uz20c

URTEAN ZEHARREKO XX. DOMEKEA /C

Sarrera oharra

Ondo etorri, senideok, urtean zeharreko 20. domeka honetako liturgia ospatzera. Beti ere urduri jarten bagaitu Jainkoaren berbeak, gaurkoak kezkati ere jarriko gaitu eta Jesusi ez deutsogula ulertzen azaleratuko dogu, atxakiak jartearren baina. Arretaz jarraitu behar izango dogu, ba, eta eskuzabaltasunez erantzuteko gogoagaz. Jeremias profetea izango dogu eredu eta Jesusen berbak akuilu. Esker onez agertu gakiozan, ba, Jainkoagaz egiten deuskun erregalu honegaitik, eta ospatu daigun Jai giroan.

Sarrera abestia

Abadearen agurra

Jesukristorengan uste on osoa dogulako

gure sinismena elikatzeko alkartu

eta bere Espirituaz sutuko gaituan Jauna

izan bedi zuekin. # Eta zure espirituarekin.

Damu otoitza

† Gure bihotzean sua biztera jatorkun Jaunaren aurrean damutu gaitezan atseginen bila ibilteagaitik eta epelkerian bizi izateagaitik:

—Jesus Jauna, erreinua iragartea da zure lehentasuna, erruki, Juana.

—Jesus Jauna, zure ikasleak Espirituaren su-garretan gura gaituzu, Kristo, erruki.

—Jesus Jauna, benetako bakearen bidean apurketak eragiten dozuz, erruki, Jauna.

Lehenengo irakurgaiari

Ez dogu onartzen inork zirikatu gaizan edo oharrik egin deigun edo gure jokabidea salatu daian… eroso bizi izan gura dogulako. Egon geintekez holan behartsuaren ondoan? Izan daigun eredu Jeremias profetearen alde urten dauanagan.

Erantzun salmoa

Sal 39, 2. 3. 4. 18

R/. Jauna, zatorkidaz arin laguntzera.

Bigarren irakurgaiari

Ez daukagu gure sinismen bizitza itsu-mustuan bizi izan beharrik; badaukaguz ereduak eta badaukagu Maisua ere. Ea ikasten dogun Jesusen jarraitzaile alkarregaz izaten.

Ebanjelioari harrerea

Ez gaitu gura Jesusek lasaikerian edo egonean, ez ete ezjakinean ere. ingurua arakatzen eta ulertzen irakatsi gura deusku Jainkoaren nahiari erantzun ahal izateko. Egin deiogun harrerea Aleluia abestuz, zutunik.

ESKARIAK

† Senideok, Jaungoikoaren maitasunak bultzatuta, zabaldu daiguzan gure gogo-bihotzak gure inguruko beharrizanetara eta aurkeztu deioguzan zeruko Aitari:

—Bateoaren bidez Jaungoikoaren maitasunaren eta salbamenaren testigu izatera deituak izan garanon alde: geure eginkizuna zintzo bete daigula. ESKATU DEIOGUN JAUNARI.

—Abadeen alde eta abadetzarako bokazinoen alde: anai-arreben zerbitzari apal eta Jainko salbamenaren iragarle adoretsu izan daitezan. ESKATU DEIOGUN JAUNARI.

—Apurtuta dagozan familien alde eta maitasuna galtzeko zorian aurkitzen diran familien alde: euren inguruan eta kristau alkartean aurkitu daien behar daben laguntza. ESKATU DEIOGUN JAUNARI.

—Munduan zehar, zuzentasuna, alkartasuna eta benetako bakea egiten ahalegintzen diran gizon-emakume guztien alde: euren lan ederrean iraupenez jarraitu daien aurrera. ESKATU DEIOGUN JAUNARI.

† Onartu, Jaungoiko Aita, uste osoz egiten deutsuguzan erreguak. Jesukristo gure Jaunaren bitartez. Amen.

Jaunartzerako

OHARRAK