pzk09hirutasuna

HIRUTASUN SANTUA / A

Sarrera-oharra

Senideok: Pazkoaldia amaitu ondoren Jaunaren festaburuetako bat ospatzera alkartu gara: HIRUTASUN SANTUA. Misterio handia dala esaten dogu; baina Nazareteko Jeusen eskutik hurreratuko gara misterio handi horretara, Espirituak eroielako eta Jainkoari Aita deitzen eutsolako, konfiantza handia erakutsiz.

Izan daiguzan gaur gogoan komentuetan otoitzari emonak bizi diran lekaide-lekaimeak, gure alde egiten daben guztia eskertuz.

Abestia

2Ko 13

Entzun eta onartu daiguzan Paulok emoten deuskuzan kontsejuak: agindu lez hartu daiguzan.

Jn 3

Ezagutu daigun Jesusengan agertzen jakun Jainkoa, ebanjelioari harrera on eginez, eta Aleluia abestuz, zutunik.

HERRI OTOITZA

† Hirutasunaren misterioan murgilduz aurkeztu deioguzan gure eskariak hur-hurreko dogun Jainkoari, Espirituaren pozean:

—Elizearen alde: gaurko gizakiagandik hurrago agertu daiten eta urrinduei ebanjelioa iragarten ahalegindu daiten, egin daigun otoitz.

—Euren bizitza otoitzean eta kontenplazinoan emoten dabenen alde: izan daitezan euren lekuetan danentzat argi eta Jainkoagazko hartu-emonetarako dei eta indar, egin daigun otoitz.

—Gure arteko familien alde, batez ere arazo artean eta garraztasunean bizi diranen alde: Hirutasunaren batasunak eta alkar arteko maitasunak argitu daizan eta laguntza izan dakien, egin daigun otoitz.

—Gure Elizbarrutiko eliz alkarte guztien alde: bananduta iraunazoten deutseen mezordu eta ohiturak alde batera itzi eta gaur egun mahairatzen jakezan arazoei erantzuten ahalegindu daitezan, egin daigun otoitz.

—Gure eliz alkarte honen alde: eskuzabaltasunz eta esker onez jakin daian bere ondasun guztiak alkarbanantzen eta eginkizun guztietarako zerbitzariak sustatzen, egin daigun otoitz.

† Jainko Aita, Semea eta Espiritu Santua: zeuen alkartasun maitalean bizi izan gaitezela gure etxe, parrokia, lantegi eta inguru guztietan. Jesukristo gure Jaunaren bitartez.

—Amen.