лістапад

1 лістапада

У 1916 годзе ў межах акупацыйнай нямецкай зоны Обер Ост была ўтворана акруга Беласток-Гродна, куды ўвайшлі крайсы (раёны) Васілішкі і Плянты (Шчучын).

У 1941 годзе гітлераўскімі акупантамі было ўтворана гета ў мястэчку Жалудок на вуліцы Арлянскай.

2 лістапада

У 1845 годзе ў Лябёдцы нарадзіўся Леанард Іваноўскі – дзяржаўны і гаспадарчы дзеяч, садавод-селекцыянер, Ганаровы грамадзянін Ліды.

У 1887 годзе ў Астрыне нарадзіўся Гары Острын Вольфсан – амерыканскі гісторык філасофіі, прафесар Гарвардскага ўніверсітэта.

3 лістапада

У 1973 годзе ў Астрыне нарадзіўся Сяргей Аляксандравіч Сідаровіч – беларускі навуковец, педагог, кандыдат медыцынскіх навук.

У 2008 годзе пайшоў з жыцця Іван Зіноўевіч Кляўзунік – беларускі прафесійны анастэзіёлаг-рэаніматолаг, доктар медыцынскіх навук, прафесар.

4 лістапада

У 1865 годзе ў родавым маёнтку Алешавічы (на мяжы сучасных Мастоўскага і Шчучынскага раёнаў) нарадзіўся Караль Незабыткоўскі – палітычны і дзяржаўны дзеяч Расійскай імперыі і Польшчы, буйны землеўласнік і арганізатар сельскагаспадарчай дзейнасці ў Беларусі.

У 1928 годзе адбылося ўрачыстае перапахаванне на могілках у Шчучыне польскіх легіянераў, якія загінулі ў 1920 годзе ў баі з бальшавікамі каля Лябёдкі.

У 1940 годзе быў утвораны аддзел унутраных спраў Шчучынскага райвыканкама.

5 лістапада

У 1950 годзе ў вёсцы Стадаляны нарадзілася Рэгіна Іванаўна Таран (Можджар) – беларускі навуковец і педагог, кандыдат педагагічных навук.

У 1960 годзе ў вёсцы Лябёдка нарадзіўся Міхась Дзмітрыевіч Краснабаеў – беларускі тэатральны рэжысёр.

6 лістапада

У 1891 годзе ў Пізе (Італія) пайшла з жыцця Германцыя Марыя Тызенгаўз – апошняя ўладальніца Жалудка з роду Тызенгаўзаў.

7 лістапада

У 1894 годзе ў Келме (Літва) нарадзіўся Рафаэль Хасман – яўрэйскі журналіст і пісьменнік, выхаванец Шчучынскай ешывы.

У 2018 годзе быў усталяваны новы помнік на месцы масавага растрэлу вязняў Шчучынскага гета ў 1942 годзе.

8 лістапада

9 лістапада

У 1928 годзе Мураванкаўскую царкву пераасвяцілі ў каталіцкі касцёл

У 1952 годзе ў вёсцы Патока нараділася Сабіна Сцяпанаўна Маглыш – беларускі навуковец і педагог, кандыдат біялагічных навук.

У 1954 годзе ў Каменцы нарадзіўся Іосіф Станіслававіч Вайцяшэнка – беларускі навуковец і педагог, кандыдат тэхнічных навук.

У 1970 годзе ў Каламбэ-ле-дэз-Эгліз пайшоў з жыцця Шарль дэ Голь – французскі вайсковы і палітычны дзеяч, генерал, прэзідэнт Пятай Французскай рэспублікі (у чэрвені-верасні 1916 года ўтрымліваўся у нямецкім палоне ў Шчучыне).

10 лістапада

У 1896 годзе ў Начы (Барысаўскі павет) нарадзіўся Сцяпан Пятровіч Шупеня – кіраўнік Шчучынскай партызанскай зоны, Ганаровы грамадзянін Шчучына.

