Будрэвіч Віктар

Віктар Іосіфавіч Будрэвіч

Гаспадарчы і дзяржаўны дзеяч.

Нарадзіўся 11.08.1940 у вёсцы Піляўсі (зараз – Шчучынскі раён).

У 1963 годзе скончыў Гродзенскі сельскагаспадарчы інстытут.

Працоўную дзейнасць распачаў у калгасе «Октябрь» Шчучынскага раёна.

Пасля заканчэння ВНУ працаваў заатэхнікам-селекцыянерам у Ваўкавыскай племянной станцыі.

З 1966 года працуе у Зельвенскім раёне – галоўным заатэхнікам сельгасупраўлення, старшынёй калгасаў.

З 1995 па 2000 год быў старшынёй Зэльвенскага раённага выканаўчага камітэта.

З 2000 па 2005 год – старшыня Зельвенскага райкама прафсаюзаў работнікаў АПК.

Сябра Камуністычнай партыі Беларусі з 1968 па 1991 год. Уваходзіў у склад Гродзенскага абкама КПБ (1981-1984).

Пераможца сацыялістычнага спаборніцтва ў 1973 і 1976 гадах, шматразовы удзельнік ВДНГ.

Узнагароджаны ордэнам «Знак Пашаны» у 1976 годзе.

Звесткі аб ім занесены ў Кнігу Славы Зельвенскага раёна ў 2008 годзе.