Глазкоў Ілля

Ілля Міхайлавіч Глазкоў (1922-1996)

Партызанскі камандзір, дзяржаўны дзеяч, доктар тэхнічных навук, лаўрэат Дзяржпрэміі СССР, Ганаровы грамадзянін Шчучына.

Нарадзіўся 01.08.1922 у горадзе Генічаск (зараз – Херсонская вобласць Украіны).

Падчас Вялікай Айчыннай вайны трапіў у акружэнне, прайшоў шлях ад радавога партызана да камісара атрада «Красногвардейский» і камандзіра атрада «Борьба», якія дзейнічалі на Шчучыншчыне.

З 1944 года знахадзіўся на камсамольскай і партыйнай рабоце.

У 1954 годзе скончыў Беларускі політэхнічны інстытут. 

У 1961-1974 гадах працаваў галоўным канструктарам, начальнікам канструктарскага бюро, генеральным дырэктарам навукова-вытворчага аб'яднання ў Мінску.

У 1973 годзе ўдастоены Дзяржаўнай прэміі СССР.

З 1974 года – намеснік старшыні Савета Міністраў БССР. 

У 1982-1994 гадах – прафесар кафедры сучасных электронных тэхналогій у Мінскім радыётэхнічным інстытуце. Доктар тэхнічных навук.

У знагароджаны ордэнамі Айчыннай вайны 1-й ступені, Леніна, Чырвонага Сцяга, Дружбы Народаў.  

Ганаровы грамадзянін горада Шчучына, гарадскога пасёлка Дзятлава і Мастоўскага раёна.

Памёр 16.05.1996. Пахаваны ў Мінску на Усходніх могілках.

Артыкул у Вікіпедыі