ЧАС ПАБУДОВЫ: 

1869 год

АРХІТЭКТАРЫ: 

невядома

АРХІТЭКТУРНЫ СТЫЛЬ: 

эклектыка (рэтраспектыўна-рускі стыль) 

ЦІКАВЫЯ ФАКТЫ:

Першыя пісьмовыя звесткі пра царкву ў Забалоцці (такую назву першапачаткова мела паселішча) датуюцца 1540 годам. Пры гэтым маецца інфармацыя, што яшчэ напрыканцы ХІХ стагоддзя ў храме знаходзіўся звон з надпісам лацінкай "1506 год". 

У царкве знаходзіўся цудадзейны абраз Маці Божай (верагодна спіс Іверскай іконы). Не выключана, што ікона трапіла сюды разам з уцекачом з Маскоўскай дзяржавы баярынам Міхаілам Сабакіным, які ў 1550 годзе атрымаў паселішча ад караля Жыгімонта І ва ўласнасць. 

У 1705 годзе да святыні здзейсніў паломніцтва кароль Станіслаў Ляшчынскі.

У канцы ХVIII стагоддзя царква была перабудавана: храм меў дзве вежы з дуба і малы купал у задняй частцы.

У 1869 годзе на месцы былой уніяцкай царквы быў узведзены мураваны храм, на будаўніцтва якога выдаткавалі 6235 рублёў. 

У 1886 годзе абраз Маці Божай быў абноўлены, а ў 1893 годзе на ахвяраванні вернікаў для іконы быў створаны адмысловы ківот. З пачаткам Першай усясветнай вайны абраз быў вывезены з храма і далейшы яго лёс невядомы.

У 1899 годзе па рашэнні ўладаў Сабакінцы змянілі назву на сяло Пакроўскае (у гонар мясцовай Пакроўскай царквы).

У 1948 годзе ў выніку пажару храм моцна пацярпеў, а царкоўны архіў загінуў у агні.

ГЕАГРАФІЧНЫЯ КААРДЫНАТЫ:

гуглмапс

СПАСЫЛКІ Ў СЕЦІВЕ:

артыкул у Вікіпедыі

старонка на рэсурсе Radzima.org

старонка на партале Глобус Беларусі

старонка на сайце Планета Беларусь 

старонка на сайце Гродзенскай епархіі

відэа службы ў храме