Аляксандраў Валянцін

Валянцін Валянцінавіч Аляксандраў (1919-1943)

Нарадзіўся 17.09.1919 у Маскве.

У 1939 годзе паступіў у Маскоўскі аўтамеханічны інстытут. Адначасова працаваў токарам у майстэрнях.

14 ліпеня 1941 года запісаўся добраахвотнікам на фронт.

Пасля завяршэння навучальнага курсу ў дыверсійнай школе быў накіраваны ў тыл ворага ў складзе асобнагй дыверсійнай групы «Мститель». Цягам 14 месяцаў быў намеснікам камандзіра партызанскага атрада ў Барысаўскім раёне.

Восенню 1943 года быў закінуты на тэрыторыю Баранавіцкай вобласці. Прызначаны намеснікам камандзіра ўзводу ў партызанскім атрадзе «Звезда» брыгады імя Кастуся Каліноўскага.

15 лістапада 1943 года каля вёскі Пілаўня партызаны трапілі ў нямецкую засаду. Валянцін Аляксандраў адважна павёў узвод на прарыў, у выніку чаго партызаны здолелі паспяхова выйсці з акружэння. У баі Аляксандраў атрымаў смяротнае раненне.

9 ліпеня 1967 года адбылося ўрачыстае перапахаванне Валянціна Аляксандрава каля школы ў вёсцы Бершты. На магіле пазней быў усталяваны помнік, які спраектавала сястра загінулага.

Узнагароджаны ордэнам Чырвонага Сцяга, ордэнам Айчыннай вайны ІІ ступені (пасмяротна).