Вярцінскі Аляксандр

Аляксандр Эдмундавіч Вярцінскі

Дзяржаўны дзеяч.

Нарадзіўся 27.02.1948 у вёсцы Пашыцы (зараз – Шчучынскі раён).

У 1973 годзе скончыў Гродзенскі педагагічны інстытут.

Працаваў карэктарам Шчучынскай раённай газеты «Савецкая вёска», загадчыкам аддзелу пісем Дзятлаўскай раённай газеты «Перамога», настаўнікам Сарокінскай і Баліцкай школаў Шчучынскага раёна.

У 1975-1978 гадах – дырэктар Біцеўскай школы Шчучынскага раёна.

У 1978 годзе пераязджае ў Смаргонь.

У 1986-1993 гадах – намеснік старшыні Смаргоньскага гарвыканкама.

У 1990 годзе абраны дэпутатам Вярхоўнага Савета Рэспублікі Беларусь.

У 1995 годзе скончыў Беларускі інстытут правазнаўства.

З 1995 года працаваў у апараце Сакратарыята Вярхоўнага Савета Рэспублікі Беларусь (Нацыянальнага сходу Рэспублікі Беларусь).

27.02.2013 года выйшаў у адстаўку.

Суаўтар выданняў «Парламент – Национальное собрание Республики Беларусь», «Кто есть кто в Республике Беларусь».