagok bertan egon beharko dauala horretarako.

3. "Gitxienezko batzarkide-kopurua" egiaztatzea botu-emonketa bakotxa hasi orduko baino ezin leiteke eskatu. Botu-emonketea hasi ostean ezin leiteke erabagiaren baliorik eza eskatu, botua zenbatek emon daben bardin dala.

4. Botua norberarena da eta inori itxi ezinezkoa.

70. atala.-

Batzarkide batek be ezin leike Osoko Batzarretik edo jagokon Batzordetik ez urten ezta sartu be hasitako botu-emonketea amaitu arte. Botu-emonketak ezin leitekez ezegaitik be gelditu, eta bitartean ez jako inori berbeta-txandarik emongo.

71. atala.-

Lehendakaritzak egindako saloak baiespenez onartutakotzat joko dira inork eragozpenik edo aurkakotasunik agertzen ez badau.

72. atala.-

Ohizko botu-emonketea Lehendakariak Mahaiagaz batera harturiko erabagiz egin leiteke, ondorengo bideren bat erabiliz:

1. Baiezkoa emoten dabenak adierazoaz lehenengo, ezezkoa emoten dabenak gero, eta, azkenean, boturik emoten ez dabenak.

2. Baiezkoak, ezezkoak eta boturik emon bakoak agertuerazo dagizan elektronika-bidez, Batzarkide bakotxari zein botu jagokon adierazota.

73. atala.-

Izenezko botu-emonketea Lehendakariak, Mahaiagaz bat datorrela, harturiko erabagiz egin leiteke ondorengo eratan:

1. Idazkari batek Batzarkideei izenetik deitu eta Batzarkideok "bai" edo "ez" edo ez dabela boturik emongo adierazota. Osoko Batzarra izan ezkero, zozketaz atarako da Batzarkide baten izena, dei-egitea beragandik hasi, abede-hurrenkereari jarraitu eta atzeneko letrako izenera heldu arte. Hortik lehenengo letrara itzuliko da eta, barriro be abe-de-hurrenkeraz, zozketan ataratako Batzarkidearen izenera helduta amaituko da bozketea.

2. Botu-emonketan parte hartu daben Batzarkideen kopurua eta bozketan izandako baiezkoak, ezezkoak eta emon ba-ko botuak sailkatuta adierazo daizan elektronika-bidez.

74. atala.-

Osoko Batzarrean edo Batzordeetan botu-emonketea izenezkoa edo isilpekoa izateko Batzarkide-Talde bik edo Batzar Nagusietako edo jagokon Batzordeko eskubide osodun Batzordekideen hirurenak halan izatea eskatu beharko dabe.

75. atala.-

Karguen hautaketa guztiak txartel-bidez egingo dira.

76. atala.-

1. Bola-bidezko botu-emonketea norbaiten ekintzak edo jokabidea neurtu daitezanean erabiliko da.

2. Botu-emonketa hori hurrengo era honetara egingo da: Batzarkide bakotxak Mahaira hurreratzerakoan bola zuri bat eta beste bola baltz bat jasoko ditu Lehendakariarengandik, eta horretarako jarritako atabakan bola zuria sartuko dau jokabidea onartzen badau, edo baltza gaitzesten badau. Sartu bako bolea ondoko beste atabaka baten itxiko dau.

3. Botu-bardinketarik balego bola zuriek irabazi dabela ulertuko da.

77. atala.-

Izenetik deituz egindako botu-emonketa guztietan Foru Aldun diran Batzarkideek eta Mahaikoek atzenean emongo dabe botua.

78. atala.-

1. Botu-bardinketarik badago botu-emonketea bigarrenez egingo da, eta atzera be bardinketak urten ezkero, atzeratu egin-go da botu-emonketea, Lehendakaritzak egoki eritxi dagianerako. Epea igaro eta gero, baina batzar beraren barruan, atzera be egingo da botu-emonketea, eta ostera be bardinketarik badago, dana dalako erizpen, atal, zuzenketa-eske, botu berezi edo saloa baztertutakotzat joko da.

2. Batzordeetako bideraketea aurreko atalekotik kanpo gelditzen da, Araudi honetako 31. atalean jarritakoa bete behar da-ta.

79. atala.-

Batzarkide-Talde guztiek edo aurkeztutako saloaren egile diran Batzarkideek botu-emonketearen aurreko eztabaidan parte hartzeko aukerea euki dabenean, ez da onartuko botuari buruzko azalpenik.

80. atala.-

Aurreko atalean jarritakoa halan izanda be, Foru-Araugaietan eta Foruzko Arau-Saloetan botuaren azalpena emon leiteke atzeneko botu-emonketearen ostean eta bost minutuko txandan, beti be eztabaidatua zatietan argi eta garbi bereizturik banatu ez bada, orduan azalpena zati bakotxari jagokon atzeneko botu-emonketearen ostean egin leiteke-ta.

81. atala.-

Eztabaidan parte hartu eta horren ondorenez botua aldatu dagian Batzarkide-Taldeak be bost minutuko berbeta-txandarako eskubidea izango dau botuaren azalpena egiteko.

V. ATALBURUA

EPEAK ZENBATZEA ETA AGIRIAK AURKEZTEA

82. atala.-

1. Alderantzizko erabagirik ezean, Araudi honetan egunka jarritako epeak lan-egunka zenbatuko dira, eta hilabeteka jarrita-koak hilaren hain egunetik dana dalako hilak beste hainbeste egun bete arte.

2. Epeak zenbatzerakoan ez dira kontuan hartuko Batzar Nagusien batzarraldiz kanpokoak, dana dalako arazoa batzar bereziren baten Gai-Zerrendan sartutakoan izan ezik. Batzar hori bideratzeko Mahaiak erabagiko dau zeintzuk izango diran egun erabilgarriak.

83. atala.-

1. Araudi honetan jarritako epeak luzatzea edo laburtzea erabagi leike Batzar Nagusietako Mahaiak, Talde edo Batzorderen batek halan eskatuko baleu.

2. Apartekoetan izan ezik, luzatzekotan, gehien jota be, epea bikoiztera arte heldu leiteke, eta laburtzekotan, epearen erdira arte gehienez be.

84. atala.-

1. Mahaiak zehaztu daizan egun eta orduetan aurkeztu leitekez agiriak Batzar Nagusietako Idazkaritza Nagusiaren Lerroka-tegian.

2. Korreo-bulegoetan epe barruan aurkezturiko agiriak onartu egingo dira, horretarako Administrazio-Jardunbiderako Le-gean eskatutakoak bete ezkero.

VI. ATALBURUA

BATZAR NAGUSIEN EKINTZEN ZABALKUNDEA ETA ARGITALPENAK

85. atala.-

Batzar Nagusietako legezko argitalpenak ondoko honeek izango dira:

1. "Batzar Nagusietako Legezko Aldizkaria".

2. Osoko Batzarrean barriro bideratu behar ez diran eztabaida eta erabagiei buruzko batzar-egunkariak, Osoko Batza-rretakoak zein Batzordeetakoak.

86. atala.-

1. "Batzar Nagusietako Legezko Aldizkaria"k ondoko honeek argitaratuko ditu: Foru-Araugaiak eta Foruzko Arau-Saloak, botu bereziak edo Osoko Batzarrean aldeztu beharreko Zuzenketa-Eskeak, Lan-Txostenak, Batzordeen Erizpenak, Osoko Batzarren Erabagiak, Itaunak, Erabagi-Eskeak, Arauz Besteko Saloak, Erabagi-Saloak, Erantzun-Eskeak eta isilpekoak ez diran azkenengoon Erantzunak, Foru Aldundiaren Adierazpenak eta Araudi honen aginduren batek eskatu edo Lehendaka-ritzak agindu dagian beste edozein idazki edo agiri.

2. Preminazko arazorik izan ezkero eta Batzar Nagusietako lan-eraketak eskatuta, aurreko zatian aitatzen diran agiriak mekanika-bidez kopiatzea eta eztabaidatu behar dituan saileko Batzarkideen artean banatzea erabagi leike Lehendakarit-zak, gaiok eztabaidatu eta bozkatu ahal izan daitezan. Edozelan be, aurreko horren ostean "Batzar Nagusietako Legezko Aldizkarian" argitaratu egin beharko dira.

87. atala.-

1. Batzar-egunkarietan oso-osorik idatziko dira agiriko saioaldietako hitzaldi eta hartutako erabagi guztiak, gertaturiko gora-beherak aitatuaz.

2. Isilpeko batzarretan ikusitakoa, entzundakoa eta idatzitakoa jaso dagian guztia Lehendakaritzak jagongo dau.

88. atala.-

1. Mahaiak beharrezko neurriak hartuko ditu gizarte-komunikabideei Batzar Nagusietako jardute-sailen lanari buruzko argi-pideak emon dakiezan.

2. Mahaiak emon beharko dau ikustezko eta entzutezko grabaketetarako baimena, eta horretarako egokitzat jo daizan arauak jarriko ditu.

VII. ATALBURUA

BATZAR NAGUSIETAKO ARAUPEKOTASUNA

1. SAILA

BATZARKIDEEN ERANTZUKIZUNAK

89. atala.-

1. Batzarkideek, Mahaiaren erabagiz, Araudi honen II. Idazpuruan aitatutako eskubideren bat edo eskubide guztiak galdu leikiez ondoko kasuotan:

1) Sarritan edo nabarmen Osoko edo Batzordeetako Batzarretara joateari borondatez huts egiten deutsienean.

2) Isilpekotasuna erabagitakoetan betebehar hori apurtu dagienean.

2. Zigorraren neurria eta iraupena aitatuko ditu Mahaiaren erabagiak, erabagi hori arrazoitutakoa izango dala. Zigorra Arau-di honen 21. atalean aitatzen dan diru-laguntzatik Batzarkideei jagoken zatira be heldu leiteke.

90. atala.-

1. Lehendakariak, Araudi honetan aitatzen danari jarraituz, Batzarkideren bati batzarretik behingoan kanpora joateko agindu leikio eta saioaldi batera edo bira joatea galerazo.

2. Batzarkideren batek beste Batzarkideren bat edo batzarrean dagoan beste inor jo, joteko ahalegina egin edo mehatxatu-ko baleu, berehala botako litzateke gelatik kanpora eta Lehendakaritzak gitxienez hilabeterako kenduko leuskio batzarkide-lanetan jarduteko eskubidea. Halan eta guztiz be, Mahaiak eskatu ezkero, Osoko Batzarrak zigorra haunditu edo luzatu egin leike.

Osoko Batzarraren erabagia Batzarkideen gehiengo osoz hartu beharko da.

91. atala.-

1. Araupekotasuna dala-ta, ondoko kasuotan erabagi leike Osoko Batzarrak batzarkidetasuna baten bati aldi baterako kent-zea:

1) 89. atalean aitatzen dan zigorra jarri eta bete ondoren, Batzarkideak jarrera bera izaten jarraituko baleu.

2) Batzarkideak Batzar-Etxe barruan iskilurik eroango baleu aldean.

3) Batzar-Gelatik kanpora joateko agindu Batzarkideren bati eta alde egin gura izango ez baleu.

4) Batzarkideak Araudi honen 3. atalaren 4. zatian aitatzen danaren aurka egingo baleu.

2. Mahaiak aurkeztutako saloak isilpeko batzarrean aztertu eta erabagiko ditu Osoko Batzarrak. Batzarkide-Taldeek Talde-buruen bidez hartu leikie parte eztabaidan eta Batzarrak beste barik erabagiko dau.

3. Zigorraren zergaitia lege-haustea izan badaiteke Mahaiaren ustez, Lehendakaritzak erru-adierazpena igorriko deutso jagokon auzibidezko aginte-sailari.

4. Osoko Batzarraren azken erabagiaren aurretik, Araudi eta Jaurpiderako Batzordeak arrazoitutako erizpena egin beharko dau.

5. Erizpenean aitatutako saloez isilpean eztabaidatu eta gehiengo osoz erabagiko dau Osoko Batzarrak. Batzarkide-Taldeek Taldeburuen bidez parte hartu leikie eztabaidan. Batzar Nagusiek beste barik erabagiko dabe.

2. SAILA

GAIARI LOTZEKO ETA EREA GORDETAKO DEIAK

92. atala.-

1. Hizlariei gaiari lotzeko deia egingo jake aztergaitik alde egiten dabenean, aztergaiagaz zerikusirik ez daukan zeozertaz berba egin edo aitatzen dabena erabagita edo lehendik bozketara jarrita egon ezkero.

2. Lehendakariak berba egiten jarraitzea galerazo egingo deutso hitzaldi berean gaiari lotzeko deia hirugarrenez egin behar izan dakion hizlariari.

93. atala.-

Batzarkideei eta hizlariei erea gordetako deia ondoko honeetan egingo jake:

1. Batzar Nagusien edo Batzarkideen, Foru-Erakundeen, Autonomia edo Estatu-Erakundeen edo beste edonoren duin-tasunaren aurkako hitzak esan edo eritxiak agertu dagiezanean.

2. Hitzaldietan eztabaidak behar dan eran egiteko jarritakoari huts egiten deutsenean.

3. Etenaldiakaz edo beste edozegaz batzarretako nasaitasuna apurtu dagienean.

4. Hizlariak, berba egiten jarraitzea galerazo deutsoela be, hitz egiten jarraitu gura dagianean.

94. atala.-

1. Saio berean erea gordetako deia bigarrenez adierazo eta, beste dei batek ekarri leikiozan ondorioak jakinerazo jakozan arren, hirugarrenez deia egiten jakon Batzarkide edo hizlariari berba egiten jarraitzea galerazo egingo jako eta Lehendaka-riak, eztabaida barik, saioa amaitu arte Batzar-Gelatik urtetako zigorra jarri leikio.

2. Zigortutako Batzarkideak Batzar-Aretotik urtetako aginduari jaramonik egin ezean, kanporatze edo egozpena betetako beharrezko diran neurriak hartuko ditu Lehendakariak. Holakorik jazo ezkero, Lehendakaritzak hurrengo saiora joatea be galerazo egin leikio, 89. atalean aitatutako ondorenak be izan leikezala Batzarkidearen jarrera horrek.

3. Aurreko atalaren lehenengo zatian adierazotakoa gertatuko balitz, egindako irainak zuzentzeko eskatuko leuskio Lehen-dakariak Batzarkide edo hizlariari, eta "Batzar-Egunkarian" zein "Batzar-Agirian" halakorik ez jasoteko aginduko leuke. Eskaera hori ez beteteak joakozan erea gordetako deiak ekarri leikez, atal honen aurreko zatietan aitatzen diran ondorioa-kaz.

3. SAILA

BATZAR NAGUSIETAKO BAKEA

95. atala.-

Lehendakariak, bere zaingo-agintepidea beteaz, Batzar-Etxeko eta Batzar Nagusien etxaleku guztietako bakea zainduko dau, eta horretarako ondo deritxen neurri guztiak hartu leikez, bakea apurtu dagienak auzipidean be jarri leikezala.

96. atala.-

Batzar Nagusien etxe barruan egitezko zein hitzezko jokabidez, saioan zein saiotik kanpo, iskanbila larririk sortu dagian edonor behingoan egotziko da, Batzarkidea dala zein ez dala.

Batzarkidea balitz, ganera, Lehendakariak behingoan kenduko leuskio batzarkidetasuna, hilabeterako gehien jota be.

97. atala.-

1. Agiriko saioaldietan, jendarteko bakea be zainduko dau Lehendakariak.

2. Jendearen artean aldeko zein aurkako adierazpenak egin, bakea galerazo edo behar dan moduko gizabidetasunik agertu ez dagienak berehala egotziko dira Batzar-Etxetik Lehendakariaren aginduz, eta Lehendakariak, egokia dala uste dagia-nean, jazotakoaren beharrezko zehaztapideak egin dagiezala agindu leikie Batzar Nagusietako Segurtasun-Zerbitzuei, jazotakook lege-haustea edo lege-hutsegitea diran-edo aztertu ahal izateko.

VI. IDAZPURUA

ARAUGINTZABIDEA ETA BESTE BIDE BATZUK

I. ATALBURUA

AGIZKO ARAUGINTZABIDEA

1. SAILA

ARAUGINTZA-ARIOA

98. atala.-

Batzar Nagusien araugintza-arioa ondoko honeei jagoke:

1. Batzarkideei eta Batzarkide-Taldeei, Araudi honetan zehazten danaren arabera.

2. Foru Aldundiari.

3. Herritarrei, jagoken araugintza-arioaz baliatuta.

2. SAILA

FORU-ARAUGAIAK

99. atala.-

Foru Aldundiak bialdutako Foru-Araugaietan arrazoien adierazpena ez eze, Araugaioi buruzko eritxia emoteko behar diran argipideak be agertuko dira. Batzar Nagusietako Mahaiak argitaratzea, zuzenketa-eskeak aurkezteko epea zabaltzea eta jagokon Batzordeari bialtzea aginduko dau.

100. atala.-

1. Foru-Araugairen bat argitaratu ondoren, Batzarkideek eta Batzarkide-Taldeek hamabost eguneko epea izango dabe Mahaiari bialdutako idazkiz Araugaiari buruzko zuzenketa-eskeak aurkezteko. Zuzenketa-eskegilea Batzarkidea danean, Taldeburua jakitun dagoala adierazo beharko da zuzenketa-eskean.

2. Zuzenketa-eskeak Araugai osoari buruzkoak edo atalei buruzkoak izan leitekez.

3. Osoari buruzko zuzenketa-eskeak ondoko honeek izango dira: Foru-Araugaia egiteko unearen egokitasunari, erizpideei edo asmoari buruzkoak izanik Foru-Araugaia Foru Aldundiari itzultzea eskatu dagienak, edo Araugai osoaren beste idazke-raren bat aurkeztu dagienak. Batzarkide-Taldeek baino ezin leikiez zuzenketa-eskeok aurkeztu.

4. Atalei buruzko zuzenketa-eskeak atalak kentzeko, aldatzeko edo gehitzeko egin leitekez. Azken biotarako, zuzenketa-eskeek ordezko idazkerea zehatz-mehatz adierazo beharko dabe.

