Шаняўска Ганна

Ганна Шаняўска (з роду Сцыпіё дэль Кампа) 

(1730-1795)   

Польская арыстакратка, старасціня Малагошчы, уласніца папулярнага Варшаўскага салона.

Нарадзілася каля 1730 года ў сям'і ўладальнікаў Шчучына Юзафа Сцыпіё дэль Кампа і Веранікі з роду Фірлеяў.

У 1747 годзе пабралася шлюбам з Канстанцыем Феліцыянам Шаняўскім.

У сваім варшаўскім палацы арганізоўвала салон, на якім збіралася сталічная эліта. Сябравала з сястрой караля Станіслава Аўгуста Панятоўскага вядомай мецэнаткай і асветніцай Ізабэлай Браніцкай. Ганна была частай госцяй манарха ў каралеўскім замку і ў Лазенкоўскім палацы.

Уваходзіла ў склад утворанай у Варшаве ў 1782 годзе адапцыйнай масонскай ложы дамскай дабрачыннасці.

Была прыхільніцай прыняцця Канстытуцыі 3 мая 1791 года.

Памерла ў Варшаве 02.02.1795.

Артыкул у Вікіпедыі