Карнецка (Іваноўская) Ганна

Ганна Вацлаваўна Іваноўская (у шлюбе –  Карнецка) 

(1914-2017)

Польская гаспадарчая і грамадская дзяячка. Праведніца народаў свету.

Нарадзілася 23.08.1914 у Вільні ў сям'і Вацлава Іваноўскага і Сабіны з Янчыкоўскіх.

Скончыла Віленскую гімназію імя Элізы Ажэшкі.

Атрымала спецыяльнасць інжынера агратэхнікі ў Галоўнай Школе Сельскай Гаспадаркі ў Варшаве.

Пасля нападу гітлераўцаў на СССР па просьбе бацькі Ганна разам са сваёй маці і цёткай Аленай Скіндар пасялілася ў маёнтку Рагачоўшчына на Шчучыншчыне, дзе яны хавалі ад нацыстаў дзвюх яўрэек з Вільні.

Ганну схапілі гестапаўцы і змясцілі ў Лідскую турму. Родным удалося выкупіць яе з няволі.

У 1944 годзе Ганна са сваімі блізкімі перабіраецца ў Польшчу. Тут некаторы час яна працавала ў місіі ААН. Пазьней была супрацоўнікам Галоўнай Школы Сельскай Гаспадаркі ў Варшаве і навукова-даследчага інстытута харчавання.

Захаплялася лыжным і яхтавым спортам, актыўна папулярызавала заняткі спортам сярод школьнай моладзі.

Узнагароджана Камандорскім Крыжам Ордэна Адраджэння Польшчы і медалём Праведнікаў народаў свету. З'яўлялася Дамай Рыцарскага Ордэна Святой Труны Гасподняй Іерусалімскай.   

Памерла 14.10.2017 у Варшаве. 

Артыкул у Вікіпедыі