Пяшко Іван

Іван Рыгоравіч Пяшко 

Беларускі пісьменнік і журналіст.

Нарадзіўся 04.12.1941 у вёсцы  Ляшчыцы (цяпер – Гродзенскі раён).

У 1958 годзе скончыў Скідзельскую сярэднюю школу №1.

Вучыўся ў ПТВ №7 у Гродне. Працаваў электрыкам.

Скончыў Гродзенскі педагагічны інстытут, настаўнічаў у Шчучынскім раёне.

Скончыў Вышэйшыя курсы сцэнарыстаў і рэжысёраў у Маскве. 

З 1984 па 2006 год працаваў намеснікам рэдактара Шчучынскай раённай газеты. 

Аўтар кніг прозы «Чырвоная клубніка» (1977), «Марго з Казарэзаў» (1992), «Сцэнарый з сямідзясятых» (1997), «На тым беразе» (2007). У 1993 годзе ў часопісе «Маладосць» апублікаваў аповесць «Дзе логіка». Асобныя творы ўвайшлі ў калектыўныя зборнікі прозы «Радня» (1980), «Вожык смяецца» (1992). 

Сябра Саюза беларускіх пісьменнікаў з 1998 года.

Артыкул у Вікіпедыі