uz22c

URTEAN ZEHARREKO 22. DOMEKEA /C

Sarrera oharra

Senideok: Jainkoak, bere Semearen lagun eta jarraitzaileak, goragora deitzen dauz, eurengandik itxaroten dabena emon ahal izan daien. Hori dala-ta, gaurko liturgiak balore batzuk (geureak?) kritikatu egingo dauz eta beste batzuk (ebanjeliokoak) aurkeztuko deuskuz. Aurkezten deuskuzan baloreak geuretuko doguz zer garan onartzen badogu, ez geure usteetan jarraitzen badogu: Zer eskatuko deutsot Jainkoari? Berak eskatuko deuskuna zera da: apaltasuna eta inork gura ez dauzenengana hurreratzea... Ospatu daigun alaitasunez.

Sarrera abestia

Damu otoitza

† Apala da Jauna, eta baztertuengana hurreratzen da. Damutasunez autortu daigun bere aurrean gure pekatua:

—Jesus Jauna: zure mahaikide pekatariak eta ez-eukiak egiten dozuzana, erruki, Jauna.

—Jesus Jauna: mahaia zeure irakasleku egiten dozuna, Kristo, erruki.

—Jesus Jauna: apalen eta ez eukien zerbitzari nahi gaituzuna, erruki, Jauna.

Lehenengo irakurgaiari oharra (Sir 3,19-21. 30-31)

Zer gara? Laster emongo deusku horren barri Siraken liburuko berbok. Handigurakoak gara ala zentzundunak? Entzun!

Erantzun salmoa (Sal 67,4-5ac. 6-7ab. 10-11)

Bigarren irakurgaiari oharra (Hb12, 18-19. 22-24a)

Alde handia dago Egiptotik urten eban herritik eta guk osotzen dogun herrira. Baina ba ete daukagu geuretuta honen barria? Entzun!

Ebanjelioari oharra (Lk 14, 1. 7-14)

Onartuko ete geuke geure etxean hartzen dogunak deituen aurrean txarto itziko baginduz? Zelango lotsabakoa! —esango geuke. Ba, kontuz Jesusegaz, holangoxeak egiten daki-eta. Egin deiogun harrerea Alleuia abestuz, zutunik.

ESKARIAK

† Jainkoak gure eskema eta baloreetatik atara gura gaitu bere berbearen, ebanjelioko, baloreetan sartzeko. Eskatu deiogun adore handiz:

—Gure Elizbarrutiaren alde: Gotzain barria estreinatzen dauan une honetan, Batzar Nagusitik sortutako biderapenak ez daizan bazterreratu, eskuratu baino… Eskatzen deutsugu, Jauna, -Aita zaitugulako.

—Karitaseko langileen eta borondate hutsez ez-eukien alde lan egiten dabenen alde: euren bizikereaz, jokabideaz eta berbeaz, ebanjelioko baloreen testigu izan daitezan… Eskatzen deutsugu, Jauna, -Aita zaitugulako.

—Pakistanen uholdeek kaltetuek, eta gure artean dagozan era askotako kaltetuek (espetxeratu, bazterreratu, aurrean erabili edeo gaiso-eta) laguntza barik geratu ez daitezan, eta guk euren ondoan egoten jakin daigun… Eskatzen deutsugu, Jauna, -Aita zaitugulako.

—Herri agintarien alde, eta baita arduraren bat garatu behar dabenen alde ere (guraso, irakasle, herri-zerbitzari, eta abar): bokazinodun lez bete daien euren eginkizuna Jainkoaren aintzarako eta zerbitzatuen pozerako… Eskatzen deutsugu, Jauna, -Aita zaitugulako.

—Eukaristiarako alkartuz, Jainkoaren berbeaz janaritzen garanok ebanjelioko baloreak geuretzeko gauza izan gaitezan, eta Elizan baloreok garatzeko inguru etxekoia egin ahal izan daigun… Eskatzen deutsugu, Jauna, -Aita zaitugulako.

† Jainko Jauna: apaltasunez eskatzen deutsugu guzti hau zure Seme Jesukristo gure Jaunaren bitartez.

—Amen.

Jaunartzerako