ЧАС ПАБУДОВЫ: 

пачатак ХХ стагоддзя

АРХІТЭКТАРЫ: 

невядома

АРХІТЭКТУРНЫ СТЫЛЬ: 

мадэрн

ЦІКАВЫЯ ФАКТЫ:

Першыя звесткі аб яўрэях у Жалудку датуюцца ХVІ стагоддзем. Цягам некалькіх наступных стагоддзяў доля яўрэйскага насельніцтва мястэчка няўхільна павялічвалася і ў канцы ХІХ стагоддзя перавысіла 70%.

Да сярэдзіны 1891 года ў мястэчку мелася толькі адна сінагога, аднак у 1899 годзе мясцовая яўрэская супольнасць накіравала пісьмовую просьбу ўладам дазволіць пабудаваць яшчэ адну, бо існуючай было недастаткова для вялікай колькасці вернікаў.

Мураваная сінагога размясцілася на гандлёвай плошчы мястэчка і ўяўляла сабой цэнтр рэлігійнага і грамадскага жыцця.

Сярод жалудоцкіх яўрэяў, якія пакінулі значны след у гісторыі, варта ўзгадаць пісьменніка і выдаўца Бен-Авігдора, мастака парыжскай школы Пінхуса Крэменя, архітэктара і грамадскага дзеяча Мірона Мардуховіча.

Будынак сінагогі складзены з чырвонай цэглы. У пасляваенны час, калі тут размясціўся клуб, знешні выгляд змяніўся з-за дабудаваных аб'ёмаў. У выніку галоўны фасад быў "схаваны" за прыбудаваным фае, а ззаду з'явілася "буда" для кінапраектару. 

ГЕАГРАФІЧНЫЯ КААРДЫНАТЫ:

гуглмапс

СПАСЫЛКІ Ў СЕЦІВЕ:

старонка на партале Глобус Беларусі

старонка на сайце Планета Беларусь

старонка на партале POSHYK.INFO

старонка праекту МАРШРУТЫ ПА ШТЭТЛАХ

старонка на партале The Bezalel Narkiss Index of Jewish Art