garizuma01b

GARIZUMAKO LEHENENGO DOMEKEA /B

Sarrera-agurra

Senideok: Garizuma hasterakoan, Jainkoak gizakiokaz daukan itunaren barri emoten jaku.

Gure Jainkoa ez da han urrunean eta berean dagoana, gizakiongandik hur-hur dana baino, eta beragan baino hobeto ez garala egongo dinoskuna.

Zerk eroaten ete gaitu harengandik ihes egitera, eta zerk Jainkoagana bihurtzera edo bi-hozbarritzera?

Domekotako irakurgaiek irakatsi eta biziazo gura izango deuskue hori. Euretan buru-belarri sartzeko eta arduratzeko grazia eskatu daigun. Ez daigun jokatu begirale huts lez. Atara daigun argitara, azalera, barruan dagoan guztia.

Ondo etorri!

Sarrera-abestia

Damu-otoitza

Gogoratu daigun Jainkoaren errukia, eta gure inguruan bere errukiaren autorle eta egile gura gaitula. Abestu daigun gogotsu:

† Erruki, Jauna. / —Pekatu egin dogu-ta.

† Agertu guri, Jauna, zure bihotz ona. / —Eta salbau gagizuz.

Lehenengo Irakurgaiari (Has 9, 8-15)

Begiak zabaltzen eta ingurua sinismenez irakurten dauanak aurkituko dau gizakionganako Jainkoaren hurtasuna, eta errez, gainera. Eta zera autortuko dau: Jainkoak bere burua gizakion zoriagaz lotzen dauala, ituna eginez.

ERANTZUN-SALMOA

Sal 24, 4-5. 6 eta 7cd. 8-9

R/. Zure bidezidor guztiak grazia eta leialtasuna,

Jauna, zure ituna gordeten dabenentzat.

Bigarren irakurgaiari (1 P 3, 18-22)

Pedro apostoluaren ustetan, Urioleak BATEOA gogoratzen deusku; harexek garbitu behar dauz gure zikinkeriak, eta horrelaxe urtengo dogu Kristogan bizibarriturik.

Ebanjelioa (Mk 1, 12-15)

Zelango laburtasunez adieraziko deuskun Markos ebanjelariak Jesusen garaipena eta barritasuna. Egin deiogun harrerea goralpen abestiaz:

AINTZA, JESUS, ZURI BETI:

ZU ZARA GURE ARGI.

Gora zu, Jauna; gora zu, Jauna; gora zu, Jauna!!!

ESKARIAK

† Arazo asko eta handien artean bizi izanik ezer ezin geikela-ta, burua ezkutatu eta besteetaz ez arduratzeko arriskuan jausi ez gaitezan, eskarietara jo daigun:

—Elizearen alde: errukia izan daian ikur, eta eliztar guztiok bultzatu gaizan gure inguruan erruki-egintzak ugaritzera, eskatu deiogun Jaunari.

—Sinistun dirala uste izanik, Jainko barik bizi diranek Garizuma-aldi hau Jainkoaren aurpegiaz aurkitzeko aprobetxatu daien, eskatu deiogun Jaunari.

—Beste ardura batzuetan murgilduta, euren barru-bizitzaz arduratzeko asti barik dagozenek Jainkoaren berbeaz egin daien topo, eurentzako argitasun izan daiten eta euren ingurukoentzat poz, eskatu deiogun Jaunari.

—Zoritxarrean eta atsekabean aurkitzen diranen alde: aldendu dakien gerrearen edo gaisotasunaren edo zapalkuntzearen edo erbesteratu beharraren edo beste edozelango zoritxarra, Jainkoaren aurpegiak argiturik bizi izan daitezan, eskatu deiogun Jaunari.

—Garizumako deia entzuteko aukerea daukagu-nok hitzaren zaleagoak eta otoitzerako gartsuagoak izan gaitezan, euretatik erantzun deiegun bizitzak jarten deuskuzan arazo eta atsekabe guztiei, eskatu deiogun Jaunari.

† Jainko errukitsua: zure errukitik ikasirik eta haren bizikizunagaz zabaldu daigula gure inguruan errukia eta bihotz samurra. Jesukristo gure Jaunaren bitartez.

—Amen.

JAUNARTZERAKO

Jaungoikoaren hegoenpean: ze bakean! (2)

Indar guztiak dituenaren babespean (2).

Jauna, nik dinot: "Nire babespe dot zuregan;

bihotz guztiaz nago Jaunaren eskuetan."