Шота Альфрэд

Альфрэд Тадэвушавіч Шота (1929-2021)

Заслужаны будаўнік БССР. Ганаровы грамадзянін горада Шчучына.

Нарадзіўся 14.09.1929 у Гродна.

У 1930-я гады сям’я перабралася з Гродна ў Лунна (Мастоўскі раён).

Пад час Другой усясветнай вайны ваяваў у складзе 7 батальёна 77 палка пяхоты Арміі Краёвай. Пасля выгнання гітлераўцаў працягваў партызанскую барацьбу.

У 1948 годзе быў арыштаваны органамі НКВД.

Асуджаны на 25 гадоў зняволення.

У 1955 годзе быў вызвалены па амністыі і вярнуўся з Сібіры на радзіму.

Працаваў у будаўнічых арганізацыях.

Узначальваў Шчучынскую МПМК-167.

У 1989 годзе ўдастоены звання Заслужаны будаўнік БССР.

Узнагароджаны ордэнам «Знак Пашаны», ордэнам Працоўнага Чырвонага Сцяга, медалём «За заслугі ў будаўнічай галіне». 

У 2007 годзе атрымаў званне «Ганаровы грамадзянін горада Шчучына».

Памёр у Шчучыне 18.08.2021.