Маскевіч Аляксандр

Аляксандр Аляксандравіч Маскевіч 

Беларускі навуковец і педагог, доктар фізіка-матэматычных навук.

Нарадзіўся 27.02.1957 у вёсцы Быкаўка  (зараз – Шчучынскі раён).

У 1974 годзе скончыў Ракавіцкую сярэднюю школу.

У 1978 годзе скончыў фізічны факультэт Гродзенскага дзяржуніверсітэта. 

Працаваў ва ўніверсітэце на пасадах інжынера, малодшага навуковага супрацоўніка, загадчыка лабараторыі, навуковага супрацоўніка, старшага навуковага супрацоўніка. 

У 1987 годзе скончыў аспірантуру пры БДУ, у 1991 годзе абараніў кандыдацкую дысертацыю па тэме «Даследаванне рэлаксацыйных працэсаў і рухомасці трыптафанавых астаткаў у бялках метадам імпульснай флуарыметрыі». 

З 1992 года пачаў працаваць у якасці старшага выкладчыка, пазней – дацэнта, загадчыка кафедры агульнай фізікі.

У 2005 годзе абараніў доктарскую дысертацыю.

Вобласць навуковых інтарэсаў – флуарэсцэнцыя бялкоў і біялагічна актыўных малекул, матэматычнае мадэляванне працэсаў затухання флуарэсцэнцыі.