Нікалаеў Мікалай

Мікалай Віктаравіч Нікалаеў 

Беларускі навуковец, доктар філалагічных навук, гісторык.

Нарадзіўся ў Шчучыне 21.02.1955. 

У час вучобы на гістарычным факультэце БДУ спецыялізаваўся ў археалогіі. Разам з ленінградцамі пад кіраўніцтвам нястомнай шукальніцы Фрыды Гурэвіч удзельнічаў у раскопках Замкавай гары старажытнага Новагрудка. 

З 1978 года жыве ў горадзе над Нявой. 

Працаваў у Інстытуце археалогіі АН СССР, удзельнічаў у раскопках Старой Ладагі. Але неўзабаве асноўным месцам працы вучонага стала другая па значнасці бібліятэка краіны, якая насіла імя Салтыкова-Шчадрына. 

Кандыдат філалагічных навук (1988).

Доктар філалагічных навук (1997). 

Аўтар фундаментальных даследаванняў «Палата кнігапісная», «Кніжная культура Вялікага Княства Літоўскага», «Беларускі Пецярбург» і іншых. 

Яго працы друкаваліся ў перыядычных выданнях і зборніках Беларусі, Германіі, Літвы, Польшчы, Расіі.

Адзін з стваральнікаў і кіраўнік Беларускага грамадска-культурнага таварыства ў Санкт-Пецярбургу.

Артыкул у Вікіпедыі