Нарбут Казімір

Казімір (Даніэль) Нарбут (1738-1807)

Асветнік, філосаф і педагог, выпускнік і выкладчык Шчучынскай школы піяраў.

Нарадзіўся 03.01.1738 у Крупе каля Ліды ў шляхецкай сям'і.

Адукацыю атрымаў у Шчучыне ў піярскай школе. 

У 1755 годзе Нарбут рашае уступіць ў ордэн піяраў. Паслушніцтва праходзіў у Любяшове каля Пінска, затым 2 гады вучыўся ў Дуброўніцы. 

З 1759 года ён вучыца ў Віленскім піярскім калегіуме. Бацькі вырашылі за свой кошт накіравць таленавітага юнака на вучобу ў Рым. На працягу 4 гадоў Нарбут удасканальвае свае веды. 

У 1764 годзе Нарбута прызначылі прафесарам і прэфектам у Дуброўніцу. Затым яго перавялі ў Вільню. 

Нарбут напісаў першую польскамоўную логіку, якая пад назвай «Логіка, або прадумвання і разважання рэчаў навука» была надрукавана ў 1769 годзе ў Вільні. 

Школьнай кнігай, якую Нарбут напісаў і выдаў у віленскі перыяд, былі і «З філасофіі выбраныя думкі».  

З 1770 па 1774 год як апякун сыноў літоўскага падскарбія ён наведаў Германію і Францыю. 

Прымаў удзел у рабоце Адукацыйнай Камісіі ў Варшаве. 

Пасля трэцяга падзелу Рэчы Паспалітай адыйшоў ад спраў, жыў у вёсцы Радзівонішкі пад Лідай. 

Памёр 17.03.1807. Пахаваны ў Радзівонішках, у падзямеллі ўніяцкай царквы.

Артыкул у Вікіпедыі