ЧАС ПАБУДОВЫ: 

1674 год (верагодна, што ў XVIII стагоддзі храм быў грунтоўна перабудваны).

АРХІТЭКТАРЫ: 

невядома

АРХІТЭКТУРНЫ СТЫЛЬ: 

прасочваюцца рысы барока

ЦІКАВЫЯ ФАКТЫ:

Мураваны касцёл быў фундаваны падстарастам Лідскім Эльяшам Міхалам Рынвідам і яго жонкай Крысцінай Беатай з роду Гружэўскіх.

У 1676 годзе касцёл быў падараваны фундатарамі гродзенскім езуітам, якія заснавалі тут сваю місію. У 1699 годзе статус езуіцкай місіі ў Дэмбрава быў падвышаны да рэзідэнцыі.

У 1773 годзе пасля забароны дзейнасці ордэна езуітаў касцёл стаў парафіяльным.

У касцёле былі ахрышчаны вядомыя мастакі Гіяцынт Альхімовіч і Казімір Альхімовіч.

У 1863 годзе святар Рамуальд Скібіньскі быў сасланы на 8 гадоў у Сібір за падтрымку паўстання.

У 1865 годзе будынак касцёла перадалі праваслаўным вернікам. Храм быў перабудаваны: на даху над алтарнай часткай з'явіўся другі купал - "цыбуліна".

У 1919 годзе будынак вярнулі каталікам. 

У 1939 годзе святар касцёла Тадэвуш Сечка быў арыштаваны органамі НКВД па абвінавачванні ў антысавецкай дзейнасці і загінуў.

ГЕАГРАФІЧНЫЯ КААРДЫНАТЫ:

гуглмапс

СПАСЫЛКІ Ў СЕЦІВЕ:

артыкул у Вікіпедыі

старонка на рэсурсе Radzima.org

старонка на партале Глобус Беларусі

старонка на сайце Гродзенскай дыяцэзіі

панарамныя фота храма