uz07c

URTEAN ZEHARREKO VII. DOMEKEA /C

Sarrera-agurra

Senideok: Ondo etorri urtean zeharreko 7. domeka honetako liturgiara. Begira: uste osoa Jainkoagan jarten irakatsi deuskun Jesusek aurrera begira jarriko gaitu, eta bizitzarako burubideak emongo deuskuz. Gure artean onartua bada kalterik hartzea gura ez badogu, inori kalterik ez egitea, Jesusek gehiago eskatuko deusku. Eta harritu egingo gaitu: nork egin daike hori? —esateraino. Ba, izan gogoan: uste osoa Jainkoagan jarrita daukanak! Goazen, ba, Jesusegaz bat egitera.

Sarrera abestia

GOAZEN GUZTIOK BATERA Jaunarekin egotera.

Goazen guztiok batera Jaunarekin egotera.

1 Pozik alkartu gaitezen Aita dogu-ta laguntzen.

2 Seme-alaba bezela zaindu gagizuz Zuk, Jauna.

3 Entzun daizala Jaun onak gure poz eta negarrak.

Damu-otoitza

Geure jakintzaz eta indarrez baino ez dogu jokatu gura, hortik kanpokoak bildurtuazoten gaitualako. Damutu gaitezan Jainkoaren aurrean.

—Jesus Jauna: uste osoa Jainkoagan dozuna, erruki, Jauna.

—Jesus Jauna: arerioak maitatzerainoko maitasunera bultzatzen gaituzuna, Kristo, erruki.

—Jesus Jauna: bihotz garbiko gura gaituzuna, erruki, Jauna.

Lehenengo Irakurgaiari sarrerea (1Sm 26, 2.7-9.12-13.22)

Min emon deuskunari handiagoaz erantzutea izaten da gure lehen jokerea. Baina nora abiatzen gara bide horretan zehar? Ete da hori Jainkoaren gogoko?

Erantzun salmoa

Bigarren Irakurgaiari sarrerea (1Ko 15, 45-49)

Ez daigun uste izan halangoak garala-ta ez dagoala zer eginik: hazten joatekoak egin gaitu Jainkoak…

Ebanjelioari sarrerea (Lk 6, 27-38)

Hona Jesusek bere ikasleentzat gura dauan hazkundea: ez da egun baten lortzekoa, edo hortixik hastekoa… Egin deiogun harrera on Ebanjelioari Aleluia abestuz, zutunik.

Herri otoitza

† Maitasuna besterik ez danak ezin dau bereizkuntzarik egin, eta bere antzeko gura gaitu seme-alabok. Zuzendu deioguzan gure eskariak:

—Elizearen alde: maitasunean oinarriturik gaurkotu daiten, parkamena eskatzen eta parkatzen ikasiz, eskatzen deutsugu, Jauna.

—Gure familietako gora-beheretan ordain bardina emoten barik, parkatzen eta maitasunean hazten ahalegindu gaitezan, eskatzen deutsugu, Jauna.

—Pobreek, baztertuek, urtenbiderik ez daukela uste dabenek, aurkitu daien gure eliz alkarteetan esparru harrerakoia eta beroa, eskatzen deutsugu, Jauna.

—Eukaristiarako alkartzen garanok bildur barik hurreratu gaitezan bizibarrituko eta gaurkotuko gaituan Ebanjeliora, eskatzen deutsugu, Jauna.

† Arerioak maitatzerainokoak gura gaituzu zure seme-alabok, Jauna; uste on osoa zeugan jarrita emon daiguzala haraino eroango gaituen urratsak. Jesukristo.

Jaunartzerako

Amaierarako

JESUS MUNDUKO ARGIA

Jesus zinezko egia. Jesus betiko bizia.

1 Jesus Jainko gizona Zuri gure bizia

hartu gure Jaun ona gu garean guztia.

2 Gure bihotz barruan biztu zure argia

gaitezen gu munduan argi Jainkoz betia.