uz21c

URTEAN ZEHARREKO 21. DOMEKEA /C

Sarrera oharra

Senideok: Urtean zeharreko 21. domeka honetako liturgiak, itxura baten behintzat, baieztapen kontrajarriak dakarskuz. Zeruetako mahaian gizaki guztiek izango dabe euren lekua; Jainkoak zentzarazi egiten gaitu, eta maiteenak zigortzen; ahalegindu egin behar dogu zeruetako mahaian jesarri nahi badogu...

Adi egon gaitezan ebanjelioan Jesusi egiten deutsoen galderara, eta Jesusen erantzunera: esker oneko bagara baino ez dogu geuretuko Jesusen erantzun hori. Izan gaitezan, ba, esker oneko, hasiera-hasieratik eta ahal dan guztian.

Sarrera abestia

Damu otoitza

† Maitasunezko zigorrez zentzarazten gaitu Jainkoak. Bildur eta lotsa barik autortu daigun bere aurrean gure pekatua:

—Jesus Jauna: gure galderei erantzun zabalagoa emoten deutsezuna, erruki, Jauna.

—Jesus Jauna: geurekoiegiak ikusten gaituzuna, Kristo, erruki.

—Jesus Jauna: Jainkoaren erreinuko ate estua zaituguna, erruki, Jauna.

Lehenengo irakurgaiari oharra (Is 66, 18-21)

Gure historia egiteko Jainkoa geure morroi ipini nahi izaten dogu. Hobeto, aldatzen bagara bere nahia entzutera eta geuretzera: danok nahi gaitu bere inguruan, eta batzuk besteentzako ezaugarri.

Erantzun salmoa (Ps 116)

Bigarren irakurgaiari oharra (Hb 12, 5-7.11-13)

Ez da errez ezagutzen Jainkoak erabili leiken gu zentzarazteko zigorra zein dan. Baina ez dogu ahalegin handiegirik egin behar Jainkoak seme-alaba lez maite gaitula jakiteko.

Ebanjelioari oharra (Lk 13, 22-30)

Beste behin ere, galdera zuzenari zuzen ez erantzunaz jarten gaitu Jesusek benetako galderearen aurrean: eta dei zorrotza egiten deusku. Egin deiogun harrerea Aleluia abestuz, zutunik.

ESKARIAK

† Gure geurekeria, txikikeria, norbanakokeria eta arduragabekeria guztietatik urten eta ate estutik sartzeko gogoaz zuzendu deioguzan Aita-Ama dan Jainkoari gure eskariak:

—Hainbeste dira kaltetuak (gerra-lurraldeetan, gose-lurraldeetan…), eta gu krisia besterik ez balego lez bizi gara: alkartasun bideak jorratuz, kaltetuentzako diru-laguntza ere sustatu daigun… Eskatzen deutsugu, Jauna, -Aita zaitugulako.

—Maitasunaren legea neurri barik maitatzea dan bitartean, Jainkoari gitxiengo bategaz erantzun nahi deutsogu: Urrikeria horretatik urten ahal izan daigun… Eskatzen deutsugu, Jauna, -Aita zaitugulako.

—Jainkoak guztiak nahi gaitu bere mahai-inguruan. Baina guk ezbardinak, edo etorkinak, edo behartsuak baztertu, eta emakumea aurrean darabilgu. Guztien duintasuna bilatu eta sustatu daigun… Eskatzen deutsugu, Jauna, -Aita zaitugulako.

—Besteentzako ezaugarri gara Eliza baten; baina guk ez dogu geure sendi lez maitatzen, eta bakotxa bere salbamen bila sakabanatuta gabiz. Elizeaganako begiramenak eta maitasunak sutu gaizan… Eskatzen deutsugu, Jauna, -Aita zaitugulako.

—Ate estutik sartzea, bakotxa bere estukerian ahalegindu daitela lez ulertzen dogu, baina Jesus dogu ate estua. Ahalegindu gaitezan bera ezagutzen, maitatzen eta ezagutzera emoten… Eskatzen deutsugu, Jauna, -Aita zaitugulako.

† Jainko Jauna: gure eskariak onartzerakoan, egin gaizuz esker oneko eta gure ingurukoentzat ezaugarri alai. Jesukristo gure Jaunaren bitartez.

—Amen.

Jaunartzerako

OHARRAK