Мілінкевіч Аляксандр

Аляксандр Уладзіміравіч Мілінкевіч

Беларускі навуковец, грамадскі дзеяч, палітык, краязнаўца.

Нарадзіўся 25.07.1947 у Гродна.

Скончыў СШ №1 горада Гродна.

У 1969 годзе скончыў фізічна-матэматычны факультэт Гродзенскага педінстытута. 

У 1969-1972 гадах вучыўся ў аспірантуры Інстытута фізікі Акадэміі навук Беларусі. Працаваў малодшым навуковым супрацоўнікам гэтага інстытута. 

Кандыдат фізіка-матэматычных навук (1976). 

З 1976 выкладаў у Гродзенскім педінстытуце (універсітэце). 

У 1980-1984 гадах – загадчык курса агульнай фізікі ў Сеціфскім універсітэце (Алжыр). 

З 1984 года – дацэнт кафедры агульнай і тэарэтычнай фізікі Гродзенскага ўніверсітэта. 

У 1990-1996 гадах быў намеснікам старшыні Гродзенскага гарвыканкама (па пытаннях

культуры, адукацыі, спорту, рэстаўрацыі помнікаў архітэктуры, міжнародных адносін). 

З 1996 года – старшыня Гродзенскага абласнога грамадскага аб'яднання «Ратуша». 

У 1996 абраны старшынёй Рады Гродзенскага ТБШ.

У кастрычніку 2005 года на Кангрэсе дэмакратычных сіл быў абраны «адзіным кандыдатам ад дэмакратычных сіл». Удзельнічаў у выбарах прэзідэнта Беларусі ў 2006 годзе; паводле афіцыйных звестак, набраў 6 % галасоў выбаршчыкаў. 

У 2006-2016 гадах узначальваў Рух «За Свабоду».

Апошнія гады шмат часу праводзіць на радзіме продкаў у вёсцы Бершты.

Аўтар навуковых прац па квантавай электроніцы, квантавай механіцы, ядзернай тэхніцы.

Артыкул у Вікіпедыі