Мароз Ян

Ян Мароз (1886-1952)

Каталіцкі святар, рэлігійны і грамадскі дзеяч, ахвяра рэпрэсій.

Нарадзіўся ў 1886 годзе ў вёсцы Крычава (зараз – Міёрскі раён).

У 1909 годзе скончыў Віленскую духоўную семінарыю.

Да 1912 года быў капеланам парафіі ў Лідзе, потым – адміністратарам парафіі ў Шчучыне.

З 1912 года быў прызначаны пробашчам касцёла ў Ражанцы.

У 1918 годзе прымаў актыўны ўдзел у грамадскім жыцці. З’яўляўся намеснікам старшыні рады павета Шчучын-Плянты, якая займалася фармаваннем мясцовай польскай самаабароны.

Пасля пачатку Другой усясветнай вайны застаўся ў Ражанцы і працягваў служыць у касцёле.

У лютым 1949 года быў арыштаваны органамі НКВД. Па абвінавачванні ў антысавецкай дзейнасці быў прыгавораны да 25 гадоў зняволення.

Памёр 29.03.1952 у адным з лагероў Дубраўлагу ў пасёлку Явас (Мардовія).

Рэабілітаваны ў 1993 годзе калегіяй Вярхоўнага суда Рэспублікі Беларусь.