Гурын Андрэй

Андрэй Леанідавіч Гурын

Урач-акушэр, выкладчык, кандыдат медыцынскіх навук.

Нарадзіўся 08.08.1972 у гарадскім пасёлку Жалудок (Шчучынскі раён).

У 1995 годзе скончыў Гродзенскі дзяржаўны медыцынскі ўніверсітэт.

У 1995-1998 гадах працаваў урачом-гінеколагам раддома ў горадзе Бабруйску.

У 1998-2001 гадах навучаўся ў аспірантуры Гродзенскага дзяржаўнага медыцынскага ўніверсітэта.

У 2001-2006 гадах – асістэнт, з 2006 года – дацэнт кафедры акушэрства і гінекалогіі Гродзенскага дзяржаўнага медыцынскага ўніверсітэта.

У 2004 годзе абараніў кандыдацкую дысертацыю.

З 2006 года – дэкан педыятрычнага факультэта ўніверсітэта.

Аўтар больш чым 30 навуковых прац. Навуковыя даследаванні прысвечаны эндаскапічным метадам дыягностыкі ў акушэрстве і гінекалогіі.