Кірвель Іван

Іван Іосіфавіч Кірвель 

Беларускі навуковец і педагог. Доктар геаграфічных навук, прафесар.

Нарадзіўся 08.01.1950 у вёсцы Арцюшы (зараз –  Шчучынскі раён).

Скончыў Арцюшоўскую васьмігадовую школу (1963), Васілішкаўскую сярэднюю школу (1966), геаграфічны факультэт БДУ (1972), аспірантуру.

Працаваў настаўнікам Забалацкай сярэдняй школы Воранаўскага раёна, інжынерам-гідролагам у Беларускім праектным інстытуце меліярацыі. 

З 1979 па 1984 год працаваў у Міністэрстве прыродных рэсурсаў і аховы навакольнага асяроддзя БССР.

З 1984 года выкладаў у Беларускім дзяржаўным педагагічным універсітэце.  

Доктар геаграфічных навук, прафесар, загадчык кафедры экалогіі БДПУ. 

Вобласць навуковых даследаванняў: комплекснае выкарыстанне і ахова  водных рэсурсаў, апублікаваў 90 навуковых і навукова-метадычных прац.

З 2012 года выкладае ў Паморскай акадэміі ў Слупску (Польшча).