Карацінская Дар'я

Дар'я Мікалаеўна Карацінская

Беларускі мовазнавец і педагог.

Нарадзілася 03.03.1942 у Астрыне (зараз – Шчучынскі раён).

У 1959 годзе скончыла Гродзенскую сярэднюю школу №7.

У 1964 годзе скончыла беларускае аддзяленне гісторыка-філалагічнага факультэта Гродзенскага дзяржаўнага педагагічнага інстытута імя Янкі Купалы.

У 1964-1965 гадах працавала настаўніцай нямецкай мовы, гісторыі і грамадазнаўства Жытамлянскай СШ Гродзенскага раёна. 

З верасня 1965 года – выкладчык кафедры рускай і беларускай моваў Гродзенскага педінстытута. 

У 1982 годзе абараніла кндыдацкую дысертацыю «Лексічная аманімія назоўнікаў у сучаснай беларускай літаратурнай мове».

Пасля сканчэння аспірантуры працавала ў Гродзенскім дзяржаўным педагагічным інстытуце імя Янкі Купалы, а затым дзяржуніверсітэце выкладчыкам, старшым выкладчыкам, дацэнтам кафедры беларускай мовы. У 1974-1983 гадах выконвала абавязкі намесніка дэкана філалагічнага факультэта па навукова-даследчай рабоце. 

Асноўная тэматыка навуковых публікацый: лексікалогія, марфеміка, словаўтварэнне, марфалогія сучаснай беларускай мовы. 

Сябра Таварыства Беларускай Мовы імя Ф.Скарыны.