ЧАС ПАБУДОВЫ: 

1674 год; 

грунтоўна перабудаваны ў 1827 годзе;

капітальна рамантаваўся ў 1924-1925 гадах;

рамантаваўся ў 1990 годзе пасля вяртання вернікам. 

АРХІТЭКТАРЫ: 

аўтарам праекту грунтоўнай перабудовы храма ў 1827 годзе быў вядомы архітэктар Генрых Марконі. 

АРХІТЭКТУРНЫ СТЫЛЬ: 

неаготыка.

ЦІКАВЫЯ ФАКТЫ:

Існуе версія, што перчапачаткова храм будаваўся як пратэстанцкі збор, а пазней быў пераасвечаны ў каталіцкі касцёл.

Храм лічыцца адным з першых узораў неагатычнай архітэктуры на тэрыторыі Беларусі. Фундатарам грунтоўнай перабудовы касцёла ў 1827 годзе быў уладальнік Ражанкі Людвік Міхал Пац.

На галоўным франтоне храма размешчаны герб Пацаў як напамін аб тым, што менавіта адсюль бярэ пачатак гэты славуты магнацкі род.

У 1949 годзе святар Ян Мароз быў арыштаваны органамі НКВД і па абвінавачванні ў антысавецкай дзейнасці прыгавораны да 25 гадоў зняволення. Праз тры гады ксёндз загінуў у адным з лагероў Дубраўлагу ў пасёлку Явас (Мардовія).

У 1960 годзе храм забралі ў вернікаў і пачалі выкарыстоўваць у якасці складу мінеральных угнаенняў. На сценах касцёла да гэтай пары праступаюць плямы ад калійнай солі. 

У 1974 годзе (300-гадовы юбілей храма) касцёл моцна пацярпеў ад пажару. Быў цалкам знішчаны дах. Храм вярнулі вернікам толькі ў 1989 годзе. 

14.05.2007 пастановай Савету Міністраў храму нададзены статус гісторыка-культурнай каштоўнасці другой катэгорыі.

ГЕАГРАФІЧНЫЯ КААРДЫНАТЫ:

гуглмапс

СПАСЫЛКІ Ў СЕЦІВЕ:

артыкул у Вікіпедыі

старонка на рэсурсе Radzima.org

старонка на партале Глобус Беларусі

старонка на сайце Планета Беларусь

старонка на сайце Гродзенскай дыяцэзіі

старонка на партале VEDAJ.BY

старонка на партале POSHYK.INFO

відэа з цыклу Святыні Беларусі

панарамнае фота храма