НАЗВА:

скульптура дзяўчыны з садавінай

ЛАКАЛІЗАЦЫЯ: 

Шчучынскі раён, Жалудоцкі сельсавет, вёска Ашмянцы.

паглядзець на мапе

АПІСАННЕ: 

скульптура ўяўляе сабой узнесеную на пастамент фігуру дзяўчыны ў сядзячай позе, якае трымае ў руках кошык з садавінай. Агульная кампазіцыя характэрная для сталінскай эпохі і адсылае да архаічных вобразаў багінь урадлівасці. Па сутнасці гэта была спроба стварэння альтэрнатывы хрысціянскаму культу. Замест скульптур Хрыста і Маці Божай, якія карысталіся папулярнасцю сярод мясцовых вернікаў і былі аб'ектамі пакланення, пачалі ўсталёўваць савецкія скульптуры. На Шчучыншчыне гэты працэс ішоў паралельна з узмацненнем антырэлігійнай прапаганды і масавым закрыццём храмаў з пачатку 60-х гадоў.

Скульптура была ўсталявана, верагодна, у 60-я гады ХХ стагоддзя каля будынку праўлення мясцовага калгасу.