Лясковіч Марыя

Марыя Лясковіч (1864-1939)

Педагог, асветніца, грамадскі дзеяч. Заснавальніца прафесійнай школы для дзяўчат у Ішчална.

Нарадзілася у 02.02.1864 годзе ў маёнтку Пяткоўшчына Лідскага павета (зараз – Воранаўскі раён).

Вучылася ў пансіянаце Рачыньскай у Варшаве.

Вярнуўшыся ў родныя мясціны, вырашыла прысвяціць сябе асветніцтву. Заснавала ў Пяткоўшчыне падпольную школу, дзе вучыла дзяцей мясцовых палякаў, беларусаў, яўрэяў. 

З-за пераследу з боку царскіх уладаў была вымушана зачыніць школу і з’ехаць у Варшаву, дзе арганізоўвала лекцыі па польскай мове і гісторыі.

Наведала Швейцарыю, Францыю, Бельгію, дзе вывучала перадавыя падыходы ў педагогіцы, удзельнічала ў Міжнародных педагагічных кангрэсах.

У 1924 годзе ў будынках былой пошты ў Ішчална заснавала прыватную прафесійную школу для дзяўчат. На разбудову і ўтрыманне школы ўкладала ўласныя сродкі.

За сваю асветніцкую дзейнасць была адзначана Залатым Крыжам заслугі і Ордэнам адраджэння Польшчы.

Памерла 22.05.1939 у Ішчална, дзе і была пахавана.