У 1923 годзе у Лядску Высокім нарадзіўся Андрэй Лісоўскі – польскі навуковец, доктар тэхнічных навук, прафесар, удзельнік польскай партызанкі на Шчучыншчыне.

У 1943 годзе створаны Шчучынскі падпольны райкам ЛКСМБ.

У 1981 годзе ў Петкавічах (Дзяржынскі раён) нарадзіўся Сяргей Васільевіч Ложачнік – беларускі дзяржаўны дзеяч, Ганаровы грамадзянін Шчучына.

11 лістапада

У 1436 годзе быў заснаваны касцёл у Шчучыне.

У 1937 годзе ў Загаранах (Мазырскі раён) нарадзіўся Анатоль Паўлавіч Майстровіч – Заслужаны ўрач Рэспублікі Беларусь, Ганаровы грамадзянін Шчучына.

12 лістапада

У 1929 годзе распараджэннем Міністра фінансаў Другой Рэчы Паспалітай быў утвораны асобны павятовы аддзел падатковай службы ў Шчучыне.

13 лістапада

У 1915 годзе ў Вільні, дзякуючы намаганням Алаізы Пашкевіч (Цёткі) і Баляслава Пачобкі, была адчынена першая ў гісторыі легальная беларуская школа. 

У 1918 годзе была ўтворана Шчучынская Самаабарона – польскае добраахвотніцкае вайсковае фарміраванне.

У 1945 годзе ў Астрыне нарадзіўся Міхаіл Мікалаевіч Стэфановіч – беларускі шашыст і шахматыст, трэнер.

14 лістапада

У 1836 годзе ў Вільні нарадзіўся Міхал Эльвіра Андрыёлі – мастак, ілюстратар, удзельнік нацыянальна-вызваленчага паўстання 1863-64 гадоў (ваяваў у атрадзе Людвіка Нарбута на Шчучыншчыне).

У 1905 годзе ў вёсцы Баброўня (Гродзенскі раён) нарадзіўся Міхаіл Восіпавіч Касцевіч (псеўданім – Міхась Васілёк) – беларускі паэт і журналіст (яго продкі паходзілі з Берштаў).

У 1939 годзе быў прыняты Закон «Аб прыняцці Заходняй Беларусі ў склад БССР», згодна з якім Шчучыншчына апынулася ў межах Беларускай Савецкай Сацыялістычнай Рэспублікі.

15 лістапада

У 1908 годзе ў Грэнбоціне Келецкім (каля Торуня) нарадзіўся каталіцкі святар, піяр, пробашч касцёла Шчучыне Станіслаў Роек.

У 1917 годзе пачала дзейнічаць пабудаваная нямецкімі акупацыйнымі ўладамі вузкакалейная чыгунка ад Васілішак да Скрыбаўцаў.

У 1934 годзе ў Астрыне нарадзіўся Уладзімір Мікалаевіч Нічыпаровіч – беларускі эканаміст, першы міністр статыстыкі і аналізу Рэспублікі Беларусь.

У 1943 годзе каля вёскі Пілаўня геройскі загінуў савецкі партызан Валянцін Валянцінавіч Аляксандраў (пахаваны ў Берштах).

У 2020 годзе ў вёсцы Піляўсі пайшоў з жыцця Славамір Валяр’янавіч Антановіч – беларускі пісьменнік.

16 лістапада

У 1989 годзе ў Орлі нарадзіўся Антон Аляксандравіч Жлаба – беларускі спартсмен-гіравік, майстар спорту, чэмпіён свету.

17 лістапада

У 1930 годзе ў вёсцы Кухары нарадзіўся Іван Іосіфавіч Мікановіч – беларускі навуковец, кандыдат сельскагаспадарчых навук, Заслужаны работнік сельскай гаспадаркі Рэспублікі Беларусь.

У 1930 годзе пажарам быў знішчаны будынак касцёла ў Астрыне.

У 1958 годзе ў Дзятлава пайшоў з жыцця Мікалай Рыгоравіч Вахонін – камандзір першага ўтворанага на тэрыторыі Шчучыншчыны савецкага партызанскага атрада «Арлянскі».