5. Horretarako, eta orokorrean, erabagi gehigarriak, azken erabagiak, indarbakotzekoak eta aldibaterakoak atalak balira lez hartuko dira araugintzabide osorako, baita Arauaren idazpurua, zati bakotxeko izenburuak, antolatzeko erea eta arrazoien adierazpena be.

101. atala.-

1. Foru-Araugairen bati aurkeztutako zuzenketa-eskeak dirala-ta diru-izendapenak gehitzea edo aurrekontuetako diru-eskuraketak gitxitzea baletor ondoren lez, Foru Aldundiaren onarpena behar izango litzateke zuzenketa-eskeok bideratzeko. Zuzenketa-eskeren bat behin-betirako onartu ezkero eta eskatutakoa beste diruegitamu-urtekitaldiren baten erabiltekoa bada ez da ulertuko diru-izendapenak gehitzea dakarrenik, ezta aurrekontuetako diru-izendapenak zehaztutako diru-kopurua gainditu arren horregaitik sortutako gastuak zein diru-atalen pentzu ordainduko diran aitatzen dabenak be. Azken horreen kasuan Batzarkide-Talde saloegileek zuzenketa-eskeok aurkezterakoan edo Foru Aldundiak zehaztu egin beharko dabe indarrean egon daiten Diruegitamuko zein diru-ataletatik egingo diran ordainketok.

2. Horretarako, txostena egitea joakon Batzorde edo Lantaldeak aitatutako gehitzea edo gitxitzea ekarri leikien zuzenketa-eskeak bialdu egingo deutsaz Foru Aldundiari Batzar Nagusietako Lehendakaritzaren bidez.

3. Foru Aldundiak hamabost eguneko epean emon beharko dau arrazoitutako erantzuna, epe hori igaro ondoren erantzu-nik ez emoteak onartu dala adierazoko dauala.

3. SAILA

FORUZKO ARAU-SALOAK

102. atala.-

Foruzko Arau-Saloak arrazoien adierazpenagaz eta Arau-Salooi buruzko eritxia emoteko behar diran argipideakaz batera aurkeztuko dira.

103. atala.-

1. Foruzko Arau-Saloak egiteko arioa ondokooi jagoke:

1) Batzarkide bati, beste lau Batzarkideren izenpeagaz.

2) Batzarkide-Talde bati, Taldeburuaren edo Taldeburuordearen izenpea baino behar izango ez dala.

3) Hautatzeko eskubidedun herritarei, Foru-Arauz zehaztu daitenaren arabera.

2. Arau-Saloa aurkeztu ondoren, Batzar Nagusietako Mahaiak argitaratzea eta Foru Aldundiari bialtzea aginduko dau, aint-zat hartzeari buruz Aldundiak eritxia emon dagian. Arau-Saloak diru-izendapenak gehitu edo aurrekontuetako diru-eskuraketak gitxituko baleuz, bideraketarako onartzeari buruzko eritxia be emon beharko leuke Aldundiak, Araudi honen 101. atalean aitatzen danaren arabera.

3. Aldundiak saloari buruzko onespenik edo eragozpenik adierazo barik hamabost egun igaro ezkero, Saloa Gai-Zerrendan sartzeko moduan egongo da Osoko Batzarrak aztertu dagian.

4. Foru Aldundiak gaiaren inguruan eritxirik emonda baleu, eztabaidea hasi aurretik irakurriko litzateke. Osoari buruzkoent-zat aginduta dagoanez egingo da eztabaidea.

5. Jarraian, Foruzko Arau-Saloa aintzat hartzen dauan ala ez itaunduko deutso Lehendakariak Batzar Nagusiari. Baiezkoan, jagokon Batzordeari bialtzea erabagiko dau Mahaiak. Zuzenketa-eskeak aurkezteko epea amaitu ondoren, eskeok atalei buruzkoak baino ezin izan daitekezala, Foru-Araugaientzat aitatutako bideraketari jarraituko deutso saloak, eta Batzordea-ren erizpena Osoko Batzarrean aurkeztekotan, Talde salogilearen Batzarkideren batek aurkeztuko dau.

4. SAILA

BATZORDEETAKO EZTABAIDAK

104. atala.-

1. Foru-Araugai osoari buruzko eztabaidea osokoentzat erabagitakoaren arabera egingo da, eta epearen barruan osoari buruzko zuzenketa-eskeak aurkezten diranean baino ez da bidezkoa izango. Zuzenketa-eskeotako bakotxak aldeko eta aurkako txanda bana ekarri leike, gehienez be hogei minutukoak.

Osoari buruzko zuzenketak bi edo gehiago diranean batera eztabaidatu leitekez.

2. Foru-Araugairen bat dala-ta aurkeztutako osoari buruzko zuzenketa-eskeen eztabaidea amaituta, Lehendakariak banan-banan jarriko ditu botutara.

3. Batzordeak osoari buruzko zuzenketaren bat edo batzuk onartu eta Araugaia Foru Aldundiari itzultzea edo ordezko testua onartzea erabagi ezkero, Batzordeburuak Batzar Nagusietako Lehendakariari jakinerazoko deutso, Batzordean hartutako erabagiak Osoko Batzarraren sendespena izan dagian.

4. Bestalde, Foru-Araugai osoari buruzko zuzenketa-eskeak ez onartzea erabagi ezkero, atalei buruzko zuzenketa-eskeak, halakorik balego behintzat, aztertuko leukez Batzordeak, beti be Araudi honetan erabagitako bideari jarraituaz.

105. atala.-

1. Aurreko atalaren 4. zatian aitatzen diran egoeretan, Batzordeak txostengile bat edo batzuk izendatu leikez Batzordeki-deen artetik lantaldea osatzeko, Foru-Araugaia eta aurkeztutako zuzenketa-eskeak aztertu eta hamabost eguneko epearen barruan txostena egin dagien.

2. Lantaldearen txostena amaitu ondoren Batzordeko eztabaida hasiko da, atalez-atal egingo dana. Atal bakotxaren ezta-baidan zuzenketa-eskea egin dabenek eta Batzordekideek egin leikie berba. Hitz egiteko txandea eskatu dabenen kopurua eta erizpena burutzeko epea kontuan izanda, atal bakotxari buruzko eztabaidarako gehienezko denporea mugatuz eratu leike eztabaidea Lehendakaritzak, Batzordeko Mahaiagaz bat etorrita.

3. Arrazoien adierazpenari buruz aurkeztutako zuzenketa-eskeak atalei buruzkoen ostean eztabaidatuko dira, arrazoien adierazpen hori Foru-Arauaren sarrera lez sartzea erabagi ezkero Batzordeak.

4. Atalen bat eztabaidatzen dan bitartean, Batzordekideek orduantxe idatziz aurkeztutako beste zuzenketa-eske batzuk be onartu leikez Batzordeko Mahaiak, zuzenketa barrion helburua aurretik aurkeztutako zuzenketa-eskeak eta atalaren testua bateratzea bada. Teknika, hiztegi edo gramatikazko hutsak edo akatsak artezteko zuzenketa-eskeak be onartuko dira.

5. Araudi honek Batzar Nagusietako Lehendakaritzari eta Mahaiari emoten deutsezan egiteko berberak izango dabez Bat-zordeko Lehendakaritzak eta Mahaiak Batzordeko eztabaidak zuzentzerakoan.

106. atala.-

1. Foru-Araugaiei, Foruzko Arau-Saloei edo Arauz Besteko Saloei buruz Batzarkide-Taldeek edo Batzarkideek aurkeztutako zuzenketa-eskeak Batzordearen Erizpenean agertu ezean, Osoko Batzarrean aldezteko gorde leitekez.

2. Batzordearen erizpenegaz bat ez datozan Batzarkide-Taldeek edo Batzarkideek gura dabezan botu bereziak aurkeztu leikiez Osoko Batzarrean aldezteko, botuok aurretiaz zuzenketa-eskeak onartuz aldatu diran Araugaiaren testu-zatiei bu-ruzkoak izan beharko dabela.

3. Osoko Batzarrean eztabaidatzeko gordetako zuzenketa-eskeak eta Batzordearen erizpenari buruzko botu bereziak ezta-baidearen edozein unetan aurkeztuko dira edo, bestela, dana dalako Foru-Araugai edo Saloaren testua eta testu horri jago-kozan zuzenketa-eskeak Batzordean eztabaidatzea amaitu eta berrogeita zortzi orduko epe barruan.

4. Epe hori amaitu ondoren Batzordeko Mahaiak ahalik eta eperik laburrenean bialduko deutso Batzar Nagusietako Lehen-dakariari Batzordeburuak eta Batzordeko Idazkariak izenpetutako erizpena, gordetako zuzenketa-eske eta botu bereziakaz batera, horrelakorik egon balego.

5. SAILA

OSOKO BATZARRETAKO EZTABAIDEA

107. atala.-

1. Foru-Araugaia Aldundiari itzultzeko erabagia edo, bestela, Batzordean onartutako ordezko testua Osoko Batzarrak sen-desteko aurkezterakoan, osoari buruzko zuzenketa-eskeentzat jarritakoaren arabera egingo da eztabaidea.

2. Sendespen hori lortu ezkero, Foru Aldundiari jakinerazoko jako eta Araugaia baztertuta geratuko da. Lortu ezean, Bat-zordeari itzuliko jako, aurreko ataletan zehazten dan bideraketea emon dakion.

3. Foru Aldundiak aurkeztutako Araugaiaren ordezko testuren bat onartuko baleu Osoko Batzarrak, Batzar Nagusietako Mahaiak argitaratzea aginduko leuke, baita 100. atalaren 1. zatian zehazten dan zuzenketa-eskeetarako epea zabaltzea be, zuzenketok atalei buruzkoak baino ezin izan leitekezala.

108. atala.-

1. Batzordeak Araugaiari buruzko erizpena emon ondoren, Foru Aldundikoren batek Foru Aldundiak aurkeztutakoaren azal-pena eta Batzordekideren batek, Batzordeak halan erabagita, erizpenarena eginez hasi leiteke Osoko Batzarreko eztabai-dea. Hitzaldiok ezin leitekez hamabost minututik gorakoak izan.

2. Erizpenari buruzko botu berezirik edo gordetako zuzenketa-eskerik aurkezten ez bada, erizpena oso-osoan jarriko dau botutara Lehendakariak.

109 atala.-

1. Foru-Araugai osoari buruzko zuzenketa-eskerik gordeta badago, bakotxa banan-banan eztabaidatuko da, eta bakotxeko hogei minutuko aldeko txanda bat eta aurkako beste hainbesteko bat egon leitekez horretarako, edo bestela danak batera be eztabaidatu leitekez. Eztabaida amaitu ondoren, zuzenketa-eskeok banan-banan jarriko ditu botutara Lehendakariak.

2. Ordezko testua proposatzen dauan osoari buruzko zuzenketa-eskerik onartu ezkero Osoko Batzarrak, jagokon Batzorde-ra bialduko da, "Batzar Nagusietako Legezko Aldizkaria"n argitaratu eta zuzenketa-eskeak aurkezteko epea barriro be zabalduko da, zuzenketa-eskeok atalei buruzkoak baino ezin izan leitekezala.

110. atala.-

1. Foru Aldundiari Araugaia itzultzea edo ordezko testua onartzea erabagi ez eta osoari buruzko eztabaidea amaitu ondo-ren, atalei buruzko eztabaideari ekingo jako, atal bakotxagaz lotutako botu berezien eta zuzenketa-eskeen eztabaidea egi-nez.

2. Eztabaideak dirauan artean, teknika, hiztegi edo gramatikazko hutsak edo akatsak zuzentzeko eskeak onartu leikez Lehendakaritzak. Ordura arte aurkeztutako zuzenketa-eskeen eta erizpenaren testuaren arteko erdibidezko zuzenketa-eskeak baino ezin leitekez egin, beti be Taldeburuetariko batek idatziz aurkeztu eta inolako Batzarkide-Talderik ez balego zuzenketok bideratzearen aurka. Bideraketa hori egin ahal izateko erdibideratzen diran zuzenketa-eskeak kendu egin be-harko dira.

3. Atal bakotxaren eztabaidea amaitu ondoren bozketeari ekingo jako. Botu bereziak eta zuzenketa-eskeak izango dira botutara jarritako lehenengoak, Lehendakaritzaren ustez erizpenaren testuagaz zerikusirik gitxien daukanetik hasita gehien daukanera, hurrenez-hurren. Azkenean, erizpena bera jarriko da botutara. Botu berezirik edo zuzenketa-eskerik ez daukien atalak zuzen-zuzenean eta eztabaida barik jarriko dira botutara.

111. atala.-

Aurreko atalean aitatutakoa holan dala be, Lehendakariak ondoko honeek egin leikez:

1. Mahaiagaz bat etorriz eta Taldeburu-Batzarrari entzun ondoren, Araugaiaren eztabaida-aldiaren luzerea mugatu al-dez aurretik, eta berbeta-txanda bakotxerako hainbat denpora banatu, eztabaidea amaitu ondoren egiteko dagozan botu-emonketak egingo dirala.

2. Eztabaidak eta bozketak gaika, atal zein zuzenketa-eske txortaka edo atalzatika eratu, guzti hori testuaren zailtasu-nak, zuzenketa-eskeen eta helburuen bateratasunak, alkarren arteko loturak edo Batzarkide-Talde bakotxaren politi-ka-jarrerak hobeto erakusteak halan jokatzea eskatu dagianean.

112. atala.-

Botu berezi edo zuzenketa-eskeren bat onartu dalako edo atalei buruzko botu-emonketaren ondorenez ataraten dan testua-ren zatiren bat zentzunbakoa edo iluna izan daitekenean, Mahaiak, bere kabuz edo Batzordeak eskatuta, Araugaiari buruz-ko eztabaidea amaitu eta hurrengo berrogeita zortzi orduko epe barruan itzuli leikio Batzordeari Osoko Batzarrak onartutako testua, Batzar Nagusiaren erabagiak jagonez hamabost eguneko epe barruan idazkera egokiz idatzi dagian eta ez beste ezertarako. Holan idatzitako erizpena Batzar Nagusiaren erabagipean jarriko da, Batzar Nagusiak botu-emonketa bakar batez oso-osoan onartu edo baztertu egin beharko dauala.

113. atala.-

1. Foru Aldundiak dana dalako Foru-Araugaia bideraketatik kendu egin leike, beti be Araugaiari jagokon erizpena osorik onartu ez badau Batzordeak.

2. Saloegileren batek Foruzko Arau-Saloa aurkeztu eta gero bideraketatik kentzea erabagiko baleu, kentze horrek bete-beteko indarra berez izango leuke aintzat hartzeko erabagia Batzar Nagusiak hartu aurretik egingo balitz eskabidea eta bideraketatik baztertu danetik hiru eguneko epe barruan beste Batzarkide-Talderen batek beretzakotuko ez baleu Arau-Saloa. Aintzat hartzea erabagita balego, Batzar Nagusiak kentzea onartuta baino ezingo litzateke kendu.

6. SAILA

BATZORDEEI ARAUGINTZARAKO ESKUEMOTE OSOA AUTORTZEA

114. atala.-

1. Orokorrean garrantzi berezi bako arloetako Araugai edo Saloei buruzko erizpena emotea jagokon Batzordeak berak araugintzarako eskuemote osoa izatea erabagi leike Batzar Nagusietako Mahaiak, Taldeburu-Batzarragaz bat etorrita, Batzordetik urtendakoak Osoko Batzarraren azken onarpena beharrezko ez dauala. Erabagitakoa "Batzar Nagusietako Legezko Aldizkarian" argitaratuko da.

2. Halan eta guztiz be, aurreko erabagia argitaratu eta hiru eguneko epe barruan, Batzarkide-Talde bik edo Batzar Nagusie-tako eskubide osodun Batzarkideen hirurenak argitaratutakoaren aurkako eritxia adierazoko balebe, Osoko Batzarrak har-tuko leuke arazoari buruzko erabagia.

3. Ezin leiteke inoiz ezetariko eskuemoterik erabagi zertarako eskuemoten dan orokorrean edo zehaztu barik itxita.

II. ATALBURUA

ARAUGINTZABIDE BEREZIAK

1. SAILA

FORU-ARAUGAIAK IRAKURRALDI BAKARREZ ONARTZEA

115. atala.-

1. Foru-Araugaiaren izaereak edo gaiaren soiltasunak horretarako bide emon dagianean, Araugai hori irakurraldi bakarrez bideratzea erabagi leike Batzar Nagusiak, Taldeburu-Batzarrari entzun ondoren Mahaiak ahobatez egindako saloz.

2. Erabagi hori hartu ondoren, eztabaideari ekingo jako osoari buruzkoentzat jarritakoaren arabera, ondoren Araugai guztiaz bozketa bakarrean erabagiko dala.

2. SAILA

EUSKO LEGEBILTZARRERA BIDERATUTAKO LEGEGINTZA-ARIOA

116. atala.-

1. Eusko Legebiltzarreko Mahaiari bialtzeko Lege-Saloak gertatzea Araudi honetan agizko araugintzabideari buruz aitatzen danari jarraituaz egingo da.

2. Aurreko zenbakian aitatzen diran Lege-Saloak oso-osorik bozketara jarri eta gehiengo osoz onartu behar izango dira.

3. Lege-Saloak Eusko Legebiltzarrean aldeztu beharko dituen Batzarkideak izendatzeko Batzarkide bakotxak izen bi idatzi-ko ditu horretarako banatutako txarteletan, boturik gehien jaso dagien hiru Batzarkideak izendatuko dirala. Bardinketarik balego barriro be botutara jarriko litzateke harik eta erabagi arte.

3. SAILA

DIRUEGITAMUEI BURUZKO FORU-ARAUGAIA

117. atala.-

1. Bizkaiko Jatorrizko Lurraldearen Guztizko Diruegitamuak aztertu eta onartzerakoan agizko araugintzabidea erabiliko da, sail honetan aitatzen diranetan izan ezik.

2. Batzar Nagusietako lanen artean Guztizko Diruegitamuei buruzko Foru-Araugaiaren bideraketeak izango dau lehentasu-na.

3. Diruegitamuen eztabaidan atalkako testua eta gastuetarako baimenak aztertuko dira, baita Araugaian agertu leitekezan beste agiri batzuk be.

