ЧАС ПАБУДОВЫ: 

1769 год;

у 1860-я гады перабудаваны;

капітальна адрамантаваны ў 20-я гады ХХ стагоддзя

АРХІТЭКТАРЫ: 

невядома

АРХІТЭКТУРНЫ СТЫЛЬ: 

барока

ЦІКАВЫЯ ФАКТЫ:

Касцёл будавалі манахі дамініканскага ордэна, якія мелі ў Васілішках свой кляштар, фундаваны ў 1658 годзе Лідскім земскім суддзёй Марцінам Дамінікам Лімантам. Храм быў пасвечаны ў лістападзе 1790 года. Пры касцёле таксама быў збудаваны манастырскі корпус.

У 1832 годзе кляштар дамініканаў быў ліквідаваны, яго маёмасць канфіскавана, а касцёл набыў статус парафіяльнага.

Пасля падзей паўстання 1863 года царскія ўлады ў 1865 годзе канфіскавалі і сам храм, перарабіўшы яго ў праваслаўную царкву. Большая частка храмавай маёмасці, у тым ліку і барочны арган, былі перавезеныя ў найбліжэйшы касцёл у Старых Васілішках.

Пры перабудове былі разабраны верхнія ярусы вежаў з фігурнымі шлемамі, замест якіх з'явіліся невялікія купалы-"цыбуліны". Таксама у другой палове ХІХ стагоддзя быў канчаткова разбураны кляштарны корпус.

У 1919 годзе польскія ўлады вярнулі храм католікам. У 1922-1928 годах быў здзейснены капітальны рамонт касцёла.

14.05.2007 пастановай Савету Міністраў храму нададзены статус гісторыка-культурнай каштоўнасці другой катэгорыі.

ГЕАГРАФІЧНЫЯ КААРДЫНАТЫ:

гуглмапс

СПАСЫЛКІ Ў СЕЦІВЕ:

артыкул у Вікіпедыі

старонка на рэсурсе Radzima.org

старонка на партале Глобус Беларусі

старонка на сайце Планета Беларусь

старонка на сайце Гродзенскай дыяцэзіі

старонка на партале VEDAJ.BY

старонка на партале POSHYK.INFO

старонка на сайце СПАДЧЫНА

відэа з храмам

панарамныя фота храма