Піліпчык Антон

Антон Сямёнавіч Піліпчык (1948-2025)

Беларускі пісьменнік, паэт, журналіст.

Нарадзіўся ў 1948 годзе ў вёсцы Сухары Шчучынскага раёна. 

Скончыў журфак БДУ і аддзяленне друку, радыё і тэлебачання Мінскай Вышэйшай Партыйнай Школы. 

У 1967-1973 гадах працаваў у рэдакцыі шчучынскай раённай газеты.

Пазней стаў супрацоўнікам астравецкай раёнкі, а з кастрычніка 1979 па лістапад 2014 года – на працы ў.іўеўскай газеце. 

Вершы друкаваліся ў раённым друку і абласной газеце «Гродзенская праўда», штогодніку «Галасы», рэспубліканскіх газетах «Чырвоная змена» і «Беларуская ніва», часопісе «Беларусь», у зборніку «Ад лідскіх муроў». 

У перыядычным друку змяшчаліся таксама гумарэскі і апавяданні. У прыватнасці, у газеце «Звязда», газеце «Рэспубліка», альманаху «Вожык». 

У 2015 годзе Антон Сямёнавіч стаў фіналістам другога абласнога конкурсу рукапісаў імя Цёткі. Адзін з суаўтараў калектыўных зборнікаў «Іўеўшчына літаратурная»  і «У прыгаршчах Айчыны» (2015).

Жыў у горадзе Бярозаўка Лідскага раёнаі. 

Аўтар зборнікаў вершаў «Лятуць восені, зімы, як і вёсны, і леты…» (2018), «Безбярэжжа» (2020), кнігі прозы «Пакуль сонейка ззяе…» (2019). 

Памёр 14.06.2025 у Бярозаўцы. Пахаваны на Шчучыншчыне.