Казяк Вінцэнты

Вінцэнты Іванавіч Казяк (1943-2022)

Беларускі дзяржаўны дзеяч, ганаровы грамадзянін Шчучына.

Нарадзіўся 08.08.1943 у вёсцы Куляшы (зараз – Смаргоньскі раён).

Скончыў Мінскую вышэйшую партыйную школу, Гродзенскі сельскагаспадарчы інстытут.

Працоўную дзейнасць пачаў брыгадзірам паляводчай брыгады калгаса «Шлях камунізму» Смаргонскага раёна Гродзенскай вобласці.

Пасля службы ў войску на партыйнай рабоце ў Смаргоньскім райкаме і Гродзенскім абкаме КПБ.

У 1982 годзе прызначаны першым сакратаром Шчучынскага райкама КПБ. Займаў пасады старшыні Шчучынскага раённага Савета дэпутатаў, старшыні Шчучынскага райвыканкама.

Абіраўся дэпутатам Вярхоўнага Савета Рэспублікі Беларусь і Палаты прадстаўнікоў Нацыянальнага сходу Рэспублікі Беларусь.

Узнагароджаны ордэнамі Працоўнага Чырвонага Сцяга, «Знак Пашаны», Айчыны ІІІ ступені.

Памёр 11.05.2022 у Шчучыне.

Артыкул у Вікіпедыі