Макараў Пётр

Пётр Кузьміч Макараў (1916-1961)

Камандзір партызанскай брыгады імя Варашылава.

Нарадзіўся 22.02.1916 у сяле Крутчанская Байгора Усманскага раёна Ліпецкай вобласці.

У 1930-1933 гадах навучаўся ў школе ФЗУ. Працаваў майстрам на заводзе.

У 1935 годзе паступіў ў Багучэрскую педагагічную вучэльню Варонежскай вобласці, пасля заканчэння якой працаваў настаўнікам.

18.09.1939 быў прызваны на вайсковую службу.

29.08.1941 атрымаў цяжкое раненне і трапіў у палон. У верасні 1941 года збег з палону.

Арганізаваў партызанскі атрад, які з 1942 года паспяхова дзеўнічаў у тым ліку і на тэрыторыі Шчучыншчыны. Пасля рэарганізацыі атраду ў брыгаду імя Варашылава з лістапада 1943 па жнівень 1944 года  быў яе камандзірам.

Пасля выгнання акупантаў застаўся ў Прынёманскім краі.

Працаваў на кіруючых пасадах у Жалудоцкім, Лідскім і Дзятлаўскім раёнах.

Памёр 24.03.1961. Пахаваны ў Дзятлава.