118. atala.-

1. Behin Foru-Araugaia hatakotzat hartu eta bere bideak egin daizan onartu ondoren, Mahaiak Batzarkide-Taldeei bialduko deutse, gehien jota be hamar eguneko epean aztertu dagien.

2. Epe hori amaitu orduko, Ekonomia eta Ogasuneko Batzordera etorriko dira Foru Aldundiaren ordezkariak, diru-izendapenen izaera eta gora-beherak dirala-ta eskatzen jakezan argibide guztiak emon dagiezan.

3. Aurreko atalzatietan aitatutako epea amaituta, Araugaia argitaratu eta zuzenketa-eskeetarako epea zabalduko da. Aurre-ko lerroaldian jarritakoa kontuan hartuta, ez da onartuko diru-izendapenen argitasunik eza dala-ta aurkeztutako zuzenketa-rik.

4. Diruegitamuei buruzko Foru-Araugaia dala-ta, Araugai osoari zein sailen bati buruzko zuzenketa-eskeak egin leitekez, baita egitarau, atalburu, atal eta diruegitamu-atalei buruzkoak be.

5. Mahaiak agiriak sailkatzeko daukan eskubidearen kalterako ez dala, hurrengook joko dira osoari buruzko zuzenketa-esketzat: Foru Aldundiari Araugaia itzultzea eskatu degioenak; Sailen bati jagokon Diruegitamua bihurtzea edo kentzea gura dagienak; eta proposatutako ordezko idazkera edo eraketaren ondorioz Araugaiaren oinarrizko zatietan aldaketa ga-rrantzitsuak eskatu dagienak. Azken kasu horren ondorenetarako, oinarrizko zatitzat joko dira Sail guztiei jagokezan saila-tal, egitarau edo atalburuak.

6. Bizkaiko Guztizko Diruegitamuei buruzko Araugaia dala-ta egin daitezan zatizko zuzenketa-eskeak sailatal bakotxari buruzkoak edo egitarauei buruzkoak izan leitekez, baita egitarauon atalburu, atal edo diruegitamu-atalei buruzkoak be. Edozelan be, zuzenketa-eskearen testuan zein Sail edo egitarauri jagokon zehaztu beharko da.

7. Diru-izendapena gehitzeko zuzenketa-eskeak ezin leitekez bideraketarako onartu aitatutako gehiketaren besteko gitxike-ta zehazten ez bada zuzenketa-eskean bertan. Gitxiketa hori edozein diruegitamu-ataletik egindakoa izan leiteke.

Araugaiaren atalkako testuari buruzkoak izan eta diruegitamu-izendapenen bat gehitzea berez eta beste barik dakarren zuzenketa-eskeek be diru-izendapena gehitzea dakarrela ulertuko da.

8. Diru-eskuraketak gitxitzea dakarren Diruegitamuen Araugariari buruzko zuzenketa-eskeek Foru Aldundiaren oneritxia beharko dabe jagokezan bideak egiteko. Araugaiaren atalkako testuan aitatzen diran zerga-erabagiak aldatzea eskatu dagien zuzenketa-eskeek diru-eskuraketak gitxitzea dakarrela ulertuko da aldaketok zerga-bilketarako erizpideak aldatzea-gaitik bildutakoa gitxitzea badakarre.

9. Batzordeburuak eta Batzar Nagusietako Lehendakariak Diruegitamuaren egitureari ondoen egokitu dakion eran tajutu leikiez eztabaidak eta bozketak.

118. bis atala.-

1. Zuzenketa-eskeak sailkatu eta bideraketarako onartu ondoren, osoari buruzkoez eztabaidatu eta erabagiko dau Batzar Nagusiak.

Batzar Nagusi horretan behin-betikotasunez finkatuko dira diru-sarrera eta gastuetarako guztizko kopuruak.

2. Ondoren, Batzordeak beste zuzenketa-eskeak aztertuko ditu eta erizpena aurkeztuko deutso Batzar Nagusiari.

3. Batzordearen erizpenari buruz Batzar Nagusian egin daiten eztabaidea osoko eztabaidatzat joko da. Erizpenaren bozketa Sailka egingo da. Holakoetarako atalkako testua be beste Sail bat balitz lez hartuko da. Dana dalako Sailen bati jagokon diruegitamua onartu ezkero, baztertutzat joko dira Sail horri aurkeztutako zuzenketa-eskeak edo botu bereziak. Onartu ezean, egitaurau bakotxa banan-banan eztabaidatu eta bozkatuko da, joakozan gordetako zuzenketa-eske edo botu bere-ziakaz.

Era berean, Sailen bateko egitarauak be eztabaidatu eta bozkatu egingo dira gitxienez hiru Batzarkide-Taldek eskatu ezkero, danen artean Batzar Nagusietako Batzarkideen gehiengo osoaren ordezkotza badaukie.

4. SAILA

PREMINAZKO ARAUGINTZABIDEA

119. atala.-

Foru Aldundiak, Batzarkide-Talde bik edo Batzar Nagusietako Batzarkideen bostenak eskatuta, arazoren batek preminazko bideraketa izan dagiala erabagi leike Mahaiak.

120. atala.-

1. Aurreko erabagia hartu ondoren, Mahaiak beste epe batzuk jarriko ditu, Araudian aitatutakoak aintzat hartuta.

2. Arazo berezietan-edo izan ezik, epeak Araudian zehaztutakoaren erdira laburtuko dira, hitz egiteko txanden iraupena be neurri berean laburtuko dala.

5. SAILA

FORU ALDUNDIARI ARAUGINTZARAKO ESKUEMOTEA

121. atala.-

1. Batzar Nagusiek, indarrean dagozan Arauetan holakoetarako aitatutakoaren arabera, Foru Aldundiaren esku itxi leikie Araugintza-Dekretuak egitea, Arauotan aitatzen diran salbuespenetan izan ezik.

2. Araugintzarako eskuemotearen helburua atalkako testuak egitea izan daitenean Oinarrien Foru-Arauz egin beharko da, eta agizko Foru-Arauz helburua lege-testuak bateratzea izan daitenean. Kasu biotan, Batzar Nagusietako Osoko Batzarrak erabagiko dau eskuemotearen epea, eta epe horren amaierea araugintzarako baimenarena be izango da, Batzar Nagusiek, Foru Aldundiak eskatuta, epea luzatu be egin leikiela.

3. Oinarrien Foru-Arauek Araugintzarako Eskuemotearen helburua eta eragina ondo zehaztuko ditue, baita eskuemotea gauzatzeko erabili beharreko oinarriak eta erizpideak be.

4. Lege-testuak bateratzeko baimenak eskuemotea zein arau-esparrutarako dan zehaztuko dau, testu bati beste idazkera-ren bat emoteko ala bateratu beharreko lege-testuak araupekotu, argitu edo alkar-egokitzeko dan zehaztuaz.

5. Foru Aldundiak Araugintzarako Eskuemotea burututakoan, jagokon adierazpena bialduko deutso Batzar Nagusietako Mahaiari, eta adierazpenagaz batera egindako atalkako testua edo testu bateratua.

6. Foru Aldundiaren testuaren bideraketea irakurraldi bakarrez egin daitela aginduko dau Batzar Nagusietako Mahaiak.

6. SAILA

HERRITARREN ARAUGINTZA-ARIOA

122. atala.-

Herritarren ariozko Arau-Saloak Mahaiak aztertuko ditu Arauetarako jarrita dagozan baldintzak beteten dituen ala ez ikuste-ko. Beteten baditue, Araudi honetan Arau-Saloentzat orokorrean aitatzen danaren arabera egingo da ia bideraketa osoa, herritarroi bialdu beharreko adierazpenetan eta Saloaren aldezkotzan izan ezik, salo-aurkezleen ordezkariek aldeztu behar-ko dabe-ta.

III. ATALBURUA

SENDESPENETARAKO, ERABAGIETARAKO ETA BAIMENETARAKO BIDERA-KETEA

123. atala.-

1.- Ahalmena jaso edo emotekoetan hurrengo bideraketeari jarraituko deutsie Batzar Nagusiek emon beharreko sendespe-nek:

a) Mahaiak dana dalakoa sailkatu egingo dau eta arazoa jagokon Batzordeari bialduko deutso, Batzorde horrek sendes-penaren egokitasunari edo gaiaren maminari buruzko erizpena emon dagian.

b) Erizpena eginda, osoari buruzkoentzat ezarritakoaren arabera eztabaidatu eta erabagiko da Batzar Nagusian.

2.- Erabagiak hartzeko edo Bizkaiko Jatorrizko Lurraldearen Hautaketa, Antolaketa, Jaurpide eta Jardunari buruzko Foru-Arauan aitatzen diran baimenak emoteko, aurreko atalzatian aitatu dan bide bera egingo da.

3.- Foru Aldundiak Eusko Jaurlaritzagaz, Estatuagaz, beste Jatorrizko Lurralde, Autonomi Elkarte eta Probintziakaz egin beharreko itunak sendesteko bideraketa hurrengoa izango da:

a) Foru Aldundiak ituna onartu izanaren erabagia gehienez be 48 orduko epe barruan bialduko dau Batzar Nagusietara.

b) Mahaiak ituna sailkatu egingo dau eta, itunaren garrantziaren arabera, Osoko Batzarrera edo Batzordera behingoan bialduko dau.

c) Osoari buruzkoentzat ezarritakoaren arabera eztabaidatu eta erabagiko da Batzar Nagusian zein Batzordean.

VII. IDAZPURUA

ALDUNDIAREN EKINTZEI BURUZKO BATZAR NAGUSIEN ZAINTZA-PIDEAK

I. ATALBURUA

FORU ALDUNDIAREN URTEROKO ADIERAZPENA

124. atala.-

Foru Aldundiak, Aldun Nagusiaren bidez, urteroko adierazpen orokorra egingo dau, ostean bozketa bako eztabaidea egingo dala. Adierazpen hori batzarraldiaren hasieran egingo da.

125. atala.-

1. Eztabaidea Aldun Nagusiaren hitzaldiagaz hasiko da. Ondoren, etenaldia egitea erabagi leike Lehendakariak, gehien jota be hogeita lau ordukoa izan leitekeana. Etenaldirik ez balitz, edo etenaldi hori amaitu ondoren, Batzarkide-Talde bakotxeko ordezkari batek izango dau hitz egiteko txandea, gehienez be hogeita hamar minutukoa.

2. Foru Aldunek eskatzen daben bakotxean izango dabe hitz egiteko txandea. Batzarkide-Taldeetako ordezkariei banan-banan erantzun degienean, ordezkariok hamar minutuz erantzuteko eskubidea izango dabe. Foru Aldundikoek Batzarkide-Taldeetako ordezkari guztiei batera erantzun ezkero, ordezkari bakotxak hamar minutuz erantzuteko eskubidea izango dau.

3. Eztabaidea amaitu ondoren, eta bozketa barik, Lehendakariak saioa amaitutzat joko dau.

II. ATALBURUA

FORU ALDUNDIAREN POLITIKA-JARDUNARI BURUZKO EZTABAIDA OROKO-RRAK

126. atala.-

1. Hiru Batzarkide-Taldek edo Batzarkideen hirurenak eskatu eta Mahaiak, Taldeburu-Batzarragaz bat etorrita, erabagi dagianean edo Foru Aldundiak berak eskatu dagianean eztabaidatu leikie Batzar Nagusiek Foru Aldundiaren politika-jardunari buruz.

2. Eztabaidea osoari buruzkoen modukoa izango da, eta amaitu ondoren hogeita hamar minutuko epea izango da Batzarki-de-Taldeek erabagi-saloak Mahaiari aurkezteko. Eztabaidatzen danagaz zerikusia daukien saloak baino ez ditu onartuko Mahaiak, beti be Foru Aldundiari buruzko usteon-eskabide edo gaitzespen-adierazpen lez hartzekoak ez badira.

3. Onartutako saloen aldezpena gehienez be hamar minutuz egin leiteke. Bakotxaren aldezpenaren ondoren iraupen bereko aurkako txandea emon leike Lehendakariak. Eztabaidaren ostean, aurkeztu diran hurrenkera berean ipiniko ditu bozketara Batzar Nagusietako Lehendakariak.

III. ATALBURUA

ITAUNAK ETA ERANTZUN-ESKEAK

1. SAILA

ITAUNAK

127. atala.-

Batzarkideek, jagoken taldearen bidez, eta Batzarkide-Taldeek itaunak egin leikieez Foru Aldundiari eta Foru Aldunei.

128. atala.-

1. Itaunak idatziz aurkeztu behar izango jakoz Mahaiari, eta Foru Aldundiaren politika-jokabidearen arrazoi eta asmoei buruzkoak izango dira.

2. Aurkeztutako idazkiak aurreko atalean aitatzen diran baldintzak beteten dituan ala ez aztertuko dau Mahaiak. Beteko ez baleuz, erantzun-esketzat hartuko leuke, eta eskegileari bideraketa-modua aukeratu dagiala eskatuko leuskio.

3. Batzar Nagusietako Lehendakariak Foru Aldundiari bialduko deutsaz itaunak, itaunok argitaratzera bialdu izanaren pent-zu egon barik.

4. Idazkion arauzko bideraketea egiteko eragozpen izan leitekezan erazko akatsak arteztea onartu egingo dau Mahaiak.

129. atala.-

1. Itauna argitaratu eta hamabost egun igaro ondoren sartuko da Batzar Nagusiko Gai-Zerrendan.

2. Itaunak Gai-Zerrendan sartzerakoan, lehentasuna izango dabe batzarraldirako jagoken itaun-kopurua bete barik daukien Batzarkide-Taldeek aurkeztutakoek. Kopuru hori talde bakotxari bost Batzarkideko itaun bi egiteko eskubidea emonaz ata-rako da. Zatiketan bostera heldu ezean be, itaun bi egiteko eskubidea izango da. Aitatutako erizpide hori baztertu barik, lehentasuna izango dau itauna lehenengo aurkeztu dagianak.

3. Batzarraldia amaitu ondoren, geratzen diran itaunak idatzizko erantzun-eske lez bideratuko dira batzarraldi bitartean. Aurreko arau hori ez da erabilgarri izango itaungileak edo egileek itauna dala sendetsi dagienean batzarraldia amaitu aurre-tik. Hurrengo batzarraldiaren lehen Batzar Nagusian eztabaidatuko da itauna, aurreko ataletan agertzen danari jarraituaz eta egun horretan 124. atalean aitatzen dan urteroko adierazpen orokorra ez bada.

130. atala.-

Itaunak Batzar Nagusian eztabaidatuko dira, itaungileari txanda bat, Foru Aldundiari beste bat eta alkarri erantzuteko txanda bana jagokela. Lehenengo biak ezin leitekez hamar minututik gorakoak izan, ezta alkarri erantzutekoak bost minututik gora-koak be.

131. atala.-

1. Itaun bakotxaren ondorenez erabagi-asmoa egin leiteke, Batzar Nagusiak itaunari buruz daukan jarrerea azalduko daua-na.

2. Aitatutako erabagi-asmoa itaungileak, jagokon Taldearen bidez, edo Taldeak berak aurkeztu leikie, itauna Osoko Batza-rrean eztabaidatu eta hurrengo berrogeita zortzi orduko epe barruan. Behin Mahaiak erabagi-asmo hori onartu ondoren, hurrengo Osoko Batzarrerako Gai-Zerrendan sartuko da, zuzenketa-eskeak Batzarra hasi baino sei ordu lehenagora arte be aurkeztu leitekezala. Itaunari egokitzen bajako baino ez dau onartuko Mahaiak erabagi-asmo hori.

3. Eztabaidea eta bozketea Arauz Besteko Saloentzat ezarritakoaren arabera egingo dira.

132. atala.-

Ezin leitekez batzar bereko Gai-Zerrendan Batzarkide-Talde bakotxeko itaun bi baino gehiago sartu.

2. SAILA

ERANTZUN-ESKEAK

133. atala.-

Batzarkideek erantzun-eskeak egin leikiez, Foru Aldundiari eta Foru Aldunei zuzendutakoak.

134. atala.-

1. Erantzun-eskeak idatziz aurkeztu behar izango jakoz Mahaiari. Batzar Nagusian ahozko erantzuna izateko aurkeztutako erantzun-eskeetan gai bakar bati labur eta zehatz lotutakoa izan beharko dau idazkiak. Jazoera, egoera edo argipideren bati buruz erantzutea eskatu leiteke erantzun-eskean, edota Foru Aldundiak arazoren bati buruz neurririk hartu dauan edo hartuko ete dauan galdetu. Era berean, Aldundiak berak Batzar Nagusiei zeozeri buruzko agiririk bialduko edo argipiderik emongo ete deutsen galdetzeko be izan leiteke erantzun-eskea.

2. Ez da onartuko eskegileari berari baino ez joakon erantzun-eskerik.

3. Idazkiak atal honetan aitatutakoak beteten dituan ala ez egiaztatuko dau Mahaiak, eta hala bada, Foru Aldundiari bialdu dakiola aginduko dau.

135. atala.-

Aurkezten dauanak bestelakorik adierazo ezean, erantzun-eskeari idatziz erantzun beharko jakola ulertuko da, eta ahozko erantzuna eskatu eta beste ezer zehazten ez bada, erantzuna joakon Batzordean emon beharrekotzat joko da.

136. atala.-

1. Batzar Nagusian ahoz erantzutea eskatzen daben erantzun-eskeak Foru Aldundiari bialdu eta zazpi egun igaro ondoren sartu leitekez Gai-Zerrendan.

2. Erantzun-eskeak Gai-Zerrendan sartuko dira, batzarraldi bereko Osoko Batzarretan oraindino erantzun-eskerik egin ez daben Batzarkideei lehentasuna emonaz. Erizpide horren kalterako ez dala, Osoko Batzar bakotxeko Gai-Zerrendan sartu-ko diran erantzun-eskeen kopurua eta talde bakotxeko Batzarkideen hitzaldiak banatzeko erizpidea zehaztuko dau Lehen-dakariak, Taldeburu-Batzarragaz bat etorrita.

