uz08c

URTEAN ZEHARREKO VIII. DOMEKEA /C

Sarrera-oharra

Ondo etorri, senideok, Urtean Zeharreko 8. domeka honetako Liturgia ospatzera. Zer izango dogu gogoan? Jesusek senide-taldea gura gaitula, alkarren zerbitzuan, alkar zuzentzen eta alkar maitatzen, ingurukoen eredu. hantxe, geure inguruan emon behar dogu Jesusen barri geure bizikereaz.

Gaurkoan gure jarduerak eta izakerak-eta argitu gura izango deuskuz. Sartu gaitezan buru-belarri, uste osoa Jaunagan jarrita.

Sarrera-abestia

Aita baten semeok,

sinismen bakar bat dogunok,

anai artean batu garanok,

kantuz gatoz,

kantuz zugana, Jauna.

Seme gara, bai, baina

seme izaten ba ete dakigu?

Anai gara, bai, baina

anai izaten ba ete dakigu?

Seme izatera, anai izatera, Jauna,

heldu nahi dogu.

GOAZEN ALKARTURIK

biztuta fedea

argitan zabalik maitasun bidea.

1 Entzun dezagun apaltasunez

entzun dezagun Jaunaren hitza

Bere hitzetan gure egia

gure indarra gure bizia.

Damu-otoitza

Inguruak eraginda, alkarrentzat barik norberetzat bizi gara sarritan, eta guzurrean edo aldenduta… Bihozbarritzea eskatu daigun:

—Jesus Jauna, zeure inguruan, senide-alkarte gura gaituzuna, erruki, Jauna.

—Jesus Jauna, Lehenengo geure akatsak ezagutuazoten deuskuzuna, Kristo, erruki.

—Jesus, Jauna, geure makaltasunetatik ere alkarrengana bultzatzen gaituzuna, erruki, Jauna.

Lehenengo Irakurgaiari (Si 24, 4-7)

Zein garrantzi handikoa dogun berbea, zelan hitz egiten dogun! Baina, zaintzen dogu gure berbakerea? Izaten da gure berbea adore emoteko, eraikitzeko, giro ona sortzeko…?

Erantzun salmoa

Gure inguruan hainbeste madarikatzen da Jainkoa; eta salmogileak Jainkoa gorestea eta aintzaltzea ederra dala autortzen dau. Egingo dogu beragaz bat?

2. Irakurgaiari (1Ko 15,54-58)

Gu ez gara gaur eta hemen onak edo txarrak, gizaki eginak, amaituak. Onerantza eta osotasunerantza bidean goazanak baino. Eta bide onetik eroan gura gaitu apostoluak. Entzun deiogun.

3. Ebanjelioa (Lk 6, 39-45)

Ez daigun uste izan Jesusek isilpera edo ilunpetara bialtzen gaituanik; alkarren zerbitzuan jarduteko, norbere mugak-eta ezagutzera eta autortzera baino. Egin deiogun harrerea Aleluia abestuz, zutunik.

HERRI OTOITZA (Eskariak)

† Errezena dogu akatsenpean geure burua baztertzea, eta besteak gaitzestea edo kritikatzea; baina Jesusek alkarrentzako gura gaitu, geure makaltasun eta muga eta akats eta guzti… Jo daigun eskarietara:

—Elizearen alde: bere makaltasunetik, eta apaltasunez, emon deiogun gaurko munduari Ebanjelioaren barri, eskatzen deutsugu, Jauna (Aita/Ama zaitugu-ta).

—Guraso, hezitzaile eta zaintzaileen alde: zintzotasunetik hurreratu daitezan umeengana, gura izango geuken gizartea eraikitzeko asmoz, eskatzen deutsugu, Jauna (Aita/Ama zaitugu-ta).

—Euren burua baztertuta ikusten dabenen alde: Gizarte honetan danok daukagula leku onartu daien, eta euren frutuak emoten ahalegindu daitezan, eskatzen deutsugu, Jauna (Aita/Ama zaitugu-ta).

—Eukaristiarako alkartzen garanok, geure muga eta makaltasunen gainetik alkarren zerbitzari gura gaitula Jesusek onartu eta garatu daigun, eskatzen deutsugu, Jauna (Aita/Ama zaitugu-ta).

† Onartu daigula, Jauna, zeure dohaien eroale egin gaituzula, bakotxa era batera; eta jarri daigula geure burua, apaltasunez, senidearen zerbitzuan. Jesukristo gure Jaunaren bitartez.

Jaunartzean

1. Ogi hau jaten dauanak izango dau bizia.

Kaliz hontan aurkitzen da Jainko-odol guztia:

R/. Hor dogu janaria ta hor gure edaria.