ЧАС ПАБУДОВЫ: 

1880 год

АРХІТЭКТАРЫ: 

невядома

АРХІТЭКТУРНЫ СТЫЛЬ: 

поздні класіцызм

ЦІКАВЫЯ ФАКТЫ:

Першая пісьмовая ўзгадка пра Мажэйкаў адносіцца да 1502 года, калі мажэйкаўскі двор атрымаў у карыстанне баярын Міхал Гагін. За ўдзел у мяцяжы Глінскага ў 1508 годзе двор быў у Гагіна адабраны, трапіўшы ва ўладанне спачатку баярына Льва Тышкевіча, а потым князя Васіля Палубенскага. 

Пасля 1509 года двор быў падзелены на Вялікі Мажэйкаў і Малы Мажэйкаў. Першым уладальнікам Малога Мажэйкава быў віленскі падканюшы Шымка Мацковіч, які фундаваў будаўніцтва знакамітай мураванай царквы (абарончага храма ў Мураванцы).

Каля 1660 года лідскі стараста Аляксандр Нарушэвіч аб'яднаў Вялікі і Малы Мажэйкаў у адзінае ўладанне. Праз дынастычны шлюб мажэйкаўскі ключ адыйшоў да прадстаўнікоў магнацкага роду Хадкевічаў, а ў канцы XVIII стагоддзя Малы Мажэйкаў набыў Казімір Кастравіцкі. 

Каля 1860 года ўладальнікам Малога Мажэйкава стаў Аляксандр Брахоцкі. Менавіта ён разбудаваў двор: былі ўзведзены мураваны жылы дом, флігель, стайня, разбіты пейзажны парк.

У 1908-1910 гадах сын Аляксандра Брахоцкага Уладзіслаў перабудаваў жылы дом.

Апошнім уладальнікам сядзібы стаў Андрэй Брахоцкі, які пасля смерці бацькі ў 1931 годзе атрымаў яе ў спадчыну.

У 1939 годзе маёмасць Брахоцкіх была нацыяналізавана бальшавікамі, а на землях маёнтку быў створаны саўгас «17 верасня».

СТАТУС АБ'ЕКТА:

14.05.2007 пастановай Савету Міністраў фрагментам былой сядзібы нададзены статус гісторыка-культурнай каштоўнасці трэцяй катэгорыі. 

ГЕАГРАФІЧНЫЯ КААРДЫНАТЫ:

гуглмапс

СПАСЫЛКІ Ў СЕЦІВЕ:

старонка на Вікіпедыі

старонка на рэсурсе Radzima.org

старонка на партале Глобус Беларусі

старонка на сайце Планета Беларусь

старонка на сайце «Архіварта»

старонка на партале POSHYK.INFO