3. Batzarkideak dana dalako erantzun-eskea zehatz-mehatz egin ondoren, Foru Aldundiaren txandea izango da. Batzarki-deak hitz egiteko txandea euki leike barriro be jardespenak egin edo erantzunak eskatzeko, eta Aldundiaren hurrengo erantzunagaz joko da amaitutzat eztabaidea.

Lehendakariak parte hartuko dabenen artean banatuko ditu hitzaldiak, erantzun-eske bakotxaren eztabaidea ezin leite-kela sei minututik gorakoa izan. Lehendakariak, txanda bakotxa amaitu ondoren, berba egin behar dauan hurrengoari emongo deutso hitz egiteko txandea edo hurrengo aztergaira joatea aginduko dau beste barik.

4. Foru Aldundiak erantzun-eskeren bat edo batzuk hurrengo Batzar Nagusiko Gai-Zerrendan sartzea eskatu leike edozein unetan, baina erantzun-eske bakotxeko behin baino ez, eskaera horri buruzko erabagia Lehendakariak hartuko dauala Batzar Nagusietako Mahaiaren eritxia entzun ondoren. Kasu horretan izan ezik, aurkeztutako eta Gai-Zerrendan sartu bako erantzun-eskeak eta sartutakoak baina eztabaidatu bakoak barriro egin beharko dira hurrengo Osoko Batzarrerako gorde gura izan ezkero. Holan egingo ez balitz baztertutzat joko litzatekez.

137. atala.-

Erantzun-eskea aurreko atalean aitatzen dan epe barruan aurkeztu barik egon baina preminazko egoeraren bat sortu ezke-ro, erantzun-eske hori Osoko Batzarreko Gai-Zerrendan sartzeko erabagi berezia hartu leike Batzar Nagusietako Lehenda-kariak, Taldeburu-Batzarragaz bat etorrita eta Foru Aldundiari entzun ondoren.

Edozelan be, Osoko Batzarra hasi baino berrogeita zortzi ordu lehenago aurkeztu behar izango da dana dalako erant-zun-eskea. Preminazko erantzun-esketzat hartutakoak aitatutako Batzarreko Gai-Zerrendan egon daiten beste edozein baino lehenago aztertuko dira.

138. atala.-

1. Batzordean ahoz erantzuteko diran erantzun-eskeak Foru Aldundiari bialdu eta zazpi egun igaro ondoren izango dira Gai-Zerrendan sartzeko moduan.

2. Erantzun-eskeok 136. atalean aitatzen danaren arabera bideratuko dira.

139. atala.-

1. Foru Aldundiak idatzizko erantzun-eskea bialdu dakionetik hogei eguneko epe barruan emon beharko dau erantzuna.

2. Foru Aldundiak erantzuna epe horren barruan bialdu ezean, Batzar Nagusietako Lehendakariak, eskegileak eskatuta, jagokon Batzordearen hurrengo saioko Gai-Zerrendan sartu daitela aginduko dau, ahozko erantzun-eskeen bideraketea izan dagian. Foru Aldundiari erabagi horren barri emongo jako.

VIII. IDAZPURUA

USTEON-ESKABIDEA ETA GAITZESPEN-ADIERAZPENA

I. ATALBURUA

ALDUN NAGUSIA IZENDATZEA

140. atala.-

1. Batzar Nagusiek Batzarkideen artetik hautatuko dabe Aldun Nagusia, isilpeko botu-emonketaz.

2. Batzar Nagusietan Batzarkiderik euki dagian politika-alderdi edo baterakunde bakotxak Aldun Nagusirako hautagai bat aurkeztu leikio Mahaiari.

3. Batzarkide bakotxak gura dauan hautagaiaren izena idatziko dau horretarako zabaldutako botu-txarteletan. Hautagai bakarra badago, botua emon gura deutsanak haren izena idatziko dau, eta emon gura ez deutsanak ez dau ezer idatziko.

4. Aldun Nagusia izendatzeko, beharrezkoa izango da hautagairen batek Batzar Nagusietako eskubidedun Batzarkideen gehiengo osoaren botuak lortzea lehenengo bozketan. Hautagaien arteko inork ez badau gehiengo osorik lortzen, bigarren botu-emonketa egin eta boturik gehien izan dagian hautagaia izendatuko dabe Aldun Nagusi.

5. Aurrean aitatutako bigarren botu-emonketea egin eta bardinketarik izan ezkero, Bizkaiko Jatorrizko Lurraldeko Batzar Nagusietarako hauteskundeetan boturik gehien lortutako politika-alderdi edo baterakundeko hautagaia izendatuko dabe Aldun Nagusi.

141. atala.-

1. Batzar Nagusietan Batzarkiderik izan dagian politika-alderdi edo baterakunde bakotxak, jagokon Batzarkide-Taldearen bidez, Batzar Nagusia hasi baino gitxienez hirurogeita hamabi ordu arinago aurkeztuko deutso hautagaia Mahaiari.

2. Batzarraren hasieran, Idazkarietako batek aurkeztutako hautagaiak zeintzuk diran irakurriko dau. Jarraian, hautagai bakotxak foru-jaurpiderako daukan egitaraua gan-ganetik eta orokorrean azalduko dau, gehienez jota be larogeita hamar minutuko txandan.

3. Gero, Batzarkide-Talde bakotxeko ordezkari batek izango dau berbeta-txandea, horretarako gehienez hogeita hamar minutu eukiko dituala.

4. Aurkeztutako hautagaiek gehienez be hogeita hamar minutuz erantzun leikiee Batzarkide-Taldeetako ordezkariei. Batzar-kide-Taldeetako ordezkariok hamar minutuko jardespena egiteko eskubidea izango dabe. Ondoren, saioa etenda geratuko da, botu-emonketea egiteko zein ordutan jarraituko dauan Mahaiak adierazo eta gero.

142. atala.-

Etenaldia amaitu ondoren, Aldun Nagusia hautatuko da Araudi honen 140. atalean aitatzen danaren arabera.

143. atala.-

Batzar Nagusiek Aldun Nagusia izendatu ez dagien bitartean ezin leiteke Gai-Zerrendan beste gairik sartu, Mahaiak eta Taldeburu-Batzarrak ikusi dagiezan aparteko eta premina larrikotzat jotako arrazoiakaitik izan ezik.

II. ATALBURUA

USTEON-ESKABIDEA

144. atala.-

Aldun Nagusiak, Foru Aldundiak aztertu ondoren, berak aurkeztutako jaurtze-egitaraua edo urteroko adierazpena dala-ta, usteona eskatu leikie Batzar Nagusiei.

145. atala.-

1. Usteon-eskabidea arrazoitutako idazkiz aurkeztuko jako Batzar Nagusietako Mahaiari.

2. Mahaiak idazkia bideratzea onartu ondoren, Lehendakariak Taldeburu-Batzarrari horren barri emon eta Batzar Nagusira-ko deia egingo dau.

3. Eztabaidea ondoko arauoi jarraituz egingo da:

1) Aurkeztutako usteon-eskabideari buruzko azalpena emongo deutso Aldun Nagusiak Batzarrari, denporazko muga ba-rik.

2) Aitatutako azalpena amaitu ondoren, saioa gehienez be hogeita lau orduz etetea erabagi leike Batzar Nagusietako Lehendakariak. Etenaldirik izan ezean, edo dana dalako etenaldia amaitu ondoren, Batzarkide-Talde bakotxeko or-dezkari batek izango dau hitz egiteko txandea, gehienez be hogeita hamar minutukoa.

3) Aldun Nagusiak eta Foru Aldunek eskatu dagien guztietan izango dabe hitz egiteko aukerea. Batzarkide-Taldeetako ordezkariei banan-banan erantzun degienean, ordezkariok hamar minutuko erantzun-eskubidea izango dabe. Bat-zarkide-Taldeetako ordezkariei guztiei batera erantzun ezkero, ordezkari bakotxak hamar minutuz erantzuteko esku-bidea izango dau.

4. Eztabaidea amaitu ondoren, botutara jarriko da usteon-eskabidea.

5. Batzar Nagusietako botuen gehiengo soila lortu ezkero, usteona emondakotzat joko da.

146. atala.-

Batzar Nagusiek Aldun Nagusiari usteona ukatuko baleutsoe, berehala itxi beharko leuke kargua, eta besteren bat izenda-tuko litzateke Aldun Nagusi, Araudi honen 140. atalean aitatzen danaren arabera.

III. ATALBURUA

GAITZESPEN-ADIERAZPENA

147. atala.-

1. Batzar Nagusiek gaitzespen-adierazpenaren bidez eskatu leikioe Foru Aldundiari politika-erantzukizuna.

2. Gaitzespen-adierazpenaren saloa Batzarkideen seirenak gitxienez egin beharko deutso Mahaiari eta Aldun Nagusirako hautagaia aurkeztu beharko dabe. Hautagai horrek foru-jaurpiderako daukan egitarauaren ezaugarri nagusiak azaldu be-harko ditu.

148. atala.-

1. Mahaiak, gaitzespen-adierazpenak araudi-baldintza guztiak beteten dituala egiaztatu ondoren, bideraketarako onartuko dau, Aldun Nagusiari eta Batzarkide-Taldeetako Taldeburuei horren barri emonaz.

2. Barri hori emon eta egun biko epe barruan beste adierazpen batzuk be aurkeztu leitekez. Adierazpenok aurreko atalaren 2. zatian aitatzen diran baldintzak eta atal honen lehenengo zatian aitatutako onartze-bide guztiak bete beharko ditue.

149. atala.-

1. Gaitzespen-adierazpena izenpetu dabenetariko Batzarkide batek egindako aldezpenagaz hasiko da eztabaidea, horreta-rako gehienez larogeita hamar minutu eukiko dituala. Ondoren, eta iraupen beragaz, gaitzespen-adierazpenean Aldun Nagusi izateko aurkezturiko hautagaiak egin leike berba, jaurtze-egitarauaren azalpena emoteko.

2. Aitatutako hitzaldiak amaitu ondoren, saioa gehien jota be hogeita lau orduz etetea erabagi leike Batzar Nagusietako Lehendakariak. Epe hori amaituta, hitz egiteko txandea eskatu dagian Batzarkide-Talde bakotxetik ordezkari batek egingo dau berba, horretarako gehienez be hogeita hamar minutuko epea izanik. Hizlari guztiek hamar minutuko jardespen-txanda baterako eskubidea izango dabe.

3. Gaitzespen-eskabide bat baino gehiago aurkeztu ezkero, Batzar Nagusietako Lehendakariak, Mahaiari eta Taldeburu-Batzarrari entzun ondoren, Gai-Zerrendan sartutako guztiak batera eztabaidatu daitezala erabagi leike, baina botutara ba-nan-banan jarri beharko dira, aurkeztu diran hurrenkeran.

4. Ezin leiteke gaitzespen-eskabiderik bozkatu aurkeztu danetik gitxienez bost egun igaro arte.

5. Gaitzespen-eskabidea onartzeko Batzar Nagusietako Batzarkideen gehiengo osoaren aldeko botua beharko da edozelan be.

6. Gaitzespen-eskabideren bat onartuko balitz ez litzatekez bozkatuko aurkeztuta egon eitekezan beste guztiak.

150. atala.-

Batzar Nagusiek gaitzespen-eskabiderik onartzen badabe, Aldun Nagusiak kargua itxi egin beharko dau eta gaitzespen-eskabide horretako hautagaia Aldun Nagusi izendatuta geratuko da.

151. atala.-

Gaitzespen-eskabidea Batzarkideen gehiengo osoz onartzen ez bada, hori izenpetu dabenek ezin leikie halako beste eska-biderik aurkeztu sei hilabete igaro arte.

152. atala.-

1. Batzar Nagusiek Aldun Nagusiordeari be beteazo egin leikioe politika-erantzukizunari joakona, Bizkaiko Jatorrizko Lurral-deko Foru-Erakundeen Hautaketa, Antolaketa, Jaurpide eta Jardunari buruzko Foru-Arauaren 33. atalean aitatzen danaren arabera. Egoera horretan ez da beharrezko izango hautagairik aurkeztea, eta gaitzespen-eskabidea onartzeko Batzarki-deen gehiengo osoa beharko da.

2. Era berean, Foru Aldunei eurei be, ardurapean daukienari buruzko erantzukizuna eskatu lekikie gaitzespen-eskabidearen bidez, aurreko atalean aitatutako betebehar eta ondoren berberakaz.

IX. IDAZPURUA

ARAUZ BESTEKO SALOAK ETA BESTE SALO BATZUK

I. ATALBURUA

ARAUZ BESTEKO SALOAK

153. atala.-

Gaitzespen-adierazpen eta usteon-eskabide ez diran Arauz Besteko Saloak be aurkeztu leikiez Batzarkide-Taldeek dana dalako gai bati buruzko eztabaidea eragiteko Batzar Nagusietan.

154. atala.-

1. Arauz Besteko Saloak idatziz aurkeztu beharko jakoz Batzar Nagusietako Mahaiari. Aurkeztu dan idazkiak aurreko ata-lean aitatutako baldintzak beteten dituan ala ez egiaztatuko dau Mahaiak, onargarri dan ala ez erabagi eta, onartu ezkero, argitaratu daitela eta Saloaren garrantziaren arabera Batzar Nagusian edo jagokon Batzordean bideratu daitela agindu.

2. Arauz Besteko Saloa argitaratu ondoren Batzarkide-Taldeek zazpi eguneko epea izango dabe zuzenketa-eskeak aurkez-teko, osoari buruzko zuzenketarik ezin leitekela inola be egin.

155. atala.-

1. Osoko Batzarraren edo Batzordearen Gai-Zerrendan sartutako Arauz Besteko Saloaren eztabaidea egiterakoan, saloa aurkeztu dauan taldeak egingo dau berba lehenengo eta ostean zuzenketa-eskerik aurkeztu dagian Batzarkide-Talde ba-kotxeko ordezkari batek, azkenik zuzenketa-eskerik egin ez dagien Batzarkide-Taldeetako ordezkariek be hitzegin leikiela. Hitzaldiok amaitu ondoren, Saloa, salogileak onartutako zuzenketa-eskeakaz, botutara jarriko da. Salogileak onartu ez daizan zuzenketa-eskeak baztertutzat joko dira beste barik.

2. Gai bereko Arauz Besteko Saloak, edo gaiez alkarri lotutakoak, batera eztabaidatzea erabagi leike Batzordeburuak edo Batzar Nagusietako Lehendakariak.

156. atala.-

Dana dalako Arauz Besteko Saloa aurkeztu dauan taldeak eskatuta preminazkotzat hartuko baleu Mahaiak, Saloa aztertu behar dan egunaren bezperan, Erroldea ixteko orduan, amaituko litzateke zuzenketa-eskeak aurkezteko epea.

II. ATALBURUA

FORU ALDUNDIAREN BARRI EMOTEEI BURUZKO ERABAGI-SALOAK

157. atala.-

Batzordeetan zein Osoko Batzarretan Foru Aldundiaren barri emoteei buruzko eztabaidak egin daitezanean, Batzarkide bakotxak erabagi-salo bat aurkeztu leike, eztabaidea amaitu ondoren botutara jarriko dana.

158. atala.-

Aurreko atalean aitatzen diran eztabaiden bideraketea ondorengoen arabera egingo da:

1. Osoko Batzarrean edo Batzorderen baten eztabaidatzeko Foru Aldundiak bialdutako barri emotea Batzar Nagusietan jaso ondoren, banatu egingo da eta Osokoaren edo dana dalako Batzordearen Gai-Zerrendan sartuko da, Araudia-ren 54. atalak aitatzen dauanaren arabera.

2. Aldun Nagusiak, edo hitz egiteko aukeratutako Aldunak, emongo deutso hasiera saioari, barri emotean aurkeztutako gaiari buruzko azalpen osatuagoa eginaz. Hitzaldi hori amaitu ondoren, Batzar Nagusietako Lehendakariak, edo ja-gokon Batzordekoak, saioa etetea edo jarraitzea erabagi leike eta, eten hori izan zein izan ez, eztabaidatzeari ekin dakionean berehala emongo jake berbeta-txandea Batzarkide-Taldeetako ordezkariei gura dagien edozein argipide eskatzeko edo dana dalako galdera zein adierazpenak egiteko.

Batzarkide-Talde bakotxak hogei minutu izango ditu hitzegiteko, eta epe horren barruan talde bereko Batzarkide batek baino gehiagok egin leike berba.

3. Foru Aldundiak banan-banan, batera edo gaiaren arabera batuta emon leikez eskatutako zehaztasunak.

4. Batzarkide-Talde bakotxak hamar minutu izango ditu erantzuteko eta egoki deritxenak adierazoteko.

5. Aurreko ataletan aitatzen dan eztabaidea amaitu ondoren, eta indarrean dagoan Araudiaren 158. atalean ezarritakoe-tarako, hogeita hamar minutuko epea zabalduko da eztabaidatutako gaiari buruzko erabagi-saloak Mahaiari aurkez-teko. Batzordean eztabaidatzen bada, Batzordekideek baino ezin leikiez erabagi-salook aurkeztu eta eztabaidea Bat-zar Nagusian bada, Batzakide guztiek.

6. Salo bakotxa aldezteko hamar minutuko txandea erabili leiteke. Aldeko txanda bakotxaren ondoren Lehendakariak beste horrenbesteko aurkako beste bat emongo dau.

7. Erabagi-saloak aurkeztu diran hurrenkeran jarriko dira botutara, barri emotea bere osotasunean ukatzea eskatzen dabenak izan ezik, holakoak aurreko arauan aitatzen diran txanda guztiak amaitu ondoren botutara jarriko diran le-henengoak izango dira-ta.

ALDIBATERAKO ERABAGIA

Batzar Nagusietako Mahaiak behar diran neurriak hartuko ditu Aurreko Idazpuruan eta V. Idazpuruaren IV. Atalburuan aitatzen dana indarrean jarteko, denporazko baldintzak, eskura dagozan baliabideak eta beharrezko izan daitezan guztiak kontuan izanda.

INDARBAKOTZE-ERABAGIA

Indarbakotuta geratzen dira "Bizkaiko Jatorrizko Lurraldeko Batzar Nagusietako Barne-Araudiari" buruzko Uztailaren 16ko 84/6. Foru-Araua eta, Arau horrezaz ganera, honako Araudi honetan aitatzen dana ukatu edo eragotzi dagien beste arau eta erabagi guztiak.

