Цвірко Наталля

Наталля Лявонаўна Цвірко

Беларуская паэтка і педагог.

Нарадзілася 01.07.1980 на станцыі Скрыбаўцы Шчучынскага раёна. 

Скончыла Скрыбаўскую сярэднюю школу, філалагічны факультэт Гродзенскага дзяржаўнага ўніверсітэта імя Янкі Купалы. 

Працавала ў школах Гродзенскага раёна і горада Мінска. 

Вярнулася на малую радзіму і працуе настаўніцай беларускай мовы і літаратуры ў Скрыбаўскай сярэдняй школы. 

З сакавіка 2017 года ў шэрагах Саюза пісьменнікаў Беларусі. 

Піша на беларускай і рускай мовах. Творы друкуюцца на старонках перыядычных выданняў.

З’яўляецца лаўрэаткай конкурсу прысвечанага 100-годдзю з дня нараджэння Э.Агняцвет, конкурсу «Песняры Гарадзенскай зямлі», уладальніцай спецыяльнага прыза конкурсу «Гродна – культурная сталіца Беларусі-2014». 

У верасні 2015 года ў спецыяльнай серыі Саюза пісьменнікаў Беларусі «Маладая паэзія Беларусі» выйшаў зборнік вершаў Наталлі Цвірко «Крылы забытых мар». Таксама вершы надрукаваны ў двух калектыўных зборніках: «У прыгаршчах Айчыны» і «Пяшчота верасу».

У 2021 годзе была ўзнагароджана медалём Міжнароднага саюза пісьменнікаў і майстроў мастацтваў «Ганароваму настаўніку творчай моладзі».