Куляшоў Мікалай

Мікалай Васільевіч Куляшоў

Навуковец, педагог, доктар фізіка-матэматычных навук.

Нарадзіўся 10.08.1957 у Галавічполі (зараз – Шчучынскі раён).

Скончыў факультэт фізікі Беларускага дзяржаўнага ўніверсітэта.

У 1979-1993 гадах працаваў у НДІ прыкладных фізічных праблем БДУ.

У 1993-1995 гадах – намеснік дырэктара Міжнароднага лазернага цэнтра БДУ.

З 1995 года перайшоў на працу ў Беларускі нацыянальны тэхнічны ўніверсітэт, дзе з 2009 года ўзначаліў кафедру «Лазерная тэхніка і тэхналогія».

У 1991 годзе абараніў кандыдацкую дысертацыю па спецыяльнасці «Оптыка».

У 1998 годзе атрымаў навуковую ступень доктара фізіка-матэматычных навук па спецыяльнасцях «Оптыка» і «Лазерная фізіка».

З 2021 года з'яўляецца сябрам-карэспандэнтам НАН Беларусі.

Узнагароджаны орждэнам Айчыны 3-й ступені.

Аўтар больш чым 300 навуковых і метадычных прац, уладальнік 6 аўтарскіх пасведчанняў і патэнтаў.

Артыкул у Вікіпедыі