ЧАС ПАБУДОВЫ: 

1866 год

АРХІТЭКТАРЫ: 

невядома

АРХІТЭКТУРНЫ СТЫЛЬ: 

эклектыка (рэтраспектыўна-рускі стыль) 

ЦІКАВЫЯ ФАКТЫ:

У 1747 годзе ў Орлі была заснавана уніяцкая парафія. Па фундацыі князя Гераніма Радзівіла тут была пабудавана драўляная царква з двума вежамі і купалам (верагодна стылёва належала да драўлянага барока).

З 1753 года пры царкве дзейнічала школа для дзяцей святароў Лідскага дэканата.

У канцы ХVIII стагоддзя храм быў перабудаваны: вежы зніклі, застаўся толькі купал.

Мураваная царква была пабудавана коштам дзяржаўнага скарбу ў 1866 годзе (каштавала 5671 рубель 45 капеек).

Маюцца звесткі, што яшчэ ў канцы ХІХ стагоддзя на званіцы царквы знаходзіўся звон з надпісамі па-нямецку і пазначанай датай - 1665 год (верагодна, гэта быў звон з існаваўшага раней у Орлі кальвініскага збору).

У 1924 годзе святара мясцовай царквы Васіля Харлапа польскія ўлады арыштвалі па падазрэнні ў прыналежнасці да "бандыцка-дыверсійнай беларускай арганізацыі".

У 1962 годзе храм быў зачынены і перададзены на гаспадарчыя патрэбы мясцоваму калгасу.

У 1990 годзе святыню перадалі вернікам.

ГЕАГРАФІЧНЫЯ КААРДЫНАТЫ:

гуглмапс

СПАСЫЛКІ Ў СЕЦІВЕ:

артыкул у Вікіпедыі

старонка на рэсурсе Radzima.org

старонка на партале Глобус Беларусі

старонка на сайце Гродзенскай епархіі

відэа службы ў храме