Дрозд Сяргей

Дрозд Сяргей Сцяпанавіч

Педагог, краязнавец, літаратуразнавец. 

Нарадзіўся 05.01.1927 у вёсцы Прэціма (зараз – Шчучынскі раён).

У 1947 годзе скончыў Гродзенскую педагагічную вучэльню.

У 1951 годзе скончыў аддзяленне беларускай мовы і літаратуры літаратурнага факультэта Гродзенскага педагагічнага інстытута.

Працаваў у школах горада Гродна, у рэдакцыі газеты «Гродзенская праўда».

Затым настаўнічаў у вучэльні алімпійскага рэзерву. 

На працягу 13 гадоў узначальва метадычную секцыю настаўнікаў беларускай мовы і літаратуры горада Гродна. 

У 1976 годзе скончыў завочна аспірантуру ў Інстытуце літаратуры Акадэміі навук Беларусі. 

Аўтар шматлікіх артыкулаў у галіне гістарычнага і літаратурнага краязнаўства, навуковых дакладаў, даследаванняў пра беларуска-польскія літаратурныя сувязі.

У 1998 годзе ў Гродна выдаў манаграфію «Адам Міцкевіч і Янка Купала: духоўнае пабрацімства».