AZKEN ERABAGIAK

Lehenengoa.-

Araudi hau Batzar Nagusietako Legezko Aldizkarian argitaratu daiten egunaren biharamonean jarriko da indarrean. Bizkaiko Egunkari Ofizialean be argitaratuko da.

Bigarrena.-

Araudi honetan aldaketarik egitekotan, Foruzko Arau-Saloentzat erabagitakoaren araberako bideraketeari jarraituz egingo da eta Batzarkideen gehiengo osoak onartu beharko dau. Era berean, Bizkaiko Jatorrizko Lurraldeko Foru-Erakundeen Hautaketa, Antolaketa, Jaurpide eta Jardunari buruzko Foru-Arauaren aldaketak be Batzar Nagusietako Batzarkideen ge-hiengo osoz onartu beharko dira.

Hirugarrena.-

Erabagia "gehiengo soilez" hartu dala ulertuko da aldeko botuak aurkakoak baino gehiago izan daitezanean. "Gehiengo osoz" erabagiteko Batzar Nagusietako eskubidedun Batzarkideen erdiak baino gehiagok aldeko botua emotea beharko da.

1. ERANSKINA

85/1. ZKIDUN IZAERA OROKORREKO ERABAGIA, FORU ALDUNDIKO ORDEZ-KARIAK BATZAR NAGUSIETARA ARGIPIDEAK EMOTEN ETORTEARI BURUZKOA

Indarrean dagoan Araudiaren arabera Foru Aldundiko ordezkariak Batzar Nagusiotara argipideak emoten etortea eskatzeko bideetan ikusitako eragozpenak, Taldeburu jaunek eta Taldeburu-Batzarrak zenbaitetan adierazi dituenak, aintzakotzat hartuta, arauren batzuren beharrizana nabarmendu da; arauon bidez alkarganatu egin gura dira, alde batetik argipideak eskatzeko bideak erabilteko Batzarkide-Taldeek daukiezan eskubideak, eta, bestetik, Foru Aldundiari zein Batzar Nagusiei jagokezan zereginetan behar dan moduan murgiltzea bermatzeko oinarrizko erizpide eta arauei begirunea izatea, argipi-deak emoteko agerraldiak edo batzorderatzeak egokitasunez egin daitezan.

Horretara bada, LEHENDAKARITZA honek, Araudiaren 24.2 atalak emoten deutsazan ahalmenez baliatuta eta Mahaia-ren eta Taldeburu-Batzarraren aldezkotasuna izanda, hurrengo Izaera Orokorreko Erabagia hartzen dau, Bizkaiko Batzar Nagusiotako Batzarkideek eta jardute-sailek aintzakotzat izan beharko dabena aurrerantzean:

1.- Batzar Nagusiotara argipideak emoten etorri behar izan daitezan Foru Aldundiko ordezkariek argitu beharreko dana dalako gaiari buruzko aginpidea izan dagian Batzordera baino ez dabe joko.

2.- Indarrean dagoan Bizkaiko Batzar Nagusietako Araudiaren 38.2 atalean aitatutako bidea orain arte erabili izan dan moduan erabiliko da aurreratzean be.

3.- Batzarkide-Taldeek, Taldeburuaren bitartez, Foru Aldundikideak batzorderatzea eskatu leikie dana dalako arazoari jagokon Batzordean argipideak emoteko, horretarako Batzordearen erabagirik behar izango ez dala.

4.- Eskabidea Batzar Nagusietako Lehendakariari zuzenduko jako. Behin Mahaiak sailkatu eta bere bideak egin daizan onartu ondoren, eskabide hori Foru Aldundiari bialduko jako Lehendakaritzaren bitartez, bialdu eta zazpi egun igaro ondoren Gai-Zerrendan sartzeko moduan egongo dala.

5.- Eskabide-idazkian argitzeko eskatzen dan gaia zehatz-mehatz adierazoteaz ganera eskabide horren arrazoiak be emongo dira.

6.- Izaera Orokorreko Erabagi honen arabera aurkeztutako eskabideak bideraketarako onartu egingo ditu Mahaiak, onartu barik itxi leikezala eskegileari berari baino ez joakozan eskabideak edo Batzar Nagusien ohizko jarduera oz-topatu gurean egindakoak. Horrelako eskabiderik onartuko ez baleu Mahaiak, arrazoitutako erabagiz egingo leuke."

Bilbon, 1985.eko otsailaren 11n

Bizkaiko Batzar Nagusietako Lehendakariak,

Aurre eta Elorrieta´tar Anton-ek

2. ERANSKINA

1987.EKO AZAROAREN 19KO IZAERA OROKORREKO ERABAGIA, LEGE-EBAZPENAK ESKATZEARI BURUZKOA

Batzarkide jaunek Batzar Nagusiotako Legelari-Zerbitzuari eskatutako lege-ebazpenak dirala-ta, aintzakotzat izan behar da Batzar Nagusietako Teknika-Zerbitzuen lana antolatzeko barruko igarobideak zentzunez zehaztu beharra dagoala. Horrela-koei buruz erabagitea Erakundearen jaurtze-sailari jagoko zuzen-zuzenean, Araudiaren 23.1.1 atalak ezarritakoaren arabe-ra Mahaiari jagokoz-eta Batzar Nagusietako lana antolatzeak, eta Erakundea jaurtzeak eta zuzentzeakak eskatu degiozan erabagi guztiak ebaztea. Horretara bada, lege-ebazpenak egitea eskatzeko bideraketari buruz indarrean dogun Araudian arauketa-hutsuneak dagozanez, Lehendakaritza honek, Araudiaren 24.2 atalak emoten deutsazan ahalmenez baliatuta eta Mahaiaren eta Taldeburu-Batzarraren aldezkotasuna izanda, hurrengo IZAERA OROKORREKO ERABAGIA hartzen dau, Bizkaiko Batzar Nagusiotako Batzarkideek eta jardute-sailek aintzakotzat izan beharko dabena aurrerantzean:

1. atala.-

Erakundearen Legelari-Zerbitzuak Gai-Zerrendako aztergairen bati buruzko lege-ebazpena egin dagiala eskatu leike "ab initio" edozein Batzarkidek, eskari hori Batzar Nagusiotako Batzorderen baten edo bestelako jardute-sailen baten barruan egin beharko dala.

2. atala.-

Eskabidearen sorleku izan dan jardute-sailekoek gehiengoz onartu beharko dabe, eta hori holan izanda, jardute-sail horren Lehendakariak Batzar Nagusietako Mahaiari igorriko deutso, eta Mahaiak eskatutako ebazpena egitea agindu leikio Legela-ri-Zerbitzuari.

Bilbon, 1987.eko azaroaren 19an.

Bizkaiko Batzar Nagusietako Lehendakariak,

Aurre eta Elorrieta´tar Anton-ek

3. ERANSKINA

86/1. IZAERA OROKORREKO ERABAGIA, BATZARKIDEEN GIZARTE-SEGURANTZARI BURUZKOA

ARRAZOIEN ADIERAZPENA

Batzar Nagusietako Araudia indarrean sartzeak oraingo agintaldian be eragina izango leukean arren, Araudiaren beraren izakereak derrigorrezko egiten eban Batzar Nagusien antolaketea eta jarduerea arauoi egokitzea. Egokitze hori Batzarki-deen Gizarte-Babespenari jagokozanetan be aurrikusten zan, horrek ez dauala esan gura egoera batetik bestera igarotze-rakoan berezitasunak ez ziranik egongo.

Dana dala, egoera batetik bestera derrigorrez igarotze horretatik baino gehiago Araudiaren betebehar hori norentzat eta zenbateirainokoa zan zehaztetik etorri dira arazoak, baita holakorik egin ahal izateko legezko bideak zeintzuk diran zehazte-tik be. Guzti horregaitik gehiegizko itxaropenak ez eze beste arazo batzuk be sortu eitekezan, babestu beharrekoak ziran egoerak aintzat hartu barik geratu eitekezala-ta.

Alde batetik, indarrean dagoan Araudiaren 15.3 atalaren lehenengo eta hirugarren lerroaldiek -arloari jagokon oraingo araupidetzan Batzar Nagusientzat berez derrigorrezko diran bakarrak- argi erakusten dabe alde batera geratzen dirala aintzat hartzeko modukoak diran egoerak, esate baterako Batzar Nagusietakoa jarduera nagusi izan eta lehenagorik Gizar-te-Babespeneko jaurpideetarikoren baten alta emon barik dagozan Batzarkideena. Halan eta guztiz be, Batzar Nagusieta-koa jarduera nagusi izate hori eta Gizarte-Babespeneko babesaren izakerea bera nahiko arrazoi dirala eritxi da horreri jagokozan Gizarte-Segurantzako kuotak Erakundearen Diruegitamuaren pentzura ordaindu izan daitezan.

Beste alde batetik argi dago Batzarkideek euren Gizarte Segurantza Batzar Nagusien pentzu izatea -Araudiaren 15.5 atalaren bigarren lerroaldian aitatzen dana- eskatzeagaitik bakarrik Batzar Nagusiei ez jatorkela inongo betebeharrik. Horre-la bada, Batzar Nagusietan horretarako besteko lanik egiten ez dabenen kasuan ez da egokitzat jo Batzar Nagusiek Batzar-kideak aseguratzeko ezetariko ordainketarik egitea. Bestetara jokatzea gure inguruko legebatzarren erizpideen aurka joan-go litzateke.

Indarrean dagoan Araudiaren ondorenez Gizarte-Babespenaren arloko eskubideak eta betebeharrak egingarri izan dai-tezan erabili leitekezan legezko bideei jagokenez, argi geratu da ordezko araupide lez Toki-Jaurpidezko Oinarriak Arautzen dituan Legean aurrikusitako jokabidea erabilteak ez dauala ezertan laguntzen. Era berean, Batzar Nagusien eta Gizarte-Segurantzaren Sail Eragileen artean arlo honetan egin leiteken hitzarmenak eragozpenak eta hutsuneak izan leikezala be argi dago.

Egoera horren aurrean, Gizarte-Babespeneko ordainketa bitarteko "enpresari" baten bidez egiteari eritxi jako biderik onena, bitarteko "enpresari" hori Alderdi Politikoa edo Batzarkideari jagokon Batzarkide-Taldea izan leitekeala. Sortu barri dan azken kasu horreri jagokonez, aintzat hartu behar da Batzarkide-Taldeak bertan behera geratzen dirala agintaldiaren amaieran eta beste inorekin izan leikien hartuemonek ezin leikiela beharkizunik ekarri Batzar Nagusientzat Erakunde lez. Batzarkide-Taldeak Araudiak agintzen deutsiezan eginkizunetan eta ekintzetan baino ez dira Batzar Nagusien jardute-sail.

Batzarkideen Gizarte-Babespeneko ordainketak egiteko Batzar Nagusien erantzunkizuna ondo zehaztu barik egotea Batzarkideen jarduera nagusia bera ondo zehaztu barik egotetik dator, jarduera nagusia egon badago baino ez dago-ta ordainketarik. Argi dagoanez, Erakundearen agizko jaurpidea egiten dauan jardute-sailari joako jarduera nagusia autortzeko erantzunkizun hori.

Azkenik, malgutasunik haundienagaz jokatzea erabagi da kidetze-jaurpideari eta ordainketa-oinarriari jagokezanetan.

Lehenengo atala.-

1.- Batzar Nagusiek Gizarte-Babespeneko ordainketak egingo deutsiez gura dabezan Batzarkideei, Batzar Nagusien Dirue-gitamuetako diruagaz, Batzarkideon lanbide nagusia Erakunde honetakoa bada, beste inongo gizarte-babespenik ez dau-kienean edo daukiena behar dan bestekoa ez danean.

2.- Gizarte-Babespeneko Sail-Eragileen aurrean aitatutako ordainketok Batzar Nagusiek zuzenean egin ahal izateko gaur egun dagozan lege-eragozpenek irauten daben artean, Gizarte-Babespeneko ordainketa zuzenean egin behar leuken en-presariari edo arduradunari ordainduta joko da betetakotzat aurreko lerroaldikoa.

Bigarren atala.-

1.- Aurreko atalean jarritako betebeharraren egingarritasuna Batzar Nagusietako Mahaiak aztertu beharko dau, horretarako eskabidea jaso ondoren.

Batzar Nagusietakoa jarduera nagusitzat hartzeko eskabideetan zehaztu egin beharko dira Batzarkidearen betebeha-rrak, hau da, Mahaikide dan ala ez, bere Batzarkide-Taldean daukazan ardurak, zein Batzordetan dagoan sartuta etab. Erabagi orduko, Mahaiak egiaztatu eta neurtu egingo ditu zehaztasun guztiok.

2.- Lehenengo atalaren 1. azpiatalak aitatutako Batzarkideek eurek erabagiko dabe Gizarte-Babesean bazkidetu eta/edo erroldaratzeko erabiliko dan jaurpidea, baita jagoken ordainketa-taula zein izango dan be, azken horrek goi mailako titulu-dunentzat ezarritakotik gora ezin leikeala egin.

3.- Ordaindu beharra onartzeak eskabidea egin zan egunetik aurrera ordaintzea ekarriko dau. Horretarako lehenego atala-ren 1. azpiatalean eskatutakoak beteta egon beharko dau, eta Gizarte-Babespenerako Sail-Eragileentzako ordainketak eginda egon.

Aldibaterako Erabagia.-

Erabagi honen aurretik onartutako Batzarkideen Gizarte-Babespeneko ordaindu beharrak orain arte lez jarraituko dabe indarrean dagoan agintaldia amaitu arte, hori holan izan daitela erabagiteko aintzat hartu ziran gora-beherak desagertu edo nabarmen aldatzen ez badira behintzat.

Aitatutako Batzarkideen Gizarte-Babespenari buruzko gainontzekoak Erabagi honetan orokorrean ezarritakoaren arabe-ra aztertu eta erabagiko dira Batzar Nagusiontzat eraginik izan dagienean edo izan leikienean.

Bilbon, 1986.eko apirilaren 11n

Bizkaiko Batzar Nagusietako Lehendakariak,

Aurre eta Elorrieta´tar Anton-ek

4. ERANSKINA

BATZORDEKIDE EZ DIRAN BATZORDEEN BATZARRETAN BATZARKIDEAK EGOTEARI BURUZKO BATZAR NAGUSIETAKO LEHENDAKARITZAREN ERABAGI ARGIGARRIA

Bizkaiko Batzar Nagusiotako Araudiaren 24.2 atalak Lehendakaritza honeri emoten deutsazan ahalmenen arabera, eta Batzordekide ez diran Batzordeen batzarretan Batzarkideak egotea dala-ta, hurrengook izan beharko dira aintzakotzat aurrerantzean:

1.- Batzorde bakotxerako Batzarkideen ordezkotzak orain arte lez egingo dira, hau da, Batzar Nagusiotako Araudiaren 33.1 atalean ezarritakoaren arabera.

2.- Edozein Batzarkide egon leiteke Batzordeen batzarretan, baina hitzegiteko eta botua emoteko eskubide barik; horre-tarako, batzarra hasi orduko Batzordeburuari horren barri emotea izango da nahiko.

3.- Aurreko horretarako, batzar-geletako eraketa barriaz baliatuta, mahaiaren inguruan dagozan jarlekuez gain beste jar-leku batzuk ipiniko dira, aitatutako Batzarkideok egon ahal izan daitezan.

4.- Batzordeburuak behar izan daitezan erabagiak hartu leikez Batzordearen lanaren egokitasuna bermatzeko, eta Bat-zordean egon leitekezan Batzarkideen kopurua mugatu egin leike, Batzorderen baten batzarrera Batzarkide askok joan gura izateagaitik Batzordearen lanerako sortu leitekezan eragozpenak dirala-ta.

5.- Batzordekide ez diran Batzarkideek ez dabe batzarreratze-saririk jasoko Batzordeen batzarretara joateagaitik.

Bilbon, 1985.eko otsailaren 12an.

Bizkaiko Batzar Nagusietako Lehendakariak,

Aurre eta Elorrieta´tar Anton-ek

5. ERANSKINA

ARAUDIAREN 33.1 ATALAK AITATUTAKO BATZORDEKIDEEN ORDEZKOTZA-JAURPIDEARI BURUZKO BATZAR NAGUSIETAKO LEHENDAKARITZAREN ERA-BAGI ARGIGARRIA

Batzordekideen ordezkotza-jaurpidea Araudiaren 33.1 atalak arautzen dau. Edozelan be, orain artekoetan arazoak izan dira atal horrek dinoana ulertzerakoan, batez be batzar berean ordezkatuak zein ordezkoak parte hartu ahal izateari jagokonean.

Biok parte hartu ahal izatea onartu ezkero, ordezkotzaren arrazoia bertan behera geratzen da eta Batzordearen jarduera oztopatu egiten da, horrek zehaztasunik eza ekarriko leukelako eta, ondorenez, segurtasunik eza, bardin hitzegiteko txan-detan zein bozketean be.

Horretara, ordezkotza erabilgarria izan daiten, batzar guztirako izan daitela komeni da, eta ez aldi baterako edo dana dalako gaia eztabaidatzen dan bitarterako bakarrik, guzti horrek ez dauala ukatzen Araudiaren 33.3 atalak Batzarkide guz-tiei Batzordekide ez diran Batzordeen batzarretara joateko autortutako eskubidea.

Beraz, Lehendakaritza honek, Araudiaren 24.2 atalak emoten deutsazan ahalmenak erabilita, hurrengo erabagi argiga-rria hartzen dau

ERABAGI ARGIGARRIA

1.- Behin Araudiaren 33.1 atalak aitatutako ordezkotza eginda, ordezkotza horren indarraldia dana dalako batzarra amaitu artekoa izango da ondorio guztietarako, eta, beraz, ordezkatutako Batzarkideak ez dau batzar horretan hitzegiteko eta bozkatzeko eskubiderik izango.

Batzordekideak ezin leitekez behin baino gehiagotan ordezkatu batzar bakotxean.

2.- Aurreko lerroaldian aitatutakoaren ondorenetarako, Batzordeko batzarra bat eta bakarra dala ulertuko da Batzorderako Deian ezarritako Gai-Zerrendea agortu arte.

