НАЗВА:

помнік на брацкай магіле ахвяраў нацызму ў Шчучыне

ЛАКАЛІЗАЦЫЯ: 

на ўскраіне горада Шчучына на тэрыторыі былога вайсковага аэрадрому.

паглядзець на мапе

АПІСАННЕ: 

Помнік усталяваны на месцы масавага знішчэння больш чым 2000 вязняў шчучынскага гета, якое адбылося 9 мая 1942 года.

Першы помнік быў усталяваны ў 1965 годзе і ўяўляў сабой невысокую бетонную стэлу з высечаным  надпісам на рускай мове. На вяршыні стэлы мелася металічная пяціканцовая зорка.

У 2018 годзе намаганнямі Камітэту па захаванні памяці аб ахвярах халакосту ў Рэспубліцы Беларусь пры фінансавай падтрымцы дабрачынных фондаў з Вялікай Брытаніі і ЗША на магіле быў усталяваны новы помнік. 

Аўтарам пректу з'яўляецца беларускі архітэктар Леанід Левін. Помнік уяўляе сабой гранітную стэлу з высечаным знакам міноры, а таксама  інфармацыйнымі надпісамі на беларускай, англійскай мовах і іўрыце.

Да адваротнага боку помніка прымацаваныя табліцы з надпісамі на рускай мове і іўрыце, якія размяшчаліся на ранейшым помніку.

Аб'ект мае статус пахавання ахвяраў вайны.

СПАСЫЛКІ:

аб'ект на сайце КНІГА ПАМЯЦІ РЭСПУБЛІКІ БЕЛАРУСЬ

аб'ект на старонцы Belarus Holocaust Memorials Project

аб'ект на сайце СОХРАНИМ ИСТОРИЮ