У 1976 годзе ў Варшаве пайшоў з жыцця Андрэй Брахоцкі – польскі вайсковы і грамадскі дзеяч.

18 лістапада

19 лістапада

20 лістапада

У 1973 годзе быў утвораны Жалудоцкі пассавет.

21 лістапада

22 лістапада

У 1834 годзе будынак каталіцкага касцёла ў Дэмбава быў перададзены пад уніяцкую царкву.

У 1890 годзе у горадзе Ліль (Францыя) нарадзіўся Шарль дэ Голь – французскі вайсковы і палітычны дзеяч, генерал, прэзідэнт Пятай Французскай рэспублікі (у чэрвені-верасні 1916 года ўтрымліваўся у нямецкім палоне ў Шчучыне).

У 2019 годзе ў Вільні адбылося ўрачыстае перапахаванне парэшткаў расстралянага ў 1863 годзе вікарыя з Жалудка Станіслава Ішоры з Замкавай гары ў капліцу на могілках Росы.

23 лістапада

У 1960 годзе ў Новым Двары нарадзіўся Генрых Францавіч Тарасевіч – беларускі навуковец і паэт, кандыдат сельскагаспадарчых навук.

У 1990 годзе ў вёсцы Лагады нарадзіўся Аляксандр Чарняк – майстар спорту міжнароднага класа, чэмпіён Дэфлімпійскіх гульняў.

24 лістапада

У 1958 годзе ў Шчучыне нарадзіўся Сямён Якаўлевіч Лебедзеў – расійскі навуковец і педагог, доктар юрыдычных навук, Заслужаны юрыст Расійскай Федэрацыі.

25 лістапада

У 1863 годзе ў Вільні пайшоў з жыцця Ануфры Петрашкевіч – вядомы паэт-філамат, выпускнік Шчучынскай школы піяраў.

У 1871 годзе была асвечана перанесеная з Астрыны ў Бакшты драўляная праваслаўная царква.

У 1913 годзе ў горадзе Зялёнка (Польшча) пайшла з жыцця Альжбета Табенска – асветніца, мемуарыстка, удзельніца паўстання 1863 года.

У 1961 годзе быў утвораны Астрынскі пассавет.

26 лістапада

У 1718 годзе быў падпісаны каралеўскі прывілей на права правядзення ў Шчучыне штогадовага кірмашу і штотыднёвых таргоў.

У 1952 годзе ў горадзе Бэкенхэм (Вялікабрытанія) пайшоў з жыцця Караль Незабыткоўскі – палітычны і дзяржаўны дзеяч Расійскай імперыі і Польшчы, буйны землеўласнік і арганізатар сельскагаспадарчай дзейнасці ў Беларусі.

27 лістапада

У 1921 годзе ў Клешняках (зараз – Шчучынскі раён) нарадзіўся Уладзімір Тарасевіч – беларускі святар, грэка-каталіцкі біскуп, манах-бенедыкцінец, доктар багаслоўя, дзеяч беларускага замежжа.

28 лістапада

У 1939 годзе нарадзіўся Ян Феліксавіч Місюк – Заслужаны работнік сельскай гаспадаркі, лаўрэат Дзяржаўнай прэміі СССР.

У 1957 годзе ў вёсцы Даліняны нарадзіўся Генрых Валяр’янавіч Мыслівец – гаспадарчы дзеяч, Заслужаны работнік сельскай гаспадаркі Рэспублікі Беларусь.

29 лістапада

У 1662 годзе каля Астрыны быў забіты мяцежнымі салдатамі генерал літоўскай артылерыі Вінцэнт Аляксандр Корвін-Гасеўскі.

30 лістапада

У 1709 годзе нарадзіўся Юзаф Сцыпіё дэль Кампа – дзяржаўны дзеяч Вялікага княства Літоўскага, уладальнік Шчучына.

У 1790 годзе адбылася кансэкрацыя (асвячэнне) мураванага касцёла ў Васілішках.