Bilbon, 1985.eko otsailaren 12an.

Bizkaiko Batzar Nagusietako Lehendakariak,

Aurre eta Elorrieta´tar Anton-ek

6. ERANSKINA

87/1. ERABAGI ARGIGARRIA

ZENBAIT KASU BEREZITAN BATZARRERATZE-SARIAK ORDAINTZEKO EGOKI-TASUNARI BURUZKOA

Orain arte, Araudiaren 15.1 atalean aitatutako batzarreratze-sariak dana dalako jardute-sailaren partaide izan eta batzarre-ratu izana sinesgarriro egiaztatu dabenei ordaindu izan jakez, kasu bereziren baten edo izan ezik.

Arau horretatik kanpo geratzen ziran beste kasu batzuk, horren ohizkoak ez ziranak. Hau da, badira Batzarkide batzuk, Araudiak ezarritakoari jarraituta, dana dalako jardute-sailaren partaide izan ez arren horren batzarretan parte hartzen dabe-nak eta badirudi hori ez datorrela bat Erakundearen zereginetan benetan eta sinesgarriro parte hartzen dabenentzako bat-zarreratze-sariak ezartzen dituan erizpideagaz.

Hutsune hori bete gurean, hurrengo Erabagia hartzen da:

ERABAGIA

Atal bakarra.-

1.- Batzordean aztertzeko zuzenketa-eskeak edo saloak aurkeztu eta aurkeztutakoaren aldezpena egiteko batzordera joan daitezan Batzarkideek, berez Batzorde horretako Batzordekide izan ez arren, Batzordean izateagaitik jagokezan sariak jasoteko eskubidea izango dabe, diruegitamuetan ezarritakoaren arabera.

2.- Aitaturiko parte hartze hori batzar-agirian agertuko da, eta sari-ordainketaren etorria zuritzeko balioko dau.

Bilbon, 1987.eko otsailaren 19an.

Bizkaiko Batzar Nagusietako Lehendakariak,

Aurre eta Elorrieta´tar Anton-ek

7. ERANSKINA

BIZKAIKO BATZAR NAGUSIETAKO BILBOKO EGOITZA ERABILTEKO ERIZPI-DEAK

[C-IV-10. (a) BBNLA, 1992.eko maiatzaren 20koa]

Bizkaiko Batzar Nagusietako Mahaiak, aurtongo Maiatzaren 8an izandako bileran, Lehendakariaren saloz eta aurtongo apirilaren 30ean Taldeburu-Batzarrak emondako eritxia entzunda, "Bizkaiko Batzar Nagusietako Bilboko egoitza erabilteko erizpideak" zehaztea erabagi eban, hurrengo era honetara:

Gaur egun Bilboko Licenciado Poza kaleko 15. zenbakiko 4. solairuan dagoan Batzar Nagusietako administrazio-egoitzan egiten dira Erakundearen ekintzarik gehienak.

Sarritan esan danez, egoitza horren egoerea dala-ta gaur egun ezin leitekez erosotasunez egin Batzar Nagusien jardu-te-sailen lanak: Mahaia, Taldeburu-Batzarra eta Batzordeetakoak. Horrez ganera, ezin leiteke ahaztu Batzarkide-Taldeei izendatutako lekurik gehienetan estutasuna eta erosotasunik eza dala nagusi.

Gaur eguneko egoereak ahalik eta gitxien iraun dagian borondaterik sendoenagaz eta Lehendakari izateko ohorea da-mostan Erakundearen duintasunari jagokon administrazio-egoitza izan arte, Lehendakaritza honek ondo eritxi deutso egoit-za erabilteko erizpideak zehaztu eta ezaguterazoteari, bere ohizko erabiltzaileek, edo banaka edo taldeka erabiltea eskatu leikienek, horren barri izan dagien.

Batzar Nagusiok Bilbon dauken egoitza Batzarretako jaurpide-sailek euren lana atondu ahal izan dagien egokitu gurean, Batzarkide-Taldei autortutako betebeharrak errezteko asmoaz eta Erakunde honezaz kanpokoek, banaka zein taldean, egoitza erabili gura leikiela ikusita, hurrengoa erabagi dau Lehendakaritza honek:

ERABAGIA

I.- Batzar Nagusiek Bilbon daukiezan etxe eta eraikinak ez dira izango Erakundearen jardute-sail eta langileek erabilteko baino. Horretarako egitaraututako ekintza-egutegia arauz eta alkarkidetzan burutzea bermatzeko neurriak hartuko dira.

Batzarkide-Taldeei beren-beregi izendatutako lekuak Taldeoi araudiz jagokezan betebeharrak egiteko dirala ulertzen da.

Batzarkide-Taldeei beren-beregi izendatutako leku ez izanik, Taldeok zein Batzar Nagusietatik kanpoko lagun edo era-kundeek eskatu leikiezan guztientzako tokiak, horretarako eskatutako baimena izan ostean baino ezingo dira erabili, beti be Batzar Nagusietako lanak eragozten ez badira.

II.- Batzarkide-Taldeek erabili egin leikiez guztientzako tokiok, araudian zehazten jakezan betebeharretarako.

Guztientzako lekuotarikoren bat erabiltea eskatu dagian Taldeak erabili baino hiru egun arinago jakinerazo beharko deutse asmo hori Batzarretako Zerbitzuei, prentsaurrekoa danean izan ezik, horretarako aurretiz jakinazotea beharrezkoa izango ez dala. Edozelan be, erabilteko aukerea erakundaren beharrizanen pentzu geratuko da.

Bi edo gehiago badira eskaria egin dagien Taldeak, aukera-bardintasunez jokatuko da, eta eskaria lehenengo aurkeztu-takoek lehentasuna izango dabe.

III.- Batzar Nagusietatik kanpoko norbanakoek zein Taldeek, bardin politika, lan edo gizarte-arlokoak izan, Batzar Nagusien jabetzapeko lekuak erabilteko egin dagiezan eskabideak onartzeko, beharrezkoa izango da antolatutako ekintzak interes orokorrekoak izatea.

Baimen hori lortzeko, ekintzaren antolatzileek, bultzatzileek edo legezko ordezkariek, hamabost egutegi-eguneko aurre-rapenaz eskatu beharko dabe baimena, eskari horretan eguna, ordua iraupena eta gai-zerrendea zehaztuta. Eskariari buruz beren-beregi erabagiko dabe Batzar Nagusiek.

Bilbon, 1992.eko maiatzaren 11n.

Bizkaiko Batzar Nagusietako Lehendakariak,

Aurre eta Elorrieta´tar Anton-ek

8. ERANSKINA

1990.EKO EKAINAREN 6KO ARAUDI ETA JAURPIDERAKO BATZORDEAREN ERABAGIA

Araudi eta Jaurpiderako Batzordeak, 1990.eko ekainaren 6an izandako bileran, hurrengoa erabagi eban:

Erabagia: "Mahaikoen eta Talde bakotxak izendatutako jarduera nagusiko Batzarkide bakotxaren diru-ordainketak onart-zea, Euzko Abertzaleak, Socialistas Vascos, Eusko Alkartasuna eta Euskadiko Ezkerra Batzarkide-Taldeetako eta Talde Bereziko Taldeburuek izenpetutako 460. sarrera-zenbakidun idatzian zehaztutakoaren arabera. Aitatutako idatzi hori Batzar-Agiri honegaz batera doa."

ERANSKINA

1990.eko ekainaren 1etik aurrera Mahaikoen eta Talde bakotxak izendatutako jarduera nagusiko Batzarkide bakotxaren diru-ordainketak hurrengook izango dira:

- Lehendakariarentzat (*) Pzta.

- Lehendakariordeentzat (*) Pzta.

- Idazkarientzat (*) Pzta.

- Talde bakotxak izendatutako

Batzarkide bakotxarentzat (*) Pzta.

Kopuruok urteko ordainketa gordinak izango dira eta barruan dagoz Batzar Nagusietako zein Batzordeetako batzarre-ratze-sariak zein joanetorriakaitikoak.

(*) Diru-kopuruok urterik urte egokitu egiten dira Batzar Nagusiek onartutako Diruegitamuaren arabera.

Bilbon, 1990.eko ekainaren 6an.

Bizkaiko Batzar Nagusietako Lehendakariak,

Aurre eta Elorrieta´tar Anton-ek

9. ERANSKINA

BATZAR NAGUSIEN OSOKO BATZARREK DIRAUEN ARTEAN GERNIKAKO BAT-ZAR-ETXEAREN ESPARRURA SARTU AHAL IZATEARI BURUZKO ARAUAK

[C-I-01. (a) izeneko BBNLA, 1995.eko azaroaren 9koa]

Batzar Nagusien Araudiaren 52. atalak erakundeak egin leikezanen artean hiru batzar-mota zehazten ditu: isilpeko ba-tzarrak, ateak itxita egindakoak eta jendaurrekoak, Batzarretara sartzeko mugarik gehien isilpekoetan dagoala eta gitxien jendaurrekoetan.

Isilpeko Batzarrrak bereziak dira eta Osoko Batzarren kasurako baino ez, beti be, Osokoak, 52. atalean zehaztutako baldintzak beteta, halan egitea erabagiko baleu. Batzarrotara ezin leiteke Erakunde honetakoa ez dan inor sartu.

Ateak itxita egindako Batzarrak Batzordeen kasurako dira, baina baita Osoko Batzarretarako be, beti be Araudian eska-tutako gehiengoak onartuta badago batzarra holan egiteko erabagia. Ateak itxita egindako batzarretara (bardin Batzar Na-gusiotan zein Eusko Legebiltzarrean) batzarkideak eta kazetariak joan leitekez, baina ez beste inor.

Jendaurrekoa da hirugarren batzar-mota, batzar bereziren baterako beren beregi bestelakorik erabagi ezean, Batzar Nagusietan ohikoenak diranak.

Azken batzar-mota hori arautu gura dau Taldeburu-Batzarraren erabagi honek.

Batzarrak jendaurrekoak izateak ez dau esan gura batzarrotara jendea erabidez joatea atontzeko araurik egon behar ez dauanik. Holakoetan Legebiltzarrek arauak emonda atondu ohi dabe batzarretara joan ahal izatea, hurrengoak kontuan izanik: leku-mugak, batzar-gelako bakea eta Batzarren erabidea.

Horrela bada, Batzar Nagusiotako Araudiaren 24.2 atalean oinarrituta, Lehendakariaren saloz eta urriaren 27an izanda-ko Mahaiaren eta 1995.eko urriaren 30ean izandako Taldeburu-Batzarraren oneritxiagaz, hurrengo arauok ezarten dira Batzar Nagusien osoko batzarrek dirauen artean Gernikako Batzar-Etxearen esparrura sartu ahal izateari buruz:

1.- Batzarkideak batzarkidetasuna egiaztatzeko txartela edo batzarkidetasun hori egiaztatu dagian beste edozein agiri erakutsita sartu leitekez Gernikako Batzar-Etxera.

2.- Batzarretara joan gura dagien kazetariek kazetari-txartel egiaztatua agertu beharko dabe Batzar-Etxera sartzeko. Batzar Nagusiei buruzko barriak emon ohi dabezanei jendaurreko batzar guztietara joateko agiria emongo jake.

3.- Batzar Nagusietako administrazio-zerbitzuetako langileek hori dirala egiaztatu beharko dabe sartu orduko.

4.- Edozein beste lagunek Osoko Batzarrek dirauen artean Batzar-Etxera sartu gura badau, dana dalako batzar bakar baterako eta lagun horrentzat baino balioko ez dauan konbitea beharko dau. Konbitea sarreran erakutsi eta zainda-ritza-zerbitzukoen eskuetan itxi beharko dau, Etxetik urten gura izan ezkero konbitea itzuli egingo jakola.

5.- Batzarkide-Talde bakotxarentzat be konbiteak egongo dira: konbite bi Batzarkide bakotxeko.

6.- Foru Aldundiak be konbiteak eskatu leikez batzarrean aztertutakoagaz lotutako herri-kargu edo langileentzat.

7.- Lehendakaritzak be ondo eritxitako konbite-kopurua izan leike, Batzarretara agintariak edo osterantzeko herritarrak joan daitezan.

Bilbon, 1995. eko urriaren 31n.

Bizkaiko Batzar Nagusietako Lehendakariak,

Aitor Esteban Bravok

10. ERANSKINA

LEHENDAKARITZAREN ERABAGI ARGIGARRIA, BIZKAIKO BATZAR NAGUSIE-TAKO ARAUDIAREN 38. ATALARI BURUZKOA

[C-I-02. (a) izeneko BBNLA, 1995.eko azaroaren 9koa]

Bizkaiko Batzar Nagusietako Araudiaren 14.3 atalak Aldun Nagusiaren eta Foru Aldunen batzorderatzea eskatzeko aukera emoten deutse Batzarkide-Taldeei. Eskari hori Mahaiari urkeztu beharko jako, Mahaiak Foru Aldundiari eta gaiari joakon Ba-tzordeko Batzordeburuari bialduta bideratu dagian. Era berean Foru Aldunek euren kabuz be eskatu leikie Batzar Nagu-sietan batzorderatzea, Araudiaren 38.3 atalean zehaztutakoaren arabera.

Besteren batzuk Batzar Nagusietara batzorderatzeari buruz 38.2 eta 38.4 atalek egiten dabe berba. Atalotariko lehe-nengoak Aldunei ez eze Sailetako langileei be batzorderatzeko eskatu leikiela dino, eta bigarrenak "Batzar Nagusietatik kanpoko beste batzuei be deitu leikiela".

Azpiatal biok dagoz III. Atalburuaren I. Sailean (Arau Orokorrak), Batzorderatzeei joakenean. Testua irakurtetik atara lei-tekeanez, 38. atalean Batzordeak ondo eritxitakoei batzorderatzeko eskaria egiteko ahalmena aitatzen da. Hau da, batzor-deratzeko eskaria bozketa bidez Batzordeak berak hartutako erabagia izango da, eskariaren sorburua Batzordeak, Araudia-ri jarraituz, eztabaidatzeko ekarritako ekimenen batek eragindakoa izango dala.

Foru-Sailetakoak ez diran lagunak batzorderatzea eskatuz Mahaiari hainbat eskari heldu jakonez, ondo eritxi deutsagu Araudiaren 38 atalaren 1, 2 eta 3. azpiatalek zer esan gura daben argiago adierazteari. Guzti hori Batzarkide-Taldeek horre-lako ekimenak aurkezteko dauken eskubidea galerazo barik egitea gura da, baina eskaria Batzordeen barruan eginez, holan jokatuta eskaria bera be arinago bideratuko da-ta.

Guzti horregaitik, hurrengo izaera orokorreko erabagia onartzen da, Lehendakariaren Saloz Batzar Nagusietako Ma-haiak 1995.eko urriaren 27an eta Taldeburu-Batzarrak 1995.eko azaroaren 3an erabagitakoaren arabera:

ERABAGI ARGIGARRIA

1.- Batzar Nagusietako Batzordeek batzorderatzeko eskaria egin leikie 38. ataleko 2. eta 4. azpiataletan zehaztutakoei 38. atalaren 1. azpiatalean agertzen diran argipideak eskatzeko. Horretarako Batzordera ekarritako ekimenen bat eztabaidatze-tik ataratako batzorderatze-eskaria aurkeztu leikie Batzordekideek eztabaidaren amaieran. Aztergaian gehiago sakontzeko arestian aitatutako ataletan agertzen diran lagunak batzorderatzeko eskaria izango da.

2.- Eskari horretaz Batzordekideen arteko bozketa bidez erabagi beharko da Batzordeko Gai-Zerrendako hurrengo aztergai-ra joan aurretik.

3.- Eskaria onartu ezkero, Batzordeburuak Batzar Nagusietako Mahaiari igorriko deutso, Mahaiak bideratu dagian.

Bilbon, 1995.eko azaroaren 6an.

Bizkaiko Batzar Nagusietako Lehendakariak,

Aitor Esteban Bravok

11. ERANSKINA

BIZKAIKO BATZAR NAGUSIETAKO HITZALDI-ARETOA ERABILTEKO ERIZPI-DEAK

[C-I-18. (a) izeneko BBNLA, 1996.eko ekainaren 4koa]

Batzar Nagusietako Mahaiak 1996.eko maiatzaren 31n izandako bileran "Bizkaiko Batzar Nagusietako Hitzaldi-Aretoa era-bilteko erizpideak" onartzea erabagi eban. Hurrengook izango dira erizpideak:

1.- Hurtado de Amezaga kaleko 6.ean dagoan etxeko behe solairuko Bizkaiko Batzar Nagusietako Hitzaldi-Aretoa, Bat-zarkide-Taldeek zein legez eratutako bestelako erakunde, iraskunde edo alkarteek erabili leikie.

2.- Aretoa erabili gura dagien Batzarkide-Taldeek Batzar Nagusietako Lehendakaritzari jakinerazo beharko deutsoe era-bili baino hiru egun arinago gitxienez, beti be ordurako beste inork hartuta ez badago.

3.- Erakundeek eta gizarte eta kultura-iraskundeek heziketa, kultura edo zabalkunde-ekintzetarako eskatu leikie aretoa erabilteko baimena. Baimen hori lortzeko idatzizko eskaria egin beharko deutse Batzar Nagusiei dana dalako ekint-za izan baino zazpi egun arinago gitxienez. Eskaria Lehendakaritzari zuzenduko jako, hurrengook beren-beregi ze-haztuaz:

a.- Antolatzailearen edo suspertzailearen izena eta gizarte-helbidea.

b.- Erakunde erabiltzailearen ordezkari izan eta aretoa ondo erabiliko dan erantzukizuna bere gain hartuko dauana-ren izena eta ENA.

c.- Ekitaldiaren eguna, ordua, iraupena eta gaiaren laburpentxoa. Eskariari buruzko erabagia Batzar Nagusietako Lehendakaritzak beren-beregi hartuko dau.

4.- Aretoa erabilteko ordu-muga gaueko 10etara artekoa izango da.

5.- Aretoa inola be ezin izango da prentsaurrekoak emoteko erabili.

Bilbon, 1996.eko maiatzaren 31n.

