Аляхновіч Іван

Іван Аляхновіч (1886-1943)

Праваслаўны святар, настаяцель цэркваў у Ракавічах і Турэйску, ахвяра вайны.

Нарадзіўся 15.01.1886 у мястэчку Докшыцы (Віцебская вобласць). 

З 1904 года працаваў на паштова-тэлеграфнай станцыі па сваёй першай адукацыі. 

У час Першай усясветнай вайны быў начальнікам палявога тэлеграфнага аддзялення ў расійскай арміі. 

У 1919 годзе быў прызначаны псаломшчыкам Віленскага кафедральнага сабора, іпадыяканам. 

У 1921 годзе скончыў багаслоўскія класы Віленскай духоўнай семінарыі, рукапакладзены ў сан іерэя. 

Служыў настаяцелем у Жыжме (Іўеўскі раён). 

У 1924 годзе пераведзены ў мястэчка Дакудава (Лідскі раён). 

У 1930-34 гадах служыў у вёсцы Сарокі (Глыбоцкі раён). 

У верасні 1934 года прызначаны настаяцелем царквы ў Турэйску. Адначасова служыў у царкве ў Ракавічах. 

05.09.1943 разам з матушкай Вольгай быў закатаваны (верагодна партызанамі Арміі Краёвай). 

Пахаваны ў Шчучыне.