Жук Ігар

Ігар Георгіевіч Жук

Дзяржаўны дзеяч, доктар медыцынскіх навук, Заслужаны работнік адукацыі Рэспублікі Беларусь.

Нарадзіўся 03.08.1956 года ў гарадскім пасёлку Астрына (зараз – Шчучынскі раён).

Скончыў Гродзенскі дзяржаўны медыцынскі інстытут. 

З 1979 па 1980 год – урач-інтэрн Мінскай абласной клінічнай бальніцы, урач-хірург Плешчаніцкай другой раённай бальніцы Лагойскага раёна Мінскай вобласці. 

З 1980 па 2009 год працаваў у ГрДМУ асістэнтам, дацэнтам кафедры аперацыйнай хірургіі і тапаграфічнай анатоміі, прарэктарам, першым прарэктарам. 

З ліпеня 2009 па красавік 2014 года – намеснік старшыні Гродзенскага аблвыканкама. 

З красавіка 2014 года абраны старшынёй Гродзенскага абласнога Савета дэпутатаў.

21 сакавіка 2022 года прызначаны рэктарам Гродзенскага дзяржаўнага медыцынскага ўніверсітэта.

Доктар медыцынскіх навук, прафесар. 

З’яўляецца аўтарам каля 300 навуковых публікацый, у тым ліку дзвюх манаграфій, 10 патэнтаў. 

Узнагароджаны медалём Францыска Скарыны і медалём «За працоўныя заслугі». У 2022 годзе інфармацыя аб Ігары Георгіевічы ўнесена ў Кнігу Славы Гродзенскай вобласці, а ў 2024 годзе – у Кнігу славы горада Гродна.

Артыкул у Вікіпедыі