Шугля Зоя

Зоя Міхайлаўна Шугля

Беларускі навуковец у галіне аграхіміі і глебазнаўства , доктар сельскагаспадарчых навук.

Нарадзілася 25.08.1933 у вёсцы Балотца (зараз – Навагрудскі раён).

У 1960 годзе скончыла Беларускую сельскагаспадарчую акадэмію ў Горках.

У 1960 годзе пачала працаваць загадчыкам хімічнай лабараторыі Гродзенскай дзяржаўнай абласной доследнай станцыі ў Шчучыне.

Скончыла аспірантуру пры Беларускім навукова-даследчым інстытуце глебазнаўства.

Абараніла кандыдацкую, а потым – доктарскую дысертацыі.

З 1981 па 1998 год узначальвала аддзел угнаенняў і севазваротаў Гродзенскага занальнага інстытута раслінаводства НАН Беларусі.

Аўтар больш чым 100 навуковых прац і публікацый, уладальніца патэнту на вынаходніцтва.