Раўкуць Юзаф

Юзаф Антонавіч Раўкуць 

Беларускі балетмайстар і педагог, Заслужаны артыст Беларусі.

Нарадзіўся 01.01.1954 у Шчучыне.

У 1972 годзе скончыў Беларускую харэаграфічную вучэльню.

З 1972 па 1993 гады выступаў на сцэне Дзяржаўнага акадэмічнага Вялікага тэатра оперы і балета Беларусі. 

Танцоўшчык лірыка-рамантычнага жанру. 

Сярод выкананых ім партый: Жан дэ Брыен («Раймонда»), Альберт («Жызель»), Джэймс («Сільфіда»), Прынц («Лебядзінае возера», «Шчаўкунок», «Спячая прыгажуня»), Нявольнік, Крас («Спартак»).

Стварыў выразныя вобразы ў нацыянальных балетах: Сын («Крылы памяці»), Князь, Кароль Філіп («Курган», «Тыль Уленшпігель»).

У 1989 годзе атрымаў ганаровае званне «Заслужаны артыст Беларусі».