ЧАС ПАБУДОВЫ: 

1898-1916

АРХІТЭКТАРЫ: 

губернскі архітэктар Аляксей Полазаў

АРХІТЭКТУРНЫ СТЫЛЬ: 

мадэрн

ЦІКАВЫЯ ФАКТЫ:

Упершыню драўляная сінагога ў Астрыне ўзгадваецца ў пісьмовых крыніцах у 1652 годзе. 

У канцы ХІХ стагоддзя яўрэі складалі каля 60% насельніцтва мястэчка. Акрамя сінагогі - «бейт-кнэсету» («дому сходаў») тут дзейнічалі некалькі «бейт-мідрашаў» («дамоў навучання») і хедэраў (пачатковых школ).

Сярод вядомых яўрэяў, чый лёс быў звязаны са Астрыной, варта прыгадаць гісторыка і філосафа, прафесара Гарвардскага ўніверсітэта Гары Острына Вольфсана, спевака Беньяміна Хайтоўскага. 

У выніку пажару ў 1898 годзе драўляная сінагога згарэла. Было прынята рашэнне пабудаваць новую - мураваную. Будоўля расцягнулася на доўгія гады. Пры гэтым у першапачатковы праект былі ўнесены змены, якія значна змянілі выгляд галоўнага фасаду. У 1906 годзе старшыня будаўнічай рады Хайкель Дражнін паведамляў у губернскую ўправу, што працы яшчэ не завершаны. Па меркаванні некаторых даследчыкаў новы будынак меў адмысловы механізм, які дазваляў разсоўваць дах (адкрываць неба), што было неабходна падчас святкавання Сукоту.

У гады Другой усясветнай вайны сінагога апынулася ў цэнтры створанага акупантамі гета. Амаль усё яўрэйскае насельніцтва Астрыны было знішчана нацыстамі (забіта ці вывезена ў лагеры смерці).

У пасляваенны час у будынку размяшчаўся Дом культуры і тэатральнай творчасці. У пачатку ХХІ стагоддзя сінагога страціла і гэтую функцыю.

У 2021 годзе будынак набыў на аўкцыёне бізнесмен з Самары Станіслаў Шэрман з мэтай стварэння ў ім музея яўрэйскай культуры.

ГЕАГРАФІЧНЫЯ КААРДЫНАТЫ:

гуглмапс

СПАСЫЛКІ Ў СЕЦІВЕ:

старонка на рэсурсе Radzima.org

старонка на партале Глобус Беларусі

старонка на сайце Планета Беларусь

старонка на партале POSHYK.INFO

старонка праекту МАРШРУТЫ ПА ШТЭТЛАХ

старонка на партале The Bezalel Narkiss Index of Jewish Art