Bizkaiko Batzar Nagusietako Lehendakariak,

Aitor Esteban Bravok

12. ERANSKINA

1997.EKO EKAINAREN 23KO BIZKAIKO BATZAR NAGUSIETAKO LEHENDAKA-RITZAREN ERABAGI OROKORRA, AGINPIDE-ARAZOEK EBAZPEN-BATZORDEAN IZAN BEHAR DABEN BIDERAKETA DALA-TA

[C-I-07. (a) izeneko BBNLA, 1997.eko ekainaren 24koa]

ARRAZOIPIDEAK

Ebazpen-Batzordearen izaerea zehaztuta agertzen da Gernikako Autonomi Estatutoaren 39. atalean. Atal horren arabera, Autonomi Elkarteko Erakundeen eta Jatorrizko Lurraldeetako Erakundeen artean sortu daitezan aginpide-auziak Legebiltza-rrak onartu dagian Lege batek ezarritako jardunbidearen arabera konpontzea izango da Ebazpen-Batzordearen zeregina.

Estatutoak ohartemoten dauan hori garatzeko onartutako ekainaren 30eko 1994/13. Legeak Ebazpen-Batzordea araut-zen dau eta jardunbide-mota bi ezarten ditu: "aginpide-arazoak" eta "aginpide-auziak".

Jardunbide biotatik "aginpide-arazoak" dira Batzar Nagusiengan eragin zuzena daukenak, alde batetik arazoen gaia da-la-ta (Legegai, Araugai, Lege-Salo eta Arau-Saloak dirala-ta aurkeztu leitekezalako), eta beste batetik, Batzar Nagusiek holako arazoren bat aurkeztu leikielako edo Batzar Nagusiei eurei be halakorik aurkeztu dakikielako, bideraketan dagoan Araugai edo Arau-Saloren bat dala-ta.

Ebazpen-Batzordea 1996.eko abenduaren 23an geratu zanez eratuta, Ebazpen-Batzorde horretara jo gura izan ezkero edo Batzar Nagusiek bideratutako zerbait dala-ta beste inork Batzordera jo ezkero Batzar Nagusiek jarraitu beharreko jar-dunbide egokia zehaztea falta da. Eusko Legebiltzarrak dagoaneko zehaztuta dauka hori Legebiltzarreko Lehendakaritzak 1997.eko otsailaren 25ean emondako Erabagiaren bitartez, hil bereko 28an Legebiltzarreko Aldizkari Ofizialean argitaratu-takoa.

Orain arte ez danez bideratu ezetariko aginpide-auzi edo arazorik Ebazpen-Batzordean, beharrezkoa izango da holako-rik aurkeztu eta ebatzi daitenean izango dan bideraketeari jaramon egin eta hurrengoetan be halaxe jokatzea. Horrela, bada, hemen ezarten dogun jardunbidearen arauketa Ebazpen-Batzordea arautzeko legean agertzen dana da, Batzorde horren benetazko lanak ekarriko dauan jardunbidearen pentzutan geratzen garala.

Guzti horregaitik, bada, Bizkaiko Batzar Nagusietako Lehendakariak, Araudiaren 24.2. atalean ezarritakoaren arabera eta Mahaiaren eta Taldeburu-Batzarraren aldezko eritxia 1997.eko maiatzaren 15ean eta ekainaren 23an hurrenez hurren izandako bileretan jaso ondoren, hurrengo Izaera Orokorreko Erabagia emotea ebatzi dau:

1 atala.- Erabagiaren helburua

Hurrengo hau da Erabagiaren helburua:

a) Eusko Legebiltzarrean bideratutako Legegai eta Lege-Saloak dirala-ta aginpide-arazoak egoteagaitik Batzar Nagu-siek Ebazpen-Batzordera joteko izan behar daben jardunbidea arautzea.

b) Bizkaiko Batzar Nagusietan bideraketan dagoan Araugai edo Arau-Saloren bat dala-ta aginpide-arazoa agertu daite-nean Batzar Nagusiok zelango neurriak hartu behar dabezan zehaztea.

2. atala.- Aginpide-arazoak aurkezteko epea.

1.- Legegai edo Lege-Saloak dirala-ta aginpide-arazoak aurkezteko epea hogei egutegi-egunekoa da, Legebiltzarreko Al-dizkari Ofizialean argitaratu daitezan egunaren biharamonetik harakoa, edo, ostantzean, hamabost egunekoa, ekimena preminazko bideraketaz eroan bada.

Aginpide-arazoak aurkeztu edo bideratzeko berez eta beste barik izango dira erabilgarri Batzar Nagusien batzarraldien tarteko sasoiko egunak be.

Eusko Legebiltzarreko Aldizkari Ofizialean argitaratu daitezan Legegai edo Lege-Saloen barri izateko Batzar Nagusieta-ko Idazkaritzak behingoan eta ofizioz banatuko deutsez Batzarkide-Talde guztiei lege-ekimenok argitaratzen dabezan Aldiz-kariak. Edozelan be, aginpide-arazoa aurkezteko epeak aurreko lerroaldian aitatutakoak izango dira.

Era berean, Foru Aldundiari be bialduko jakoz aurrekook, Aldundiak be aginpide-arazorik aurkezteari komenigarri eritxi-ko baleutso aztertu dagian.

2.- Ekimena, dana dalakoagaitik, Eusko Legebiltzarreko Aldizkari Ofizialean argitaratu beharrean jakinerazo egin dakienean Legebiltzarkideei, aurreko azpiatalean esandako hogei eguneko eta hamabost eguneko epeak zenbatzen hasteko Batzar Nagusiei egin dakien aldibereko jakinerazpena jaso daiten egunaren biharamona izango da lehenengo eguna.

Jakinerazpen hori Batzar Nagusietako Idazkaritzan sartu daiten egun berean Legelari Nagusiak behingoan eta ofizioz igorriko deutse ekimena Batzarkide-Talde guztiei eta Bizkaiko Foru Aldundiari.

3. atala.- Gaitasuna eta jardunbidea

1.- Batzarkide-Taldeek izango dabe Eusko Legebiltzarrean bideraketan dagoan Legeai edo Lege-Saloren bat dala-ta agin-pide-arazoa Ebazpen-Batzordean aurkeztu daitela Batzar Nagusiei eskatzeko gaitasuna.

2.- Horretarako Batzarkide-Taldeek hamar eguneko epea izango dabe eskari-idatziak aurkezteko, epe hori Eusko Legebilt-zarreko Aldizkari Ofizialean ekimena argitaratu osteko egunean edo, bestela, ekimen hori arestian aitatutako 2.2 atalean esandako jakinerazpena egin dakien egunaren biharamonean hasiko dala. Legegai edo Lege-Saloak preminazko biderake-ta izan dagianean sei egutegi-egun izango dabez Batzarkide-Taldeek idatziok aurkezteko.

3.- Ebazpen-Batzordean aginpide-arazoa aurkezteko eskari-idatzian zehatz eta argi adieraziko da Batzarkide-Taldearen ustez zein dan erasotako aginpidea eta zein Legegai edo Lege-Salo dan. Era berean, eskaria aurkezteko dagozan arra-zoiak be labur adieraziko dira, ustez zein lege-atali erasoten jakon aitatuta.

4.- Batzar Nagusietako Mahaia, arazoa aurkezteko epeak bermatuta geratu daitezan, behingoan batzartuko da, Batzarkide-Taldeek aurkeztutako idatziak sailkatu eta, halan eritxi ezkero, bideraketarako onartzeko. Mahaiak ez ditu bideraketarako onartuko aginpide-arazorik erakutsi ez dagien idatziak edo behar besteko arrazoiketarik izan ez dagienak, edo, aurreko atalean aitatzen dan lez, zein lege-atali erasoten jakon aitatu barik itxi dagienak.

Bideraketarako ez onartzeko erabagiaren aurka berraztertze-eskea aurkeztu leiteke jakinerazpena jaso osteko egutegi-egun bietan. Mahaiak, Taldeburu-Batzarrari entzun ostean, behin-betiko erabagia emongo dau, aurreko lerroaldian aitatuta-ko preminazkotasun berberagaz.

4. atala.- Aginpide-arazoak Ebazpen-Batzordeari aurkezteko sail aginpideduna

1.- Aginpide-arazoa aurkeztea eskatzen dauan idatzia bideraketarako onartuta, behingoan egingo da Batzar Nagusirako edo Araudi eta Jaurpideko Batzorderako deia, Batzar Nagusietako lan-egutegia kontuan hartuta Mahaiak onartutako bide-raketa-eraren arabera. Osokoan zein Batzordean eztabaidatu eta erabagi egingo da aginpide-arazoa edo arazoak aurkez-teaz.

Batzarraldi edo agintaldi bitartean izan ezkero, arazoa Bizkaiko Batzar Nagusietako Batzar Iraunkorrean bideratuko da.

Aginpide-arazo horreez eztabaidatzeko Batzar Nagusietako sail aginpidedunaren bilera egiteko epe-muga egongo da, gitxienez be Ebazpen-Batzordeari aginpide-arazoa aurkezteko Erabagi honen 2.1 atalean esandako muga-eguna baino hiru egutegi-egun aurreragokoa hain zuzen.

2.- Hurrengo hau izango da eztabaida-bidea:

a) Lehenego eta behin aginpide-arazoa aurkeztea eskatu dauan Batzarkide-Taldeak 10 minutuko berbeta-txanda izango dau. Talde eskegileak bat baino gehiago badira, idatziak Idazkaritza Nagusian aurkeztutako hurrenkerearen arabera egingo dabe berba.

b) Horren ostean osterantzeko Batzarkide-Taldeek izango dabe aurkeztutakoaz eritxia emoteko 10 minutuko berbeta-txanda.

c) Lehenengo txandok amaituta Batzarkide-Talde bakotxarentzako bost minutuko bigarren txanda zabalduko da eta, hori amaitu ostea, Lehendakariak eztabaida amaitutzat joko dau eta bozketa egitea aginduko dau.

3.- Aginpide-arazoa aurkezteko eskari guztiak bozkatuko dira -aurkeztutako hurrenkera berean- aurrerago onartutakoren baten aurka ez badoaz edo onartutakoren baten barruan sartuta ez badagoz behintzat.

4.- Aginpide-arazoa Bizkaiko Foru Aldundiak edo Araba eta Gipuzkoako Jatorrizko Lurraldeetako Foru-Erakundeek aurkez-tua bada, Bizkaiko Batzar Nagusiak be parte hartzaile lez agertu leitekez Ebazpen-Batzordeak horretarako emondako epe barruan, atal honen aurreko azpiataletan esandako jardunbide berbearagaz guztian, Ebazpen-Batzordea aginpide-arazoa aurkeztu jakola dinoan jakinerazpenari jagokonean izan ezik, jakinerazpen hori izango da-ta atal honetan 1. zenbakidun azpiatalean aitatzen dan aurkezpen-idatziaren ordezko.

5.- Arrazoipideak eskatzeko, hutsak zuzentzeko edo Batzar Nagusien eritxia behar daiten edozertarako arazoa aztertu dauan Batzar Nagusietako Saila izango da Ebazpen-Batzordeagazko bitartekari, beti be Bizkaiko Batzar Nagusietako Le-hendakariak horretan izan dagizan aginpideen kalterako izango ez dala.

Bizkaiko Batzar Nagusiek aginpide-arazoa aurkeztea onartu ostean, Batzar Nagusietako Lehendakariak egun berean jaki-nerazoko deutso erabagi hori Eusko Legebiltzarreko Mahaiari, aginpide-arazoa aurkeztea ekarri dauan lege-ekimenaren legebiltzarreko bideraketa etetea erabagi dagian, Ebazpen-Batzordea arautzeko 1994/13. Legearen 52. artikuluan agertzen diran kasuetan izan ezik.

5. atala.- Aginpide-arazoa aurkeztu ostean bideraketatik kentzeko erabagia.

1.- Bizkaiko Batzar Nagusiek Ebazpen-Batzordeari aurkeztutako edozein aginpide-arazo bideraketatik kentzea erabagi leikie, horretarako beren beregiko Erabagia hartuta, beti be Ebazpen-Batzordeak arazoari buruzko ebazpena emon aurretik.

Erabagi hori hartzeko hurrengo hau izango da jardunbidea: Batzar Nagusietako aginpidedun sailean onartutako aginpi-de-arazoa aurkeztu daben Batzarkide-Taldeek edo, bestela, guztirako Batzarkideen hirurenak, aurkeztutako aginpide-arazo hori bideraketatik kentzeko idatzia egin beharko dabe, Batzar Nagusietako Mahaiak sailkatu, bideraketarako onartu eta Batzar Nagusirako Gai-Zerrendan sartu egin beharko dau, aurreko atalean zehaztutako eztabaida izan dagian. Eztabaida amaituta, bozketapean ipiniko da ea Batzar Nagusiek aurkeztutako aginpide-arazo hori bideraketatik kentzeko Erabagia hartzen daben ala ez.

2.- Bideraketatik kentzeko eskari-idatziaren aurkakoa bada bozketaren emaitza, idatzia aurkeztu daben Batzarkide-Taldeek ezin leike holako besterik aurkeztu.

Articulo 6.- Foru-Araugaiak edo Arau-Saloak dirala-ta aurkeztutako aginpide-arazoak.

1.- Bizkaiko Foru Aldundiak Batzar Nagusietara bialdutako Araugaiak eta Batzar Nagusiak aintzakotzat hartzea erabagitako Arau-Saloak dirala-ta aginpide-arazoa aurkeztu leikie Eusko Legebiltzarrak eta Eusko Jaurlaritzak.

2.- Hogei egutegi-eguneko epea izango dabe aginpide-arazoa Ebazpen-Batzordeari aurkezteko, epe hori Batzar Nagusieta-ko Legezko Aldizkarian ekimena argitaratu osteko egunean hasita. Batzar Nagusietako Mahaiak ekimenak preminazko bideraketa izan dagiala erabagi ezkero, aginpide-arazoa aurkezteko epea hamabost egunekoa izango da.

3.- Ekimena, dana dalakoagaitik, Bizkaiko Batzar Nagusietako Legezko Aldizkarian argitaratu beharrean jakinerazo egin dakienean Batzarkideei, aurreko azpiatalean esandako hogei eguneko eta hamabost eguneko epeak zenbatzen hasteko Legebiltzarrari egin dakion aldibereko jakinerazpena heldu dakion egunaren biharamona izango da lehenengo eguna.

4.- Aldizkariok edo jakinerazpenok Legebiltzarrera edo Eusko Jaurlaritzara bialtzeko bide arin eta fidagarriak erabiliko ditue Batzar Nagusiek, bide bardinak izango dirala Batzar Nagusietara halakoak igortzeko aukeratutakoak.

Artículo 7.- Foru-Araugaiak edo Arau-Saloak dirala-ta aurkeztutako aginpide-arazoak aurkeztu izanaren ondorenak

1.- Dana dalakoak aginpide-arazoa aurkeztu eta egun berean Batzar Nagusietako Mahaiari jakinazo deionean, Batzar Na-gusietan ekimenak daroan bideraketa etenda geratzea aginduko dau Mahaiak, Ebazpen-Batzordea arautzeko Legearen 52. atalean esandakoetan izan ezik.

2.- Aginpide-arazoa bideraketarako onartu izanari buruzko jakinerazpenetik zenbatzen hasita Batzar Nagusietako Mahaiak, bere kabuz, bost egutegi-eguneko epea dauka Ebazpen-Batzordeari Batzar Nagusietako bideraketaren etena indar barik geratzea eskatzeko, eskari hori Batzarkideen gehiengoak egin beharko dauala. Kasu batean zein bestean eskari hori egite-ko dagozan arrazoi bereziak zeintzuk diran adierazo beharko da.

3.- Bideraketaren etena agindu zan unean egoan puntutik abiatuko da barriro hurrengo kasuotan:

a) Ebazpen-Batzordeak aginpide-arazoa onartezintzat jo dagianean.

b) Ebazpen-Batzordeak ekimenaren bideraketa etetea indarbakotu dagianean.

c) Ekimena indarrean dagoan legediagaz bat datorrela aldarrikatu daitenean.

d) Aginpide-arazoaren aurkezleak berak eskatzen badau aurkeztutakoa ez bideratzea.

4.- Ebazpen-Batzordeak ekimenaren ulertzepide eta zentzunezkotasunari kalterik egiten ez deutsala eritxita, Araugai edo Arau-Saloaren zati baten baino ez baleu indarbakotuko etena, Batzar Nagusietako Mahaiak, Taldeburu-Batzarrari entzunda, ondoen eritxitako erabagia hartuko leuke.

8. atala.- Araugaiak edo Arau-Saloak dirala-ta aurkeztutako aginpide-arazoei buruzko Ebazpenaren ondorenak.

1.- Arau-Saloa Autonomi Estatutoaren aurkakoa edo Elkarte osorako erakundeen eta foru-erakundeen aginpideak zehazten dabezan legeen aurkakoa dala ebatzi ezkero Ebazpen-Batzordeak, Batzar Nagusietako Mahaiak Ebazpen horren barri emongo deutso Batzar Nagusiari hurrengo saioan.

2.- Ebazpena Batzar Nagusiari iragarrita baztertutzat joko da ekimena. Ekimen horren zatiren bat Estatutoaren aurkakoa edo Elkarte osorako erakundeen eta foru-erakundeen aginpideak zehazten dabezan legeen aurkakoa ez dala ebazten badau Ebazpen-Batzordeak, zati horren bideraketa aurrera eroatea erabagi leike Osoko Batzarrak.

Estatutoaren aurkakotzat edo Elkarte osorako erakundeen eta foru-erakundeen aginpideak zehazten dabezan legeen aurkakotzat jo bako zatiaren bideraketari ekitea ea Batzarkide-Talderen batek gura dauan itaunduko dau Lehendakariak. Talderen batek gura baleu, bideraketeari ekiteko erabagia Batzar Nagusiak hartuko leuke. Dana dalako Arau-Saloaren bideraketeari ekitea erabagi ezkero, Mahaiak Saloa berregokitu eta barriro argitaratzea aginduko dau, eta atalei buruzko zuzenketa-eskea aurkezteko epea zabalduko da.

