uz18c

URTEAN ZEHARREKO 18. DOMEKEA /C

Sarrera oharra

Senideok: Urtean zeharreko 18. domeka honek ondasunei begira jarriko gaitu, eta ondasunak euren balioan jarten lagunduko deusku. Gogotan hartu daigun gatx egiten jakula neurritsu izatea, aurrezle jokatzea, eta arinegi esaten dogula agintedunek, aberatsek eta ahaltsuek emon behar izango leukeela lehenengo pausua.

Guk, Jesusen jarraitzaile izan nahi dogunok, ba daukagu arrazoirik Jainkoa autortzeko ondasun guztien sortzaile eta iturburu, eta ondasunak danentzako balira lez (ba dira-ta) erabilten jakiteko. Murgildu gaitezan, ba, gogo biziaz gaurko liturgian.

Sarrera abestia

Damu otoitza

† Jainkoak bere ondasunen erabiltzaile eta banatzaile egion gaitu. Baina zein metatzaile eta alperrik galtzaile agertzen garen sarri! Damutu gaitezan:

—Jesus Jauna: zure pobretasunean gure eredu zaituguna, erruki, Jauna.

—Jesus Jauna, zure askatasunean bizi izatera deitzen gaituzuna, Kristo, erruki.

—Jesus Jauna, zure Espirituaz gizaki barri egiten gaituzuna, erruki, Jauna.

† Erruki dakigula…

Lehenengo irakurgaiari oharra (Koh 1, 2; 2, 21-23)

Zenbat huskeria bihurtzen doguzan hil-edo-biziko gauza! Euren artean ondasunak aitatu geikez. Ba, begira zer dinoskun Kohelet jakintsuak.

Erantzun salmoa (Ps 94)

Bigarren irakurgaiari oharra (Ko 3, 1-5.9-11)

Entzun daiguzan Kristogan gizaki barri garala dinoskun Pauloren burubideak, gure bizitza gure duintasunaren pareko izan daitela esango deusku.

Ebanjelioari oharra (Lk 12, 13-21)

Zer ez ete deutsogu eskatzen Jainkoari! Noiz ikasiko ete dogu Jainkoari zer eskatu? Egin deiogun horretarako harrera on ebanjelioari, Aleluia abestuz, zutunik.

ESKARIAK

† Ondasun guztien iturri Jainkoa dala eta ondasunak bere seme-alaba guztientzako dirala jakinik, zuzendu deioguzan gure eskariak:

—Agintea, jabegoa, ahalmena eta ondasun piloa daukenen alde: behartsuen deia entzun daien, eta eskuzabalez erantzun deieen… Eskatzen deutsugu, Jauna, -Aita zaitugulako.

—Behartsuen alde: ondasunen erabilpenaren kontzientzia izan daitezan, eta danok behartu gaiezan aurreztera eta ondo banantzera… Eskatzen deutsugu, Jauna, -Aita zaitugulako.

—Elizearen alde: aberaskeriak alde batera itzi daizan, pobreen ondoan egon daiten, eta benetakoa izan daiten pobreen aldeko bere aukerea… Eskatzen deutsugu, Jauna, -Aita zaitugulako.

—Eukaristiarako alkartu garanok aurrezten ahalegindu gaitezan, birziklatzen eta elkar banantzen ikasi daigun, behartsuak gogoan hartuz… Eskatzen deutsugu, Jauna, -Aita zaitugulako.

† Jainko Jauna: guretzat barri onak baino ez daukazuzana: egizu harrera on egiten jardun daigula, eta behartsuen zerbitzuan. Jesukristo gure Jaunaren bitartez.

—Amen.

Jaunartzerako

OHARRAK