Чашчэвік Антон

Антон Баляслававіч Чашчэвік

Навуковец, доктар біялагічных навук, прафесар.

Нарадзіўся 01.01.1942 у вёсцы Тур'я (зараз – Шчучынскі раён).

У 1969 годзе скончыў біялагічны факультэт Беларускага дзяржаўнага ўніверсітэта.

З 1970 года працаваў у Беларускім навукова-даследчым інстытуце экспертызы працаздольнасці і арганізацыі працы інвалідаў. У 1974 годзе абараніў кандыдацкую, а ў 1987 годзе – доктарскую дысертацыю.

Заснаваў шэсць новых даследчых накірункаў, звязаных з распрацоўкай малекулярных механізмаў развіцця і дыягностыкі захворванняў сардэчна-сасудыстай сістэмы. Аўтар тэхналогіі стварэння комплексаў прыбораў медыцынскага прызначэння.

З 1997 года ўзначаліў Цэнтр сацыяльных праблем Інстытута сацыяльна-палітычных даследаванняў пры Адміністрацыі Прэзідэнта (ІСПД). 

З 2003 года – начальнік Цэнтра палітычных даследаванняў ІСПД. 

З 2006 года – галоўны саветнік Інфармацыйна-аналітычнага цэнтра пры Адміністрацыі Прэзідэнта.

Аўтар больш чым 400 навуковых прац і публікацый, у тым ліку 26 манаграфій.