Mahaiak ez ditu onartuko Estatutoaren aurkakotzat edo Elkarte osorako erakundeen eta foru-erakundeen aginpideak zehazten dabezan legeen aurkakotzat jotako zatiak barriro sartzea gura dagien zuzenketa-eskeak.

3.- Dana dalako Foru-Araugaia Autonomi Estatutoaren aurkakoa edo Elkarte osorako erakundeen eta aginpideak zehazten dabezan legeen aurkakoa dala ebatzi ezkero Ebazpen-Batzordeak, Bizkaiko Foru Aldundiaren Jaurtze-Batzarrak baztertut-zat joko dau Araugai hori, Batzordeak emondako Erizpena guztiz onartu bada izan ezik, hori gertatu ezkero aurreko 1 eta 2. zenbakidun azpiataletan ezarritako bideraketa egingo da-ta.

Azken Erabagia .- Indarreratzea:

Erabagi hau Bizkaiko Batzar Nagusien Legezko Aldizkarian argitaratu daiten egunaren biharamonean indarreratuko da.

Bilbon, 1997.eko ekainaren 23an.

Bizkaiko Batzar Nagusietako Lehendakariak,

Aitor Esteban Bravok

13. ERANSKINA

BIZKAIKO BATZAR NAGUSIEN LEHENDAKARITZAREN ERABAGI

ARGIGARRIA, GERNIKAKO BATZAR-ETXEKO BATZAR-ARETOAN

BATZARKIDEEK BEHIN-BEHINGOZ IZANGO DITUEN JARLEKUEI

BURUZKOA

[C-I-01. (a) izeneko BBNLA, 1999.eko uztailaren 14koa]

Indarrean dagoan Batzar Nagusien Araudiaren 29. Atalaren arabera, ezer baino arinago Taldeburu-Batzarrari entzun behar jako "Osokoetarako Batzar-Gelan jarlekuen banaketa egiteko, baita Gernikako Batzar-Etxean eta Batzar Nagusien administrazio-egoitzetan Batzarkide-Talde guztientzako gelak banatzeko be". Horri buruzko erabagia Mahaiak hartuko dau Araudi beraren 23. Atalaren 1.1) azpiatalaren arabera.

Edozelan be, ondo argi geratu bedi eze orain nire Lehendakaritzapean dagoan Erakunde honek dagoaneko bete dituan bost agintaldietan inoiz apurtu bako ohiturea izan dala Batzarkide-Taldeak eratu aurretik egin beharreko Osoko Batzarretan Batzarkide bakotxari jagokon behin-behineko jarlekua eta jarleku-taldea bere alderdiak aurreko agintaldian Batzarkide-Talde lez eukanetako bat izatea ezinbestean, izan be, Batzarkide-Taldeak eratu barik dagozanez, ezinezko da-ta jarlekuen eta ostantzekoen banaketa egiteko Araudiaren 29. Atalak eskatzen dauan Taldeburu-Batzarrik egitea.

Dana dala, inoiz apurtu bako ohitura horren inguruko araurik egon ete dagoan eta, egon badago, zertan dan eta norai-nokoa dan-eta zalantzaren batzuk sortu dira, nonbait.

Hori guztiori kontuan izanik, Erakunde honen jokabidearen ildoak emoten dabezan idatzizko zein ohiturazko arauok aintzat hartuta eta aitatutako zalantza hori egon dagoala-eta arazorik egon ez daiten ez dagoaneko deituta dagozan Batza-rretan, ezta behin-behineko egoera honetan egin behar izan daitezanetan be, horregaitik gutziagaitik, bada, hurrengoa

ERABAGITEN DOT

Araudiaren 10. atalak egintzen dauana bete eta Batzarkideen Alkartezintasunari buruzko Erizpenaz ebazteko dagoaneko deituta dagoan hurrengo Batzar Nagusian zein Taldeburu-Batzarra eratu eta indarrean egon aurretik egin behar izan daiten beste edozein Batzar Nagusitan be -Batzar Nagusiok inoiz apurtu ez daben ohitureari jarraiturik- Batzarkide ba-kotxari jagokon behin-behineko jarlekua eta jarleku-taldea bere alderdiak aurreko agintaldian Batzarkide-Talde lez eukane-tako bat izan daitela.

Bilbon, 1999.eko uztailaren 13an.

Bizkaiko Batzar Nagusietako Lehendakariak,

Aitor Esteban Bravok

14. ERANSKINA

BATZORDEKIDE EZ DIRANEK BATZORDEETAN BERBA EGITEKO, BAINA BOTU-ESKUBIDE BARIK, ARAUDIAREN 33.3 ATALEAN EZARRITAKO ESKUBIDEARI BURUZ BATZAR NAGUSIETAKO LEHENDAKARITZAREN ERABAGI ARGIGARRIA

[C-I-02. (a) izeneko BBNLA, 1999.eko azaroaren 16koa]

Indarrean dagoan Batzar Nagusiotako Araudiaren 33.3 atalak hurrengoa hau dino: "Batzarkideak jagokezan Batzordeetara ez ezik beste batzuetara be joan leitekez, eta eurok aurkeztutako zuzenketa-eske edo saloak izan ezkero Batzordean berba egiteko eskubidea autortzen jake, baina botu-eskubide barik."

Lehenengo zatiaren zentzua eta ulertzeko modua argitzeko eta horko horretan Batzarkideei autortzen jaken eskubidea egokitasunez zehazteko, 1985. urtean egin zan horren inguruko Erabagi Argigarria, zenbait alderdi fisikori jagokona egune-ratu ezkero oso-osoan balio dauana. Beste alde batetik, 1987. urtean Lehendakaritzaren beste Erabagi Argigarri bat egin zan, goian aitatutako araudi-atal horren bigarren zatian sartzen diran Batzarkideak batzarreratze-sariak jasoteko eskubidea badaukiela zehazteko eta euren parte hartzeak batzar-agirian agertu behar dauala adierazoteko.

Hata guzti be, bigarren zati horren barruan sartzen diran kasuak zeintzuk diran mugatzerakoan zalantza batzuk izan di-ra, bertan agertzen dan "saloak" hitza nahiko zehaztugabea dalako ekimen batzuk eta besteak sailkatzeko orduan eta hola-ko kasuak neurtzerakoan erabili ohi izan dan malgutasuna be halakoa izan dalako.

Azken urteotan holakoetarako erabilitako joerean oinarrituta, jokabide orokor bat ezarri leiteke, eta horren arabera ez di-ra holako kasutzat hartu Araudiak ezarritakoari jarraituta Taldeen izenean bakar-bakarrik aurkeztu leitekezan ekimenak (14. atalaren 3. azpiatalaren eta hurrengoen araberako batzorderatze-eskeak eta Batzordean bideratu daitezan Arauz Besteko Saloak, 153 eta 154 ataletan ezarritakoari jarraituta). Beste kasu batzuk, ostera, ez dirudi jokabide horretan sartu leitekeza-nik.

Beraz, eta Batzar Nagusiotako Araudiaren 24.2 atalak Lehendakaritza honeri emoten deutsozan ahalmenen arabera, hurrengo Erabagi Argigarria hartu da:

ERABAGI ARGIGARRIA

Atal bakarra.- Batzordekide ez diranek dana dalako Batzordean eztabaidatzeko aurkeztutako ekimenen inguruan Araudia-ren 33.3 atalean autortutako berba egiteko eskubidea -boto-eskubide bakoa- ez da erabilgarri izango Batzarkide-Taldeek baino aurkeztu ezin leikiezan ekimenetan, esaterako 14. atalaren 3. azpiatalean eta hurrengoetan araututako batzorderatze-eskeetan eta, 154. atalaren arabera, Batzordean eztabaidatzeko Arauz Besteko Saloetan.

Bilbon, 1999.eko azaroaren 11n.

Bizkaiko Batzar Nagusietako Lehendakariak,

Aitor Esteban Bravok

15. ERANSKINA

BATZAR NAGUSIOTAKO BATZORDEEN BARRUAN AZTERKETARAKO LANTAL-DEAK SORTZEARI BURUZKO LEHENDAKARITZAREN IZAERA OROKORREKO ERABAGIA

[C-I-05. (a) izeneko BBNAO, 2001.eko otsailaren 13koa]

Batzar Nagusien Araudiaren 37. atalak dinoanez, "Batzordeak, jagokezanetarako, sailka eratu leitekez edo arazo bereziak aztertzeko lantaldeka banatu."

Araudiaren atal horrek aitatzen dituan lantaldeak ez dira zertan mugatu behar dana dalako Batzorderen baten biderat-zen ari dan Foru-Araugairen bateri aurkeztutako zuzenketa-eskeak aztertzeko Araudiaren 105.1 atalean aitatzen diranetara. Legebatzar zuzenbidearen aspaldiko ohitureagaz bat etorrita, badirudi zilegi dala be Batzorde baten barruan lantaldeak sortzea Herrialdearen aginpide eta interesei eragiten deutsiezan arazo edo gora-beherak aztertzeko, horretarako jagokezan txostenak eginaz.

Aitatu dogun Araudiaren atal horren aurrikuspen mugatuak, Bizkaiko Batzar Nagusiotan horren aurrekorik ez izateak eta mota horretako lantaldeak eratzeko oraintsu azaldutako borondateak, bada, beharrezko egiten dabe horrelako ekimenei bideraketa-modu egokia eskaintzea, Lehendakariaren Izaera Orokorreko Erabagi baten bidez.

Guzti horregaitik, bada, Bizkaiko Batzar Nagusietako Lehendakariak, Araudiaren 24.2. atalean ezarritakoaren arabera eta Mahaiaren eta Taldeburu-Batzarraren aldezko eritxia 2000.eko otsailaren 5ean eta 12an hurrenez hurren izandako bileretan jaso ondoren, hurrengo Izaera Orokorreko Erabagia emotea ebatzi dau:

Lehenengoa.-

Araudiaren 37. atalean ezarritakoaren babespean, Batzar Nagusietako Taldeburu-Batzarrak Erakundearen Batzordeen barruan lantaldeak sortzea erabagi leike, Bizkai Herrialdearen aginpide eta interesei eragiten deutsien herri-intereseko gaiak aztertu eta dana dalako txostena egin dagien.

Lantaldeok eta Araudiaren 105.1 atalean aurrikusten diran araupide-izaerazkoak ez dira bardinak izango.

Bigarrena:

1.- Horren inguruko Taldeburu-Batzarraren erabagia, hartzen bada, eztabaida barik egingo da, sortu behar daiten Batzor-dearen beraren proposamenaren arabera.

2.- Azterlanerako lantaldea eratzeko ekimena Batzarkide-Talde bik eskatuta egin leiteke edo sorburu dauan Batzordearen beraren batzordekideen laurenak eskatuta. Ekimen hori Batzar Nagusien Mahaiari aurkeztuko jako, modu argi eta zehat-zean iragarrita zein gairi buruz egingo dan azterlana eta txostena, lantaldearen zeregina amaitzeko epea eta ekimenaren arrazoiak argitzeko azalpen laburra.

Behin bideraketarako onartu ondoren, eta eskatzen diran baldintzak beteten badira, epe bat zabalduko dau Mahaiak Batzarkide-Taldeek edo Batzordekideek ekimen horren aukerakoak aurkeztu ahal izan dagiezan.

Ekimena bera eta aukeran aurkeztutakoak aztertu eta bozkatu egingo dira Batzordean, eta Batzarkide-Taldeek horren inguruan daben eritxia azaltzeko parte hartu leikie.

Hirugarrena.-

1.- Batzarkide-Talde bakotxeko ordezkari bat izango da lantaldean, Batzordekide izango dana, eta taldekide bakotxeko boto bat izango dau. Horrezaz gain, Batzordeburua izango da lantaldeburu eta eztabaidak zuzenduko ditu, berba egiteko bai baina botoa emoteko eskubide barik.

2.- Lantaldearen zeregina amaitzeko eperik beren-beregi ez bada zehazten, lantaldea eratzeko erabagia hartzen danetik harako sei hilabetekoa izango da epe hori.

Aurreko idazatian aitatutako epe hori luzatu egin leike Batzar Nagusiotako Mahaiak, jagokon Batzordeak horretarako arrazoitutako proposamena egin ondoren.

3.- Aztertutako gaia dala-ta ezin leiteke lantalde bat baino gehiago eratu Batzar Nagusien agintaldi bakotxean.

Laugarrena.-

1.- Araudiaren 38. atalak Batzordeei autorten deutsazan ahalmen berberak izango dabez lantaldeek, eta behar daiten soroslaritza izango dabe.

2.- Batzordeburuak, lantaldeburu be bada-ta, zehaztuko ditu batzarretarako deiak eta gai-zerrendak.

Bosgarrena.-

1.- Lantaldeak jagokon Batzordera igorriko dau txostena, onartu daiten.

2.- Txosten horretan esandakoagaz bat etorri ez daitezan Batzordekideek eta Batzarkide-Taldeek zuzenketa-eskeak aur-keztu ahal izango dabez, Batzordean eztabaidatu eta bozkatuko diranak.

Zuzenketa-eskeok aurkezteko epea zazpi egunekoa izango da, jagokon txosten-saloa Batzordekideei bialdu izan jake-netik zenbatzen hasita.

3.- Txostenaren eztabaida Batzordean egiterakoan, lehenengo eta behin txostenaren aurkezpena egingo dau lantaldearen kideetako batek. Horren ondoren, zuzenketa-eskeak aurkeztu dabezan Batzordekideek eta Batzarkide-Taldeetako ordezka-riek egingo dabe berba eta, azkenik, aurkeztu ez dabezan Batzarkide-Taldeetako ordezkariek.

4.- Batzordeak onartu dagian testua Mahaira igorriko da, Batzar Nagusiotako Aldizkari Ofizialean argitaratu daiten.

Seigarrena.-

1.- Batzar Nagusiotako Mahaiari jagoko Erabagi honetan ezarritako baldintzak beteten diranentz zaintzea.

2.- Honako Erabagi hau Batzar Nagusiotako Aldizkari Ofizialean argitaratu daiten egunaren biharamonean sartuko da indarrean.

Bilbon, 2001.eko otsailaren 12an.

Bizkaiko Batzar Nagusietako Lehendakariak,

Aitor Esteban Bravok

16. ERANSKINA

BATZORDE BEREZIEN OSAKETA, ANTOLAKETA ETA JARDUNARI BURUZKOA

[C-IV-08. (a) izeneko BBNAO, 2001.eko otsailaren 27koa]

Batzar Nagusietako Mahaiak aurtongo otsailaren 22an izandako bileran, hurrengoa erabagi dau:

Araudiaren 31.2 atalak horretarako emoten dauan bidea erabili eta hurrengo arauok ezartea Batzorde Berezien osaketa, antolaketa eta jardunerako:

a) Batzorde Berezi bat sortzeko ekimena, lantaldea sortzeaz bestekoa, Batzarkide-Talde bik edo Batzar Nagusiotako ki-deen laurenak aurkeztu leikie.

Ekimen hori idatziz aurkeztutako jako Mahaiari, eta idatzi horretan bertan zehaztuko dira Batzorde Berezi horre-tarako proposatutako izena, helburua edo zeregin zehatza, baita, halan balitz, lanaldia burutzeko epea zein izango dan be.

Epeari buruzko aitamen zehatzik ez bada egiten, 45. atalaren bigarren txatalean aurrikusitako araua izango da ezargarri Batzar Nagusiotako Mahaiak proposatuta.

b) Aurreko zatian araututako ekimena Batzar Nagusiotako Mahaiari aurkeztuko jako eta Mahaiak egiaztatuko dau aitatu-tako baldintzak beteten dituanentz, eta Batzordea sortzen danentz Erabagiko dau, behin Taldeburu-Batzarrari ent-zunda.

c) Batzorde Bereziaren antolaketeak eta jardunak Agizko Batzordeei ezargarri jakezan arauei men egingo deutsie.

Batzorde Bereziari agindutako lanagaz lotutako batzar-ekimenak Batzorde Berezi horretan aztertu daitezala erabagi lei-ke, kasurik kasu, Batzar Nagusietako Mahaiak, Agizko beste edozein Batzordetan bideratzeak izango leukezan eragin eta ondoren berberakaz.

Bilbon, 2001.eko otsailaren 23an.

Bizkaiko Batzar Nagusietako Lehendakariak,

Aitor Esteban Bravok

17. ERANSKINA

2007-2011 AGINTALDIAN TALDE BEREZIAREN KIDEEN BOTOAREN PONDERAZINOARI BURUZKO IZAERA OROKORREKO ERABAGIA

[C-IV-02. (a) izeneko BBNAO, 2007.eko urriaren 25eko]

Aurtengo maiatzean egindako Batzar Nagusietarako hauteskundeetan izandako emaitzen ondorenez, Talde Berezia hasie-ra-hasieratik dago hiru Batzarkidez osatuta, bakotxa hauteskunde-zerrenda batetik aurkeztutakoa. Halandaze, botoaren ponderazinoa apliketako erispidea erabili behar izan daitenetarako bakotxaren botoa norberarena eta itxi ezinezkoa izatea zaintzea arazoa izan leitekenez, komeni da formularen bat bilatzea era adostuan egoera horri aurre egin ahal izateko.

Horretara, eta Batzar Nagusien agintaldi honetarako baino balio ez dauala argi izanda, behin Mahaiaren eta Taldeburu-Batzarraren aldeko eritxia izanda, hurrengoa

ERABAGITEN DOT:

Artikulu Bakarra.- Taldeburu-Batzarrean botoaren ponderazinoa egin behar izan daitenean, Talde Bereziaren ordezkari titularraren botoak hiru kideen balioa izango dau, beren-beregi holan ez dala adierazo ezik, holakoetan Talde barruko eritxi ezbardinak dagozala adierazoko dau-eta.

Batzordeetan egindako bozketetan izan daitezan bardinketetarako be ponderazino-erispide berbera erabiliko da.

Azken Xedapena.- Honako Erabagi hau argitaratu daiten egunaren biharamonean izango da indarrean eta oraingo agintal-dia amaitu arte balioko dau.

Bilbon, 2007.eko urriaren 25ean.

Bizkaiko Batzar Nagusietako Lehendakariak,

Ana Madariaga Ugartek