uz32c

XXXII. DOMEKEA URTEAN ZEHAR /C

Sarrera-oharra

Ondo etorri, senideok, urtean zeharreko 32. domeka honetako elizkizunera. Liturgia urtea amaitzear, hauxe aurkitu geike gaurko liturgian: Jesusen jarraitzaile lez besteen alde bizia galtzeak, edo emoteak, merezi dauala; ez dalako bizi hori galtzen, bere betera heltzen baino. Horixe litzateke Jainkoari bizia eskertzeko erea: inoren alde emotea.

Ba dakigulako zenbat ezbai eta bestetarako zenbat dei hartzen doguzan egunero, beharrezko dogu otoitzean alkartzea, eta hantxe alkar adoretzea. Goazen!

Sarrera abestia

Abadearen agurra

Bizitzearen iturri dogun Jainkoa / eta haretan eredu dogun Jauna /

eta haren betetzaile dogun Espiritu santua / izan bedi zuekin…

Damu-otoitza

Ez dogu ikusten gure bizia Jesus Jaunarena lango oso-osokoa, Aitari begira egina, eta hari egunero eskertua. jo daigun, ba, haren errukira, damuz:

—Jesus Jauna, Jainkoagandiko barri on zaituguna, erruki, Jauna.

—Jesus Jauna, zure bizitzan zintzoa izan zaiakozana, Kristo, erruki.

—Jesus Jauna, guretzat eredu eta adore-emoile zarana, erruki, Jauna.

Lehenengo irakurgaia

Ba ete dago bizia emoteraino heltzeko arrazoirik? Zeren alde urten daiteke bizia bera ere arriskuan jarteraino? Merezi ete dau ezeren alde bizia emoteak? Zergaitik emongo zeuke bizia?

Erantzun salmoa

Sal 16, 1. 5-6. 8 eta 15

Bigarren irakurgaia

Sinismenaren zabalkundeak hainbeste oztopo aurkitzen dauz; otoitzaren eta alkartasunaren beharra dauka. Ikasi daigun alkar adoretzen otoitzaren indarrez.

Ebanjelioa

Ukatu daiteke berbizkundea, haren aldekoei barre eginez eta bizia seme-alabentzako ondasunak pilatzen emon… Merezi dau? Ea ebanjelioan zer aurkitzen dogun. Egin deiogun harrerea Aleluia abestuz, zutunik.

ESKARIAK

† Bizia dogun erregalua eskertzen bizi izan nahi dogulako joko dogu, otoitzean eta eskale, Jainkoagana:

—Elizearen alde: bizitza honetan estu eta larri dabizanen ondoan egon daiten harei adore eta itxaropena emoten, eskatu deiogun Jaunari.

—Barri Onaren zabalkuntzan euren bizia arriskuan jarten dabenek gu guztion miresmena eta laguntzea izan daien, eskatu deiogun Jaunari.

—Zer sinisten daben ere ez dakiela sinistunei barre egiten deutsenen alde: euren bizitzearen zentzuan sakondu daien, bizia eskertzeraino heldu arte, eskatu deiogun Jaunari.

—Ume eta gazteek eredu onak izan daiezan bizitzan zehar ibilten ikasi daien, eta bizia emoteko prest egoteraino heldu daitezan, eskatu deiogun Jaunari.

—Sinisten dogula dinogunon alde: barri Onaren bidetan bizi izan gaitezan, bizia aintzat hartuz eta eskertuz, eskatu deiogun Jaunari.

† Jainko Jauna: zeu zara bizien eta hilen Jauna, biziaren betea. Emoiguzu betetasun horren itxaropenean bizi izatea, eta haren barri emotea. Jesukristo gure Jaunaren bitartez.

—Amen.

Jaunartzean

Oharrak