Адам Тадэвуш Хадкевіч (1711-1745)

Дзяржаўны дзеяч Вялікага княства Літоўскага, уладальнік Вялікага і Малога Мажэйкава.

Прадстаўнік магнацкага роду Хадкевічаў.

Нарадзіўся ў 1711 годзе ў сям'і блудзенскага старосты Яна Караля Хадкевіча і Цэцыліі Соф’і з Сапегаў. Рана страціў бацьку. Адукацыю атрымаў у Нямеччыне і Францыі.  

Займаў пасаду старосты блудзенсага, вялёнскага і даўгялішскага. 

Доўгі час жыў у Вялікім Мажэйкаве, дзе арганізаваў грунтоўную перабудову маёнтку пад сваю родавую рэзідэнцыю.

У 1733 годзе на выбарах караля галасаваў за кандыдатуру Аўгуста Саксонскага, а ў 1735 годзе падпісаў Варшаўскую канфедэрацыю ў падтрымку апошняга. У тым жа годзе атрымаў пасаду ваяводы берасцейскага.

У 1740 годзе быў узнагароджаны ордэнам Белага Арла.

Памёр 03.08.1745.

Артыкул у Вікіпедыі